Home ព័ត៌មានអន្តរជាតិ រដ្ឋមន្ត្រីអូ...

រដ្ឋមន្ត្រីអូឡាំពិកជប៉ុន ៖ ការ ប្រកួតអាចរៀបចំពេលណាក៏បានក្នុងឆ្នាំ ២០២០

រដ្ឋមន្រ្តីអូឡាំពិកជប៉ុនបាននិយាយកាលពីថ្ងៃអង្គារទី៣មីនាថា កិច្ចសន្យា រៀបចំព្រឹត្តិការណ៍អូឡាំពិកទីក្រុងតូក្យូគ្រាន់តែបញ្ជាក់ថា ព្រឹត្តិការណ៍នេះ ត្រូវធ្វើក្នុងអំឡុងឆ្នាំ ២០២០ ប៉ុណ្ណោះ។

ការឆ្លើយតបរបស់លោកស្រី សីកូ ហាស៊ីម៉ូតូ ទៅនឹងសំណួរនៅក្នុង សភា ជាន់ខ្ពស់បានបញ្ជាក់ថា កីឡាអូឡាំពិកអាចនឹងត្រូវធ្វើឡើងនៅចុងឆ្នាំនេះ ហើយមិនចាំបាច់ចាប់ផ្តើមនៅថ្ងៃទី ២៤ ខែកក្កដាដូចដែលបានគ្រោងទុកនោះទេ។ ការប្រកួតប៉ារ៉ាឡាំពិកនឹងបើកនៅថ្ងៃទី ២៥ ខែសីហា។

កីឡាអូឡាំពិកទីក្រុងតូក្យូកំពុងត្រូវបានគំរាមកំហែងដោយវីរុសកូរ៉ូណាឆ្លង រាលដាលយ៉ាងឆាប់រហ័សដែលគេស្តីបន្ទោសចំពោះការស្លាប់ចំនួន ១២ នាក់នៅក្នុងប្រទេសជប៉ុននិងបានបិទសាលារៀន ការប្រកួតកីឡា និងព្រឹត្តិការណ៍ដែលទាក់ទងនឹងកីឡាអូឡាំពិកភាគច្រើននៅក្នុងប្រទេសនេះ។ វីរុស ដែលបានចាប់ផ្តើមនៅក្នុងប្រទេសចិន ត្រូវបានរកឃើញនៅក្នុង ប្រទេសយ៉ាងតិចចំនួន ៧០ ដោយមានករណីឆ្លងជាង ៩០.០០០ ករណី និង អ្នកស្លាប់ចំនួន ៣.១០០ នាក់។

លោកស្រីហាស៊ីម៉ូតូ បានប្រាប់សភាថា “IOC មានសិទ្ធិលុបចោលការប្រកួត នេះបានលុះត្រាតែកីឡានេះមិនប្រារព្ធធ្វើឡើងក្នុងអំឡុងឆ្នាំ២០២០។ នេះអាចត្រូវ បានបកស្រាយថា ការប្រកួតអាចត្រូវបានពន្យារពេល ដរាបណាការប្រកួត ត្រូវបានប្រារព្ធឡើងក្នុងឆ្នាំប្រក្រតិទិន”។

ទោះយ៉ាងណា ការលើកឡើងអំពីលទ្ធភាពផ្លាស់ប្តូរផែនការនេះ ត្រូវបាន ជំទាស់យ៉ាងរហ័សនៅក្នុងកិច្ចប្រជុំក្រុមប្រឹក្សាប្រតិបត្តិគណៈកម្មាធិការអូឡាំពិក អន្តរជាតិនៅប្រទេសស្វីស។

អ្នកនាំពាក្យរបស់ IOC លោក ម៉ាក អាដាំ បាននិយាយនៅឯសន្និសីទខ្លីមួយថា “យើងនឹងមានការប្រកួតនៅថ្ងៃទី ២៤ ខែកក្កដា”។

ប្រធាន IOC លោក ថូម៉ាស បាច់ និង អ្នករៀបចំនៅក្រុងតូក្យូបាននិយាយ ម្តងហើយម្តងទៀតថា ពួកគេរំពឹងអូឡាំពិកបើកតាមកាលបរិច្ឆេទកំណត់។ អ្នកខ្លះទៀតលើកឡើងថា វីរុសកូរ៉ូណាអាចបង្ខំឱ្យលុបចោល ផ្អាក ឬ រើព្រឹត្តិការណ៍ទៅទីក្រុងផ្សេង។

IOC បានចេញសេចក្តីថ្លែងការណ៍កាលពីព្រឹកថ្ងៃអង្គារទី៣មីនា ដោយសម្តែងនូវ “ការប្តេជ្ញាចិត្តពេញទំហឹងចំពោះភាពជោគជ័យនៃកីឡាអូឡាំពិកក្រុងតូក្យូឆ្នាំ ២០២០ ដែលធ្វើឡើងពីថ្ងៃទី២៤កក្កដាដល់ថ្ងៃទី៩សីហាឆ្នាំ២០២០”៕ ដោយ៖ កញ្ញាដាលីស/Ha

រដ្ឋមន្រ្តីអូឡាំពិកជប៉ុនលោកស្រី សីកូ ហាស៊ីម៉ូតូ

ទីតាំងផ្សាយពាណិជ្ជកម្ម

- Advertisment -

Most Popular

សម្ដេច​ក្រឡាហោម ស ខេង ៖ ម...

ដោយ​:​មុនី​រ័ត្ន / ភ្នំពេ...

សាលាឧទ្ធរណ៍​ទាត់ចោល​ពាក្យ...

​ប្រែ​សម្រួល : កញ្ញា​ដា​ល...

សួន​បណ្ដុំ​សហគ្រាស​ធុន​តូ...

​ដោយៈ ញ៉ែម សុផល​/​ភ្នំពេញ...

អ៊ីរ៉ង់​ចោទ​អ៊ីស្រាអែល​ថា...

​ប្រែ​សម្រួល : កញ្ញា​ដា​ល...