Home ព័ត៌មានអន្តរជាតិ សមយុទ្ធ​ពស់វែ...

សមយុទ្ធ​ពស់វែក​មាស​រវាង​អាម៉េរិក​និង​ថៃ​រួម​ជាមួយ​ដៃគូ​២៩​ប្រទេស​ទៀត​កំពុង​ប្រព្រឹត្តទៅ​នៅ​ថៃ​

​ផឹក​ឈាម​ពស់​វែក ស៊ីសាច់​តុកកែ​និង​ខ្យាដំរី​ឆៅ ជា​ផ្នែក​មួយ​នៃ​ការ​ហាត់រៀន​រស់នៅក្នុង​ព្រៃ​ក្នុងអំឡុង​សមយុទ្ធ​យោធា​រួម​គ្នា​រវាង​កងទ័ព​អាម៉េរិក​និង​ថៃ រួម​​ជាមួយ​ដៃគូ​២៩​ប្រទេស​ទៀត​ដែល​ត្រូវ​ធ្វើឡើង​នៅក្នុង​ខេត្ត​ចាន់ថា​ប៊ូ​រី​និង​ឈុន​ប៊ូ​រី ប្រទេស​ថៃ​។​

​សមយុទ្ធ ពស់វែក​មាស​ទី​៣៩​នេះ បាន​ចាប់ផ្តើម​តាំងពី​ថ្ងៃ​២៤​កុម្ភៈ ហើយ​នឹង​ចប់​នៅ​ថ្ងៃ​០៦​មីនា ។​វា​រួម​មាន​ការហ្វឹកហាត់​ខាង​ផ្តល់​ជំនួយ​មនុស្សធម៌ ជួយសង្គ្រោះ​​គ្រាអាសន្ន​និង​ប្រឆាំង​ភេរវកម្ម​។​តែ​លំ​ហាត់​យោធា​ប្រចាំឆ្នាំ​ដែល​មាន​ការចូលរួម​ពី​ទាហាន​រាប់ពាន់នាក់​នេះ ទទួលបាន​ការចាប់អារម្មណ៍​ខ្លាំង​ចំពោះ​ការហាត់​ស៊ី​​អាហារ​ជា​សាច់​សត្វព្រៃ​ឆៅ​ដើម្បី​ការ​មាន​ជីវិត​នៅក្នុង​ពេល​ជាប់​នៅក្នុង​ព្រៃ​។​

​ក្រៅពី​អាម៉េរិក​និង​ថៃ ប្រទេស​ចំនួន​២៩​ទៀត​ក៏​ចូលរួម​ក្នុង​សមយុទ្ធ​ដ៏​ធំ​បំផុត​នៅ​អាស៊ី​ប៉ាស៊ីហ្វិក​នេះដែរ​។​វា​បង្រៀន​ទាហាន​ឲ្យ​ចេះ​រស់​ក្នុង​ស្ថានភាព​អាក្រក់​​បំផុត​នៅក្នុង​ព្រៃ​។​ទាហាន​អាម៉េរិក​ប្រមាណ​៤.៥០០​នាក់ ចូលរួម​សមយុទ្ធ​នេះ ទាំង​នៅលើ​ដី​និង​ក្នុង​សមុទ្រ ជាមួយ​ដៃគូ​មក​ពី​សិង្ហ​បុរី ចិន ជប៉ុន ឥណ្ឌា កូរ៉េខាងត្បូង ឥណ្ឌូណេស៊ី​និង​ម៉ាឡេស៊ី​។​

​កាលពី​ថ្ងៃ​អង្គារ​សប្តាហ៍​មុន​នៅ​ជំរំ​មួយ​ក្នុង​ខេត្ត​ចាន់ថា​ប៊ូ​រី ក្រោម​ការបង្ហាត់បង្ហាញ​ពី​គ្រូ​ថៃ ទាហាន​អាម៉េរិក​បាន​ហាត់​ផឹក​ឈាម​ពស់​ដែល​គេ​ថា​ជា​ប្រភព​​ផ្តល់​ជាតិ​ទឹក​ដល់​រាងកាយ​ឡើងវិញ ក្នុងអំឡុង​បេសកកម្ម​នៅក្នុង​ព្រៃ​នៅ​ពេល​ទាហាន​ថៃ​បង្ហាញ​ជំនាញ​ចាប់​និង​សម្លាប់​ពស់វែក​។​

​ពួក​ទាហាន​អាម៉េរិក​ក៏​ត្រូវ​បង្ខំ​ឲ្យស៊ី សាច់​ពស់​ឆៅ ខ្យាដំរី​និង​តុកកែ​ផងដែរ​។​ពួកគេ​ក៏​ត្រូវ​បាន​បង្រៀន​របៀប​ស្វែងរក​ទឹក​នៅ​ក្នុងព្រៃ​និង​សម្គាល់​រុក្ខជាតិ​ដែល​​អាច​ស៊ី​បាន​។​

​នៅតាម​ឆ្នេរ​នៃ​ខេត្ត​ឈុន​ប៊ូ​រី​ឯ​ណោះ​វិញ ទាហាន​ថៃ​និង​អាម៉េរិក​ក៏​ហាត់​បើ​កនា​វា​នាំ​កម្លាំង​ឡើងគោក​ហើយ​យន្តហោះ​បាន​ធ្វើ​ការទម្លាក់​គ្រាប់បែក​ជាមុន​​នៅពេល​ទាហាន​ម៉ា​រី​ន​ធ្វើ​ដូចជា​បាញ់​លើ​កងទ័ព​សត្រូវ​ហើយ​ឧទ្ធម្ភាគចក្រ​ចុះ​យក​ទាហាន​ត្រូវរបួស​។​

​ការហ្វឹកហាត់​ដោះ​គ្រាប់មីន​ក៏​ត្រូវបាន​ធ្វើឡើង​ជាមួយ​នឹង​យន្តហោះ​យោធា F-35B Green Knights ចេញពី​នាវា​មួយ​បានធ្វើការ​វាយប្រហារ​លើ​ដី ហើយ​យន្តហោះ​ F-16 របស់​ថៃ​ធ្វើ​ការគាំទ្រ​ពី​អាកាស​។​រថពាសដែក ឧទ្ធម្ភាគចក្រ​និង​យន្តហោះ​ផ្សេងទៀត​ក៏​បាន​ចូលរួម​ក្នុង​ប្រតិបត្តិការ​វាយប្រហារ​លើ​ឆ្នេរ ដូច​ពិតៗ​នេះដែរ​៕​ប្រែ​សម្រួល​៖​វាសនា​/Ha

សមយុទ្ធ​ពស់វែក​មាស​លើក​ទី​៣៩​ឆ្នាំ​២០២០​រយៈពេល​១០​ថ្ងៃ នឹង​បញ្ចប់​នៅ​ថ្ងៃ​០៦​មីនា​

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខេត្តសៀមរាប​ចែក​ម...

ដោយ​: គូលែន / សៀមរាប​: នៅ...

រដ្ឋមន្ត្រី​ក្រសួងការពារជ...

ដោយ​: សៅ វ៉ាន់ឌី / ខេត្តព...

ការស្រាវជ្រាវ​៖​ការវិនិយោ...

​ដោយៈ​សុផល​/ភ្នំពេញ​៖ វិទ...

អភិបាល​រាជធានី​ថ្លែងអំណរគ...

​ដោយ​៖ រ៉ា​ម៉ន / ភ្នំពេញ​...