Home ព័ត៌មានអន្តរជាតិ មហាសេដ្ឋីចិនជ...

មហាសេដ្ឋីចិនជែក ម៉ា បរិច្ចាគម៉ាស់មុខ១លានដល់ជប៉ុន ដែលកំពុងរងគ្រោះដោយវីរុសកូរ៉ូណា

បុរសមានបំផុតម្នាក់របស់ចិនគឺលោកជែក ម៉ា សហស្ថាបនិកក្រុមហ៊ុនពាណិជ្ជកម្មអេឡិចត្រូនិចយក្ស Alibaba ដែលមានមូលដ្ឋាននៅទីក្រុងហាងចូវ បានបរិច្ចាគម៉ាស់មុខចំនួនមួយលានដល់ជប៉ុន។

លោកបាននិយាយថានេះជាថ្នូរនឹងជំនួយសប្បុរសធម៌ដែលជប៉ុនបានផ្តល់ជូនដល់ប្រទេសចិន នៅពេលដែលប្រទេសចិនរងការវាយប្រហារដោយវីរុសកូរ៉ូណាកាលពី ២០ ថ្ងៃមុន។

ទីភ្នាក់ងារសារព័ត៌មានស៊ីនហួបានរាយការណ៍ថា មជ្ឈដ្ឋាននានាក្នុងប្រទេសជប៉ុនបានប្រមូលនិងបរិច្ចាគឈុតការពារចំនួន ១២៥.០០០ ដល់ទីក្រុងនានាទូទាំងប្រទេសចិន។

អង្គការមូលនិធិជែកម៉ានិងអង្គការមូលនិធិអាលីបាបា បានប្រកាសកាលពីថ្ងៃចន្ទ ទី២ មីនាថា ម៉ាស់មុខទាំងនេះនឹងត្រូវបរិច្ចាគទៅប្រទេសជប៉ុនដើម្បីជួយកាត់បន្ថយទុក្ខលំបាកក្នុងគ្រាផ្ទុះរោគរាតត្បាតនេះ។

លោកម៉ាបាននិយាយនៅលើគណនី Weibo របស់គាត់ដោយដកស្រង់ពាក្យចាស់បុរាណចិន យ៉ាងដូច្នេះថា “ដូចជួរភ្នំដ៏វែងលាតសន្ធឹងនៅចំពោះមុខអ្នកនិងខ្ញុំ សូមចែករំលែកផ្លូវដើរនិងការលំបាកជាមួយគ្នា។ យើងសង្ឃឹមថាអ្វីៗនឹងបានធូរស្រាលក្នុងពេលឆាប់ៗ”។

ម៉ាស់ទម្ងន់ ៤៩,៤ តោនត្រូវបានដឹកដោយក្រុមហ៊ុនអាកាសចរណ៍ចិនខាងកើត ហើយបានទៅដល់ទីក្រុងតូក្យូកាលពីថ្ងៃអង្គារទី៣មីនា៕ ដោយ៖ កញ្ញាដាលីស

ម៉ាស់១លានដែលជែកម៉ាបរិច្ចាគ បានដឹកមកដល់ជប៉ុនកាលពីថ្ងៃអង្គារ

ទីតាំងផ្សាយពាណិជ្ជកម្ម

- Advertisment -

Most Popular

បញ្ជូន​មន្ត្រីនគរបាល​ប៉ុស...

​ដោយៈ ស​រិ​ទ្ធ / ភ្នំពេញៈ...

ព្យួរ​មុខតំណែង​មេបញ្ជាការ...

​ដោយៈ ទេព មង្គល / ភ្នំពេញ...

​លោ​ស្រី កែ សួន​សុ​ភី ស ស...

​ដោយៈ​មុនី​រ័ត្ន​/​ភ្នំពេ...

ធនាគារអភិវឌ្ឍន៍អាស៊ី​ផ្តល...

​ដោយៈ ជា សីហៈ​/​ភ្នំពេញៈ​...