ដោយមូលសម្បត្តិ/ភ្នំពេញ៖មន្ត្រីក្រសួងទេសចរណ៍បានប្រាប់ឱ្យដឹងនៅថ្ងៃនេះថាក្នុងខែមករាឆ្នាំ២០២០នេះភ្ញៀវទេសចរបរទេសមកកំសាន្តនៅកម្ពុជាបានធ្លាក់ចុះ១៥ភាគរយបើធៀបទៅនឹងរយៈពេលដូចគ្នាទៅនឹងឆ្នាំទៅមិញ។ក្នុងនោះទេសចរចិនធ្លាក់៣០ភាគរយ។ភ្ញៀវអឺរ៉ុបធ្លាក់ចុះ៤ភាគរយ។តែភ្ញៀវថៃនិងវៀតណាមមានការកើន១០ភាគរយទៅវិញ។
លោកគង់សុភារក្សមន្ត្រីស្ថិតិផែនការនៃក្រសួងទេសចរណ៍បានឱ្យដឹងថាការធ្លាក់ចុះទេសចរណ៍ក្នុងខែមករានេះគឺមុនពេលដែលមានកើតជំងឺកូរ៉ូណាផ្ទុះនៅប្រទេសចិនទៅទៀត។តែក្នុងខែកុម្ភៈដែលជាខែផ្ទុះជម្ងឺនេះខ្លាំងពាសពេញពិភពលោកខ្លាំងមិនដឹងថាវានឹងថយចុះភ្ញៀវទេសចរខ្លាំងក្លាប៉ុណ្ណាទេ។លោកគង់ សុភារៈមិនបានបង្ហាញតួលេខទេដោយសារប្រមូលមិនទាន់អស់។
ប្រភពពីមន្ត្រីនៅព្រលានយន្តហោះបានអោយដឹងកាលពីថ្មីៗនេះថាក្នុងឱកាសកើតមានផ្ទុះជម្ងឺកូរ៉ូណានាខែកុម្ភៈនេះធ្វើអោយអ្នកធ្វើដំណើរតាមផ្លូវអាកាសទាំង៣ច្រកថយចុះ៦០ភាគរយបើធៀបទៅនិងឆ្នាំទៅមិញរយៈពេលដូចគ្នា។នៅខេត្តសៀមរាបគេសង្កេតឃើញមានផ្ទះសំណាក់និងសណ្ឋាគារមួយចំនួនបង្ខំចិត្តបិទទ្វារបណ្តោះអាសន្នសិននិងដាក់ស្លាកលក់ឫជួលដោយសារអត់ភ្ញៀវចូលទៅស្នាក់នៅ។
ក្រសួងទេសចរណ៍ក៏ដូចរាជរដ្ឋាភិបាលកំពុងដុតដៃដុតជើងរិៈរកវិធាការណ៍គ្រប់បែបយ៉ាងរហូតដល់ទៅលើកលែងពន្ធអាជីវកម្មប្រឹងឃោសនាផ្សព្វផ្សាយអោយភ្ញៀវមកចូលដេក។ដើម្បីស្តារឩស្សាហកម្មមួយនេះឡើងវិញតាមដែលអាចធ្វើទៅបានក្នុងរយៈមួយយូរអង្វែងរាប់ខែទៅមុខទៀត៕S/
