Home ព័ត៌មានអន្តរជាតិ មនុស្ស​២១​នាក...

មនុស្ស​២១​នាក់​ស្លាប់ ដោយសារ​ភ្លៀង​ធ្លាក់​ខ្លាំង​នៅ​ប្រេ​ស៊ីល​

​ក្រុម​អាជ្ញាធរ​បាន​និយាយ​កាលពី​ថ្ងៃ​អង្គារ​ទី​៣​ខែ​មីនា​ថា​មនុស្ស​យ៉ាង​តិច​២១ នាក់​បាន​ស្លាប់​ដោយសារ​ភ្លៀង​ធ្លាក់​ខ្លាំង​នៅ​រដ្ឋ​សាវ ប៉ាវ​ឡូ និង រដ្ឋ​រី​យ៉ូ ដឹ ហ្សា​ណេ​រ៉ូ ប្រទេសប្រេ​ស៊ីល​ដោយ​បង្ក​ឱ្យ​មាន​ទឹកជំនន់​ភ្លាមៗ​និង​បំផ្លាញ​ផ្ទះសម្បែង​ជាច្រើន​។​

​មនុស្ស​៣២​នាក់​ផ្សេង​ទៀត កំពុង​បាត់​ខ្លួន នៅ​រដ្ឋ សា​វ ប៉ាវ​ឡូ​ដែលនាំឱ្យ​មាន​ការព្រួយបារម្ភ​ថា​ចំនួន​អ្នកស្លាប់​នេះ អាច​នឹង​កើនឡើង​បន្ថែមទៀត​។​

​ព្យុះ​ខ្លាំង​ក្នុង​ប៉ុន្មាន​ថ្ងៃ​ថ្មីៗ​នេះ បាន​ធ្វើឱ្យ​មាន​ភ្លៀង​ធ្លាក់​ខ្លាំង​នៅ​តំបន់​មួយចំនួន ដោយ​បង្ក​ការបំផ្លិចបំផ្លាញ​នៅ​តំបន់​ឆ្នេរសមុទ្រ​នៃ​រដ្ឋ សា​វ ប៉ាវ​ឡូ​និង​នៅ​​សង្កាត់​ទីក្រុង​ជា​ច្រើន​នៅ​ជាយ​រដ្ឋ​រី​យ៉ូ ដឹ ហ្សា​ណេ​រ៉ូ ។​

​ក្រុម​អាជ្ញាធរ​បាន​និយាយ​ថា​យ៉ាងហោច​ណាស់​មនុស្ស​១៦ នាក់​បាន​ស្លាប់​កាលពី​ព្រឹក​ថ្ងៃ​អង្គារ​នៅ​រដ្ឋ​សាវ ប៉ាវ​ឡូ បន្ទាប់​ពី​ទឹកជំនន់​និង​ការ​រលំ​បាក់​ដី​បាន​​កើត​ឡើង​នៅ​ទីក្រុង​ដែល​នៅជាប់​សមុទ្រ​គឺ​ទីក្រុង​សាន់​តូ​ស​ទីក្រុង​សាវ វី​សង់​តេ​និង​ទីក្រុង​ក្វា​រូ​ចា ។

​ជនរងគ្រោះ​ម្នាក់​ក្នុងចំណោម​ជនរងគ្រោះ​ទាំងនេះ គឺជា​អ្នក​ជួយសង្គ្រោះ ដែល​បាន​ស្លាប់ ដោយ​ដី​បាក់​សង្កត់​លើ​៕​ប្រែ​សម្រួល​៖​សុខា​/sn

ក្រុម​អ្នក​សង្គ្រោះ ជីក​ក​កាយ​ដី​ដើម្បី​សង្គ្រោះ​ជនរងគ្រោះ​នៃ​បំណាក់​ដីល្បាប់​ភ​ក់នៅ​ទីក្រុង​ក្វា​រូ​ចា ប្រទេសប្រេ​ស៊ីល កាលពី​ថ្ងៃទី​៣​ខែ​មីនា​ឆ្នាំ​២០២០

ទីតាំងផ្សាយពាណិជ្ជកម្ម

- Advertisment -

Most Popular

សមាគមគ្រូពេទ្យស្ម័គ្រចិត្...

   ដោយ:មុនីរ័ត្ន/ភ្នំពេញ:...

មេបញ្ជាការកងទ័ពជើងគោកឧបត្...

ដោយ: មុនីរ័ត្ន,សុខុម/ភ្...

រកឃើញអ្នកប៉ះពាល់ផ្ទាល់និង...

ដោយ:មុនីរ៍ត្ន/ភ្នំពេញៈ ...

មេ​តំ​ហ្វេ​តា​មីន ៣០ កញ្ច...

​ដោយៈ ទេព មង្គល​- គ្រញូង ...