Home ព័ត៌មានជាតិ សេដ្ឋកិច្ច ​វី​ង​និង​មេ​...

​វី​ង​និង​មេ​នូ​ឡាយ​ហ្វ៍​បើក​កិច្ចពិភាក្សា​ស្តីពី​ភាពជា​អ្នកដឹកនាំ​របស់​ស្ត្រី​នៅក្នុង​យុគសម័យ​ឌីជីថល​

ដោយ​សុផល​/​ភ្នំពេញៈ​ធនាគារ​ឯកទេស​វី​ង​(​ខេ​ម​បូ​ឌា​)​លីមីត​ធី​ត​ដែលជា​ធនាគារ​ឈានមុខ​គេ​ក្នុង​ការផ្តល់សេវា​ធនាគា​រ​ចល័ត​នៅ​កម្ពុជា​និង​ក្រុមហ៊ុនមេ​នូ​ឡាយ​ហ្វ៍​(​ខេ​ម​បូ​ឌា​)​ដែលជា​ក្រុមហ៊ុន​ធានារ៉ាបរង​អាយុជីវិត​អន្តរជាតិ​ឈានមុខ​គេ​មួយ​បានរួម​សហការ​រៀបចំ​កម្មវិធី​ពិភាក្សា​ស្តីពី​ការពង្រឹង​សិទ្ធិ​ស្ត្រី​និង​វិធីសាស្ត្រ​ឆ្ពោះទៅរក​ភាពជា​អ្នកដឹកនាំ​ក្នុង​យុគសម័យ​ឌីជីថល​។​

​លោក​ម៉ា​នូ​រ៉ា​ចាន់​អគ្គនាយក​នៃ​ធនាគារ​ឯកទេស​វី​ង​(​ខេ​ម​បូ​ឌា​)​លីមីត​ធី​ត​បាន​មានប្រសាសន៍ថា​៖«​ការពង្រឹង​សិទ្ធិអំណាច​ស្ត្រី​ក្នុងការ​ចូលរួម​ក្នុង​វិស័យសេដ្ឋកិច្ច​គឺជា​គន្លឹះ​ដើម្បី​បិទ​គម្លាត​យេនឌ័រ​។​វី​ង ប្តេជ្ញា​ឆ្ពោះទៅរក​ការសម្រេច​ឱ្យបាន​នូវ​គោលដៅ​នេះ​តាមរយៈ​បណ្តាញ​ផលិតផល​និង​សេវាកម្ម​ជាដើម​។​វា​ពិតជា​ចាំបាច់​ក្នុងការ​វិនិយោគ​លើ​ការពង្រឹង​សិទ្ធិអំណាច​ស្ត្រី​តាមរយៈ​ការផ្តល់ជូន​ឱកាស​បណ្តុះបណ្តាល​ជំនាញ​វិជ្ជាជីវៈ​សម្រាប់​ការច្នៃប្រឌិត​បច្ចេកវិទ្យា​និង​ការអភិវឌ្ឍ​សហគ្រិនភាព​ដែល​មិន​ត្រឹមតែ​ផ្តល់​អត្ថប្រយោជន៍​ដល់​ស្ត្រី​ខ្លួនឯង​ប៉ុណ្ណោះ​ទេ ប៉ុន្តែ​ថែមទាំង​ជួយ​ដល់​គ្រួសារ​របស់​ពួកគេ​ផងដែរ​» ។

​ក្នុង​បណ្តាញ​ភ្នាក់ងារ​របស់​វី​ង​៨០​ភាគរយ​គឺជា​ស្ត្រី​មេផ្ទះ​ដែល​ពួកគាត់​មានឱកាស​អាច​រកប្រាក់​ចំណូល​បន្ថែម​ដើម្បី​ផ្គត់ផ្គង់​គ្រួសារ​ហើយ​សមិទ្ធផល​នេះ​បានរួម​ចំណែក​លើកស្ទួយ​សេដ្ឋកិច្ច​ក្នុងប្រទេស​ផងដែរ​។​វី​ង​បាន​ចូលរួម​គាំទ្រ​ពួកគេ​ឲ្យ​ក្លាយជា​អ្នករក​ប្រាក់កម្រៃ​បាន​ដោយ​ឯករាជ្យ​ដើម្បី​ផ្គត់ផ្គង់​គ្រួសារ​របស់​ពួកគេ​។​

«​ក្នុងចំណោម​បុគ្គលិក​របស់​យើង​ទាំង ៤៧៨ នាក់ នៅក្នុង​កម្ពុជា បុគ្គលិក​ជាង ២០០ នាក់​ជា​ស្ត្រី និង ១៥​នាក់​ក្នុងចំណោម​ពួកគាត់​មានមុខ​ងារ​ជា​អ្នកដឹកនាំ​។​ពួកគាត់​ទាំងអស់​រួមចំណែក​យ៉ាងសំខាន់​ដល់​ការរីកចម្រើន​របស់​ក្រុមហ៊ុន​រួមទាំង​ជម្រុញ​ក្រុមហ៊ុន​របស់​យើង​ឲ្យ​ក្លាយទៅជា​អ្នកដឹកនាំ​ផ្នែក​ឌីជីថល​នៅលើ​ទីផ្សារ​សម្រាប់​អតិថិជន​ផងដែរ​។​ខ្ញុំ​លើកទឹកចិត្ត​ឱ្យ​អ្នក​ទាំងអស់គ្នា​ចូលរួម​ជម្រុញ​និង​លើកទឹកចិត្ត​ដល់​ស្ត្រី​ទូទៅ ទាំង​នៅ​កន្លែងធ្វើការ​ក្នុង​ក្រុមគ្រួសារ​សង្គម​និង​នៅ​គ្រប់​ទីកន្លែង​»​នេះ​បើតាម​ប្រសាសន៍ លោក យូ សា​មឺ​ឌី នាយក​គ្រប់ គ្រង នាយកដ្ឋាន​ធនធានមនុស្ស របស់​ក្រុមហ៊ុន មេ​នូ​ឡាយ​ហ្វ៍ ខេ​ម​បូ​ឌា​។

យោងតាម​របាយការណ៍​សាជីវកម្ម​ហិរញ្ញវត្ថុ​អន្តរជាតិ​បានបង្ហាញ​ថា​៦១​ភគ​រយ​នៃ​អាជីវកម្ម​ដែល​ចូលរួមចំណែក​ក្នុង​សេដ្ឋកិច្ចកម្ពុជា​ត្រូវបាន​គ្រប់គ្រង​ដោយ​ស្ត្រី​ដែល​តួលេខ​នេះ​ខ្ពស់ជាង​បណ្តា​ប្រទេស​នៅ​តំបន់​អាស៊ាន​។​របាយការណ៍​នេះ​ក៏បាន​បញ្ជាក់​ផងដែរ​ថា​ក្នុង​ឆ្នាំ​២០១៨​ស្ត្រី​ចំនួន​៩០​ភាគរយ​បាន​ដឹកនាំ​ដំណើរការ​សហគ្រាស​ធុន​តូច​និង​មធ្យម​។​ពួកគេ​ទទួលបាន​ប្រាក់ចំណេញ​យ៉ាង​សមរម្យ​ទាំងនេះ​បាន​សបញ្ជាក់​ឱ្យឃើញ​ពី​សារសំខាន់​នៃ​ការដោះស្រាយ​ឧបសគ្គ​ទាក់ទង​នឹង​បញ្ហា​យេនឌ័រ​ដែល​រារាំង​ស្ត្រី​មិនឱ្យ​មានឱកាស​ពេញលេញ​ក្នុងតួនាទី​ជា​អ្នកដឹកនាំ​។​

វី​ង​និង​មេ​នូ​ឡាយ​ហ្វ៍​(​ខេ​ម​បូ​ឌា​)​យកចិត្តទុកដាក់​លើ​ការអភិវឌ្ឍ​វិស័យ​ហិរញ្ញវត្ថុ​និង​បានរួម​ចំណែក​ធ្វើឱ្យ ជីវភាព​ប្រចាំថ្ងៃ​របស់​ប្រជាជន​កម្ពុជា​ប្រសើរឡើង​។​វី​ង​តែងតែ​ប្រើប្រាស់​ផលិតផល​ប្រកបដោយ​ភាព​ច្នៃប្រឌិត​ដើម្បី​ជម្រុញ​បរិ​យា​ប័ន្ន​ហិរញ្ញវត្ថុ​ក្នុងប្រទេស​ដោយបាន​រួម​បញ្ចូល​ទាំង​អ្នក​មិនមាន​គណនី​ធនាគារ​។​មិន​ស្ថិតក្នុង​បណ្តាញ​ធនាគារ​រីឯ​ក្រុមហ៊ុនមេ​នូ​ឡាយ​ហ្វ៍​(​ខេ​ម​បូ​ឌា​)​ជា​ក្រុមហ៊ុន​អន្តរជាតិ​ដំបូងបង្អស់ ដែល​នាំយក​ផលិតផល​ធានារ៉ាប់រង​អាយុជីវិត​និង​ផែនការ​ការពារ​ហិរញ្ញវត្ថុ​រយៈពេល​វែង​មកកាន់​ទីផ្សារ​កម្ពុជា​ក្នុង​ឆ្នាំ ២០១២៕S/​

ទីតាំងផ្សាយពាណិជ្ជកម្ម

- Advertisment -

Most Popular

អ៊ីង​អ៊ីង បង្ហាញ​រូប​សម្រ...

​ដោយៈ បូ​រិ​ន​/​ភ្នំពេញៈ ...

​វិស័យ​ម្ហូបអាហារ នៅ​កម្ព...

​ដោយៈ ពៅ​និមល / ភ្នំពេញៈ ...

ជើងហោះហើរ​រាប់រយ​ត្រូវ​លុ...

​ប្រែ​សម្រួល : កញ្ញា​ដា​ល...

​គណៈកម្មាធិការ​ពិគ្រោះ​យោ...

​ដោយៈ ទេ​ពក​ង្រី / កំពង់ឆ...