ដោយៈវណ្ណៈ/ព្រះសីហនុ៖ម៉ូតូចំនួន២គ្រឿងបានបុកគ្នានៅលើចិញ្ចើមផ្លូវជាតិលេខ៤បង្កឱ្យមនុស្ស៣នាក់របួសធ្ងន់ស្រាលក្នុងស្រុកកំពង់សិលាខេត្តព្រះសីហនុ។ករណីនេះកើតឡើងនៅចន្លោះគីឡូម៉ែត្រ127-128ស្ថិតក្នុងភូមិចាំស្រីឃុំកំពង់សីលាស្រុកកំពង់សីលាខេត្តព្រះសីហនុកាលពីម៉ោងជាង៥ល្ងាចថ្ងៃទី០២ខែមិនាឆ្នាំ២០២០។
សមត្ថកិច្ចមូលដ្ឋានបញ្ជាក់ថា ទី១-ម៉ូតូហុងដាឌ្រីម ស៊េរី 2017 ពណ៌ខ្មៅ ពាក់ស្លាកលេខកំពង់ស្ពឺ 1J-6559 ទិសដៅខេត្តព្រះសីហនុ-ភ្នំពេញ បើកបរដោយឈ្មោះ ប៊ុល ភ័ណ្ណ ភេទប្រុស អាយុ ១៨ឆ្នាំ (រងរបួសធ្ងន់បាក់ជើងខាងឆ្វេង) ។អ្នករួមដំណើរជាមួយឈ្មោះ ប៊ុល រស្មី ភេទប្រុស អាយុ ១២ ឆ្នាំ អ្នកទាំងពីរ មានទីលំនៅភូមិវាល ឃុំកំពង់សីលា ស្រុកកំពង់សីលា ខេត្តព្រះសីហនុរងរបួសធ្ងន់ដូចគ្នា អ្នកទាំងពីរបញ្ជូនទៅមណ្ឌលសុខភាពតក្កវិទស្រុកកំពង់សីលា ។
ទី២-ម៉ូតូ ម៉ាកវ៉េវអាលហ្វា ពណ៌ខ្មៅគ្មានស្លាកលេខ ទិសដៅផ្ទុយគ្នា(បត់ចូលផ្លូវលំ)បើកបរដោយឈ្មោះ ឈឹមឈៀនភេទប្រុសអាយុ៥៥ឆ្នាំមានទីលំនៅភូមិវាលឃុំកំពង់សីលាស្រុកកំពង់សីលាខេត្តព្រះសីហនុរងរបួសធ្ងន់បច្ចុប្បន្នបញ្ជូនទៅព្យាបាលនៅមន្ទីរពេទ្យភ្នំពេញ។ក្រោយកើតហេតុម៉ូតូទាំងពីរត្រូវបាន នគរបាល ចរាចរស្រុកកំពង់សីលា យកទៅរក្សាទុកដោះស្រាយតាមនីតិវិធី៕S/
