លោក ចូសេ ម៉ូរីញ៉ូ (Jose Mourinho) គ្រោងដាក់សំណើនៅរដូវក្តៅ ដើម្បីផ្ទេរខ្សែការពារ គ្រីស ស្មលិង (Chris Smalling) របស់ម៉េនឆេស្ទ័រ យូណាយធីត។ នេះបើតាមសេចក្តីរាយការណ៍ នៅអ៊ីតាលី។
ស្មលិង ធ្វើបានល្អ អំឡុងពេលខ្ចីជើងពេញមួយរដូវកាលនៅក្លិប រ៉ូម៉ា (Roma) ប៉ុន្តែមិនទាន់ យល់ព្រមទទួលយកកិច្ចព្រមព្រៀងផ្ទេរអចិន្ត្រៃយ៍នៅឡើយទេ ខណៈក្លិបនៅ Serie A នេះមិន ទាន់ព្រមព្រៀងនឹងតម្លៃផ្ទេរ។
កាសែត ដេយលី អ៊ិចប្រេស(Daily Express) អះអាងថា ក្លិប Roman ចង់ចំណាយ១៤លាន ផោនសម្រាប់ ស្មលិង ដើម្បីធ្វើឲ្យប្រាកដថា ខ្លួនមិនរំលោភលក្ខខណ្ឌប្រកួតដោយយុត្តិធម៌ផ្នែក ហិរញ្ញវត្ថុ ប៉ុន្តែយូណាយធីតទាមទារ១៧លានផោន។
ប្រសិនបើក្លឹបទាំងពីរខកខានមិនបានសម្រេចកិច្ចព្រមព្រៀង នោះក្លឹប Tottenham នឹងត្រៀម ឆក់ឱកាសនេះ ដើម្បីនាំយកកីឡាកររូបនេះមកកាន់ក្លឹបនៅក្របខណ្ឌព្រីមីញ៉េលីក។
លោក ម៉ូរីញ៉ូ ធ្លាប់ធ្វើការងារជាមួយ ស្មលិង អំឡុងពេលលោកដឹកនាំបីឆ្នាំនៅពហុកីឡដ្ឋាន Old Trafford ហើយជឿថា កីឡាកររូបនេះអាចនឹងធ្វើបានល្អជាមួយនឹងក្លិបដែលលោកដឹកនា។
ក្លិបស្ពឺរ ទំនងជាបាត់បង់ វើថុនងហិន (Vertonghen) នៅរដូវក្តៅនេះ ស្របពេលដែលកិច្ចសន្យា របស់ខ្សែការពាររូបនេះ គ្រោងនឹងចប់នៅដំណាច់រដូវកាលនេះ៕ ប្រែសម្រួល: ពិសិដ្ឋ
