Home ព័ត៌មានជាតិ សន្តិសុខ ក្មេងៗ​សិស្ស​...

ក្មេងៗ​សិស្ស​លា​លា​ឈ្លោះ​គ្នា​ឪពុក​ផ្ទុះ​កំហឹង​ចូល​វាយ​ដល់​ក្នុង​សាលា​ប៉ូលិស​ឃាត់ខ្លួន​ចូល​ប៉ុស្តិ៍​

ដោយៈ​ចាន់តូ​/​ភ្នំពេញ​៖​ឪពុក​ចិត្ត​មា​ក្រោយពី​កូន​ជា​សិស្សសាលា​ឈ្លោះ​គ្នា​ផ្ទុះ​កំហឹង​ចូលទៅ​ប្រើ​ហឹ​ង្សា​ចាប់វាយ​យុវតី​ជា​សិស្ស​ផ្អើល​ពេញ​សាលា​បង្ក​ឱ្យ​រងរបួស​ក្មេង​៥​នាក់​កាលពី​វេលា​ម៉ោង​៨​និង​៣០​នាទី​ព្រឹក​ថ្ងៃទី​៣ ខែ​មិនា​ឆ្នាំ​២០២០​។​នៅក្នុង​សាលា​ជម្ពូ​វ័ន​សង្កាត់​ចោមចៅ​ទី​៣​ខណ្ឌ​ពោធិ​សែន​ជ័យ ។​

​ក្នុងករណី​អាណាព្យាបាល​សិស្ស​ប្រើ​ហឹ​ង្សា​ក្នុង​សាលារៀន​វាយ​ក្មេង​របួស​៥​នាក់​ប្រុស​ម្នាក់​។​ក្នុងនោះ​មាន​សិស្ស​ម្នាក់​រងរបួស​ធ្ងន់​ឈ្មោះ​ស្រេង​ចន្ទ្រា​ភេទ​ស្រី​អាយុ​១៨​ឆ្នាំ​ជា​សិស្ស​រៀន​ថ្នាក់​ទី​12G1​កំពុង​ចូល​សម្រាក​នៅ​គ្លីនិក​ឡាំ​ប៊ុនថន ។​

​បុរស​បង្ក​អុកឡុក​ក្នុង​សាលារៀន​ឈ្មោះ​ឈុំ​សា​វ៉េ​ត​ភេទ​ប្រុស​អាយុ​៤៥​ឆ្នាំ​មុខរបរ​ជា​មន្ត្រីនគរបាល​ក្រសួងមហាផ្ទៃ មាន​ទីលំនៅ​ភូមិ​ជ្រៃ​កោង សង្កាត់​ចោមចៅ​២ ខណ្ឌ​ពោធិ​សែន​ជ័យ ។ ចំណែក​កូនស្រី​ឈ្មោះ ផង់ ភិ​ជ្ជ​នា​ផា​នុត អាយុ​១៦​ឆ្នាំ ថ្នាក់​ទី​១០​បេ សាលា​ជម្ពូ​វ័ន ។​

​តាម​សិស្សសាលា​បានឱ្យដឹងថា មុន​កើតហេតុ យុវតី​សិស្សសាលា​មួយក្រុម​ឈ្លោះ​គ្នា វាយ​ទៅ ក្រ​ញ៉ៅ​មកហើយ​ត្រូវបាន​លោកគ្រូ​អ្នកគ្រូ​ដែលជា​អាណាព្យាបាល​ទី​២​ហៅ​នាំ​ភាគី​សងខាង​ធ្វើការ​អប់រំ​ម្តង​។​រឿងរ៉ាវ​ចប់​ទៅហើយ​បែ​ជា​លេចឮ​ដំណឹង​អាណាព្យាបាល​លេចមុខ​បុរស​ឈ្មោះ​ឈុំ​សា​វ៉េ​ត​ត្រូវជា​ឪពុក​របស់​យុវតី​ឈ្មោះ​ផង់​ភិ​ជ្ជ​នា​ផា​នុត​មក​ចូលដល់​ក្នុង​បរិវេណ​សាលា​ផ្ទុះ​កំហឹង​ខឹង​ចាប់វាយ​សិស្សសាលា ជា​ភាគី​គូរ​ទំនាស់​ជាមួយ​កូន​ខ្លួន បណ្តាលឱ្យ​រងរបួស​៥​នាក់ ក្នុងនោះ​របួសធ្ងន់​ម្នាក់ ។

​តាម​សម្តី​យុវតី​ឈ្មោះ ផង ភិ​ជ្ជ​នា​ផា​នុត បានឱ្យដឹងថា មុន​កើតហេតុ ខ្លួន​រួមជាមួយ​មិត្តភក្តិ នៅ​ម៉ោង​ចេញលេង បាន​ដើរទៅ​កន្លែង​លក់ដូរ ដែល​នៅ​ខាងក្រោយ​សាលា ដើម្បី​រក​ទិញ​គុយទាវ ។​បាន​ទាក់​ពាក្យសម្តី​ជាមួយ​ក្រុម​យុវតី​ឈ្មោះ​ស្រេង​ចន្ទ្រា​ដែលមាន​គ្នាច្រើន​ឈានដល់​ប្រតាយប្រតប់​គ្នា​ត្រូវបាន​លោកគ្រូ​អ្នកគ្រូ​ហៅ​ទៅ​អប់រំ​សងខាង​។​លុះ​ចេញ​មកវិញ​ផ្ទុះ​កំហឹង​សារជាថ្មី​ម្តងទៀត​តែម្តង រហូតដល់​ឪពុក​របស់ខ្លួន​មក​ចាប់​ឃាត់ ។​

​បើតាម​សម្តី​បុរស​ឈ្មោះ​ឈុំ​សា​វ៉េ​ត​បានឱ្យដឹងថា​គាត់​ពិតជា​បាន​ចូលទៅក្នុង​បរិវេណ​សាលា​ជម្ពូ​វ័ន​មែន ក្រោយពី​ទទួលដំណឹង​ថា​មាន​សិស្សសាលា​វាយ​កូនស្រី​គាត់​ហើយ​ចូលទៅ​នោះបាន​ឃាត់​មិនឱ្យ​ឈ្លោះ​គ្នា​ទេ​។​តែបើ​ក្មេង​សិស្សសាលា​វិញ​បានឱ្យដឹងថា​បុរស​ចូលទៅ​មិនមែន​ឃាត់​កុំឱ្យ​ឈ្លោះ​គ្នា​ទេ ពេលទៅដល់​ស្រែក​ឡូឡា ថា ៖ « អាណា​វាយ​កូន​អញ​មិនបាន​ឡើយ » ហើយ​វាយ​ទៅលើ​ក្រុម​យុវ​សិស្ស ជា​គូរ​ទំនាស់​ជាមួយ​កូន​គាត់ បណ្តាលឱ្យ​សិស្សស្រី​៤​នាក់​រងរបួស និង​សិស្ស​ប្រុស​ម្នាក់​រងរបួស សរុប​៥​នាក់ ។​

​ហេតុការណ៍​ខាងលើ​កើតឡើង ត្រូវបាន​លោកគ្រូ​អ្នក​អ្នកគ្រូ សិស្សសាលា​ប្តឹងទៅ​សមត្ថកិច្ច ចុះទៅ​ឃាត់​ជនបង្ក​ម្នាក់​ដែល​អះអាងថា​ជា​មន្ត្រីនគរបាល​នាំខ្លួន​ទៅ​សាកសួរ​នៅ​ប៉ុស្តិ៍​និង​កសាង​សំណុំរឿង​ផ្អែក​តាម​បណ្តឹង ភាគី​រងគ្រោះ​ដល់​ទៅ​៥​នាក់ ៕S/​

ទីតាំងផ្សាយពាណិជ្ជកម្ម

- Advertisment -

Most Popular

សមាគមគ្រូពេទ្យស្ម័គ្រចិត្...

   ដោយ:មុនីរ័ត្ន/ភ្នំពេញ:...

មេបញ្ជាការកងទ័ពជើងគោកឧបត្...

ដោយ: មុនីរ័ត្ន,សុខុម/ភ្...

រកឃើញអ្នកប៉ះពាល់ផ្ទាល់និង...

ដោយ:មុនីរ៍ត្ន/ភ្នំពេញៈ ...

មេ​តំ​ហ្វេ​តា​មីន ៣០ កញ្ច...

​ដោយៈ ទេព មង្គល​- គ្រញូង ...