Home ព័ត៌មានជាតិ នយោបាយ ​ប្រមុខ​រាជរដ...

​ប្រមុខ​រាជរដ្ឋាភិបាល​លើកទឹកចិត្តឲ្យ​ពលរដ្ឋ​ធ្វើជា​សកម្មជន​ប្រឆាំង​ព័ត៌មាន​មិន​ពិត​

ដោយ​៖​តារា​រិ​ទ្ធ​(​ភ្នំពេញ​)៖​ប្រមុខ​រាជ​រដ្ឋា​ភី​បាល​កម្ពុជា​សម្តេច​តេ​ជោ​ហ៊ុនសែនបាន​អំពាវ នាវ​ឲ្យ​ប្រជាពលរដ្ឋ​ធ្វើជា​សកម្មជន​ប្រឆាំងនឹង​ព័ត៌មាន​ក្លែងក្លាយ​ដែលបង្ហោះ​នៅតាម​បណ្តាញ​សង្គម​ហ្វេ​ស​បុក ។ ជាមួយគ្នានេះ​សម្តេច​បាន​ហៅ​ពួក​អ្នក​បំផុស​ព័ត៌មាន​មិន​ណិ​ត​ទាំងនោះ​ថា​ជា​ជន​ទុច្ចរិត​ដែលមាន​បំណង​បង្ក​ចលាច​ល​នៅក្នុង​សង្គម ។

​ប្រមុខ​រាជរដ្ឋាភិបាល​កម្ពុជា​បាន​អំពាវនាវ​បែបនេះ​នៅក្នុង​ពិធី​ប្រគល់​សញ្ញាបត្រ​ជូន​និស្សិត​សាកលវិទ្យាល័យ​អាស៊ី​អឺរ៉ុប​នៅ​វិទ្យាស្ថាន​ជាតិ​អប់រំ​រាជធានី​ភ្នំពេញ​បា​នៅ​ព្រឹក​ថ្ងៃ​ចន្ទ​ទី​២ ខែមីនា ឆ្នាំ​២០២០ ។​

​សម្តេច​តេ​ជោ​នាយករដ្ឋមន្ត្រី​បានលើកឡើង​ថា​ការ​បំផុស​ព័ត៌មាន​មិន​ពិត​ដោយសារ​ការផ្សព្វផ្សាយ​នៅតាម​បណ្តាញ​ហ្វេ​ស​ប៊ុ​ក​នាពេល​ប៉ុន្មាន​ថ្ងៃនេះ​ពាក់ព័ន្ធ​នឹងការស្លាប់​របស់​ប្រ ជាជន​ខ្មែរ​ដោយសារ​ជំងឺ​កូ​រ៉ូ​ណា​នោះ​គឺជា​អំពើ​បំពុល​ព័ត៌មាន​របស់​ក្រុម​ទុច្ចរិត​តែប៉ុណ្ណោះ ។ ការ​បំភ្លៃ​ព័ត៌មាន​គឺ​ក្រុម​ទុច្ចរិត​មានបំណង​បំភិតបំភ័យ​ប្រជាពលរដ្ឋ​ទូទៅ​ផង​និង​បំ ភិតបំភ័យ​ក្រុមគ្រួសារ​របស់ខ្លួន​ផង​ប៉ុណ្ណោះ ព្រោះ​ការពិត​នៅ​កម្ពុជា​មិនមាន​ករណី​ជំងឺ Covid- 19 នេះ​កើតឡើង​ទេ​រហូតមក ដល់ពេលនេះ​។

​សម្តេច​តេ​ជោ​នាយករដ្ឋមន្ត្រី ហ៊ុន សែន បាន​មានប្រសាសន៍ថា​៖«​ មាន​ជន​ទុច្ចរិត​ខ្លះ​គ្រាន់តែ​គេ​ដើរ​ដួលសន្លប់​ដោយសារ​ប្រការ​ផ្សេងៗ​បែរជា​យកមក​បង្ហោះផ្សាយ​ថា​ស្លាប់​ដោយសារ​ជំងឺ​កូ​រ៉ូ​ណាហើយ​នេះ​គឺជា​ការ​ប្រឌិត​ព័ត៌មាន​ក្លែងក្លាយ​ក្នុង​បំណង​ទុច្ចរិត​បង្កចលាចល​សង្គម​ដែល​មិន​ខុសពី​ពួក​ភេរ​វករ​នោះឡើយ​។​​ទោះជា​យ៉ាងណា​សម្តេចនាយក​រដ្ឋមន្ត្រី ហ៊ុន សែន មានជំនឿថា​ប្រជាជន​កម្ពុជា​នឹងមិន​តក់ស្លុត​ដែល​រហូតដល់​មិនអាច​គ្រប់គ្រង​ខ្លួនឯង​បានទេ​ហើយ​ការ​ផ្សព្វផ្សាយ​បំផ្លើស​ណាមួយ​មិនបាន​ជួយ​អ្វី​ឱ្យ​ប្រសើរ​ក្រៅពី​បង្ក​ការភ័យខ្លាច​ដល់​ប្រជាជន​និង​ក្រុមគ្រួសារ​តែប៉ុណ្ណោះ។​ជាមួយនេះ​សម្តេច​តេ​ជោ​នាយករដ្ឋមន្ត្រី​ក៏​នៅតែ​អំពាវនាវ​ចំពោះ​ប្រជាពលរដ្ឋ​របស់​យើង​គឺ​ចាប់ផ្ដើម​ពី​ខ្លួនឯង​ម្នាក់ៗ ឈានទៅ​ក្រុមគ្រួសារ​ទាំងមូល ត្រូវខិតខំ​ថែរក្សា​អនាម័យ​ការពារ​ខ្លួនប្រាណ​លាង​សំអាត ដៃ​ឲ្យ​បាន​ញឹក​ញ៉ាប់ មិនត្រូវ​ភ័យ​តក់ស្លុត​នោះទេ ៕

ទីតាំងផ្សាយពាណិជ្ជកម្ម

- Advertisment -

Most Popular

យុវជន​ម្នាក់​ដែល​បាន​រួមភ...

​ដោយៈ​ស​រិ​ទ្ធ​/​ភ្នំពេញៈ...

​ព្រឹកស្អែក​សម្តេច​តេ​ជោ ...

ដោយ​៖​តារា​រិ​ទ្ធ​/​ភ្នំព...

​ស្ត្រី​កម្ពុជា ក្នុង​វិស...

​ដោយៈ ពៅ​និមល / ភ្នំពេញៈ ...

ប្រើ​អំពើហិង្សា​លើ​អតីត​ប...

ដោយ​: ស​រិ​ទ្ធ / កណ្តាល​:...