Home ព័ត៌មានជាតិ សន្តិសុខ អង្គភាព​ប្រឆា...

អង្គភាព​ប្រឆាំង​អំពើពុករលួយ​ឃាត់ខ្លួន​អតីត​ប្រធាន​មន្ទីរ​រៀបចំ​ដែនដី​ខេត្ត​ព្រះសីហនុ​

លោក នួន ប៉ុក

ដោយៈ​មុនី​រ័ត្ន​/​ភ្នំពេញៈ អង្គភាព​ប្រឆាំង​អំពើពុករលួយ (​អ​.​ប​.​ព​,ACU) បាន​ឃាត់ខ្លួន​អតីត​ប្រធាន​មន្ទីរ​រៀបចំ​ដែនដី​នគរូបនីយកម្ម និង​សំណង់ ខេត្ត​ព្រះសីហនុ នៅក្នុង​ខេត្ត​ព្រះសីហនុ នាំយកមក​អង្គភាព​ប្រឆាំង​អំពើពុករលួយ ដើម្បី​ចាត់វិធានការ​តាម​នីតិវិធី​។ ការឃាត់ខ្លួន​នេះ បានធ្វើ​ឡើង​កាលពី​ល្ងាច​ថ្ងៃទី​១​ខែមីនា ឆ្នាំ ២០២០​។​នេះ​បើតាម​ប្រភព​អះអាង​។​
​អតីត​ប្រធាន​មន្ទីរ​រៀបចំ​ដែនដី​នគរូបនីយកម្ម និង​សំណង់ ខេត្ត​ព្រះសីហនុ ដែល​ឃាត់ខ្លួន​ឈ្មោះ លោក នួន ប៉ុក គឺពាក់ព័ន្ធ​ករណី​ប្រព្រឹត្ត​អំពើ​ពុ​រលួយ​កាល​នៅ​កាន់តំណែង​។​
​លោក នួន ប៉ុក ត្រូវបាន​ដកតំណែង​កាលពី​ជាង​១​ឆ្នាំមុន បន្ទាប់ពី​ស្រាវជ្រាវ​រកឃើញ​កំហុសឆ្គង​ជាច្រើន​។​

សូមជម្រាបថា កាលពីថ្ងៃទី២៣ ខែមីនា ឆ្នាំ២០១៦ លោក នួន ប៉ុក ត្រូវបានប្រកាសចូលកាន់តំណែងជាប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តព្រះសីហនុ ជំនួសលោក ហ៊ុន ភី ប្រធានមន្ទីរចាស់ដែលត្រូវចូលនិវត្តន៍។ នៅថ្ងៃទី១ ខែមីនា ឆ្នាំ២០១៨ លោកនួប ប៉ុក ផ្លាស់ប្តូរដោយដាក់លោកចេង ស្រុង ជាប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តព្រះសីហនុថ្មី។
​ទាក់ទង​ករណីនេះ លោក​ទេសរដ្ឋមន្ត្រី ឱម យ៉ិនទៀង ប្រធាន​អង្គភាព​ប្រឆាំង​អំពើពុករលួយ មិនអាច​សុំ​ការអត្ថាធិប្បាយ​បានទេ នៅ​ព្រឹក​ថ្ងៃទី​៣ ខែមីនា​៕​សរន​

ទីតាំងផ្សាយពាណិជ្ជកម្ម

- Advertisment -

Most Popular

យុគសម័យ​ទំនើប​គ្មានទេ​មន្...

ដោយ​: គង់​ហេង​/ កំពង់ចាម​...

ឃាត់ខ្លួន​ជនសង្ស័យ​២​នាក់...

ដោយ​: ប​.​ជ័យ / បន្ទាយមាន...

ស្ថានទូត​ចិន​ប្រចាំ​ក្រុម...

​ប្រែ​សម្រួលៈ​វាសនា​/​ម៉ា...

មន្ត្រី​សាលាខេត្ត​បន្ទាយម...

​ដោយៈ ប​.​ជ័យ / បន្ទាយ​មា...