គោរព​បណ្តាំ​ម្តាយៈ លោក អ៊ុក សាវុធ និង គ្រួសារ​យក​បច្ច័យ​បុណ្យសព​ម្តាយ​ប្រគល់ជូន​មូលនិធិ​គន្ធបុប្ផា​

ដោយៈ មេសា/ ​ភ្នំពេញៈ ថវិកា​ចំនួន 0២ ម៉ឺន​ដុល្លារ​អាមេរិក ដែលជា​បច្ច័យ​បានមកពី​ពិធីបុណ្យ​គម្រប់​ខួប ៧ ថ្ងៃ និង ១០០ ថ្ងៃ ឧទ្ទិស​កុសល​ជូន​ឧបាសិកា ប៊ួ​យ ទង ត្រូវជា​ម្តាយ​របស់លោក អ៊ុក សាវុធ ដែល​បានធ្វើ​មរណកាល​ទៅកាន់​លោក​ខាងមុខ​កាលពី​ថ្ងៃ​ពុធ​ទី ២៩ ខែ មករា ឆ្នាំ ២០២០​កន្លងទៅ ត្រូវបាន​លោក អ៊ុក សាវុធ អគ្គព្រះរាជអាជ្ញា​អម​សាលា​ឧ​ទ្ទ​រណ៍ និង លោកស្រី ទ្រី អេង ប្រគល់ជូន​ដល់​មូលនិធិ​គន្ធបុប្ផា​កម្ពុជា នៅ​រសៀល ថ្ងៃ​អង្គារ​ទី ០៣ ខែ មីនា ឆ្នាំ​២០២០​នេះ តាមរយៈ​លោក​បណ្ឌិត ច​ន ណា​រិ​ទ្ធ ប្រធាន​លេខាធិការដ្ឋាន​មូលនិធិ​គន្ធបុប្ផា​កម្ពុជា ដោយមាន​វត្តមាន​លោក​សាស្ត្រាចារ្យ គី ស​ន់ទី ប្រធាន​មន្ទីរពេទ្យ​គន្ធបុប្ផា​ផង ។


​លោក អ៊ុក សាវុធ បាន​មានប្រសាសន៍ថា ការផ្តល់​បច្ច័យ​ជូន​ដល់​មូលនិធិ​គន្ធបុប្ផា​កម្ពុជា​នាពេលនេះ គឺធ្វើឡើង​តាម​បណ្តាំ​របស់​ម្តាយ​របស់លោក គឺ​ឧបាសិកា ប៊ួ​យ ទង ដើម្បី ជាការ​រួមចំណែក​ទ្រទ្រង់​ដល់​ដំណើរការ​មន្ទីរពេទ្យ​គន្ធបុប្ផា ។​


​លោក​សាស្ត្រាចារ្យ​វេជ្ជបណ្ឌិត គី ស​ន់ទី ប្រធាន​មន្ទីរពេទ្យ​គន្ធបុប្ផា បានឱ្យដឹងថា​ក្នុង​មួយថ្ងៃ មន្ទីរពេទ្យ​គន្ធបុប្ផា​ទាំងពីរ​ទីតាំង គឺ​នៅ​រាជធានី​ភ្នំពេញ និង ខេត្ត សៀមរាប មាន​កុមារ​កម្ពុជា ជា​មធ្យម​ប្រមាណ​ជាង ៣ ០០០ នាក់មក​ពិគ្រោះ​ជំងឺ​ក្រៅ ក្នុងនោះ​មាន​ប្រមាណ​ជា ១៥ ភាគរយ ឬ ប្រមាណ​ជា ៥០០ នាក់ ត្រូវ​ដាក់ឱ្យ​សម្រាក​នៅ​មន្ទីរពេទ្យ​ដោយសារ​ជា​ជំងឺ​ធ្ងន់ ហើយ​មន្ទីរ​ត្រូវ​ចំណាយ​ថវិកា​ប្រមាណ ៤២ លាន​ដុល្លារ​ក្នុង​មួយឆ្នាំ​សម្រាប់​ទ្រទ្រង់​ដំណើរការ​មន្ទីរពេទ្យ​នេះ​។


​លោក បណ្ឌិត ច​ន ណា​រិ​ទ្ធ​បាន​ថ្លែង​នូវ​អំណរគុណ​យ៉ាង​ជ្រាលជ្រៅ​ចំពោះ​លោក អ៊ុក សាវុធ និង​ក្រុមគ្រួសារ​សម្រាប់​ទឹកចិត្ត​ដ៏​សប្បុរស​នេះ ហើយ​ថា​ទង្វើ​ដ៏​សប្បុរស​នេះ គឺជា​គំរូ​ប​ដ៏​ឧ​ត្ត​ម​សម្រាប់​សង្គម​ខ្មែរ​ទាំងមូល ។


​គួររំឭកថា មន្ទីរពេទ្យ​គន្ធបុប្ផា​បាន​បង្កើតឡើង​កាលពី​ឆ្នាំ ១៩៩២ ផ្តល់នូវ​សេវា​ពិនិត្យ ព្យាបាល​ជូន​ទារក កុមារ និង ស្ត្រី​កម្ពុជា​ដោយ​ឥតគិតថ្លៃ ។ ចំណែក មូលនិធិ គន្ធបុប្ផា​កម្ពុជា ត្រូវបាន​ផ្តួចផ្តើម​បង្កើតឡើង​ដោយ​រាជរដ្ឋាភិបាល​កម្ពុជា ដោយមាន​ការគាំទ្រ​យ៉ាង​ពេញទំហឹង​ពី​សំណាក់​សម្តេច​កិ​តិ្ត​ព្រឹទ្ធ​បណ្ឌិត ប៊ុន រ៉ានី ហ៊ុនសែន ដោយមាន​លោក អគ្គបណ្ឌិត​សភាចា​រ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួង​សេដ្ឋកិច្ច និង ហិរញ្ញវត្ថុ ជា​ប្រធាន​ក្រុមប្រឹក្សា​បរ​ធន​បាល ។ ថ្វី​ដ្បិត​ប​ច្ចុ​ប្ប​មន្ទីរពេទ្យ​គន្ធបុប្ផា​មាន​ថវិកា​គ្រប់គ្រាន់​សម្រាប់​ទ្រទ្រង់​ដំណើរការ​របស់ខ្លួន ប៉ុន្តែ ក៏​នៅ​ត្រូវការ​ថវិកា​ជាច្រើន​បម្រុង​ទុក ដើម្បី និរន្តរភាព​មន្ទីរពេទ្យ​នាពេលខាងមុខ ៕ Kh

ទីតាំងផ្សាយពាណិជ្ជកម្ម

- Advertisment -

Most Popular

ម៉េស​ស៊ីរង​ការពិន័យ ៦០០ អ...

​ប្រែ​សម្រួល : កញ្ញា​ដា​ល...

EL : Arsenal, Leicester គ...

ប្រែ​សម្រួល : កញ្ញា​ដា​លី...

រថយន្ត​ចេញពីផ្ទះ​សំណាក់ ស...

ដោយៈ ស​រិ​ទ្ធ/ភ្នំពេញៈ រថ...

លួចបាន​ភ្លាម បម្រុង​ដឹក​ច...

​ដោយៈ វណ្ណៈ/ព្រះសីហនុៈ លោ...