Home ព័ត៌មានអន្តរជាតិ ម៉ាឡេស៊ី​ពន្យ...

ម៉ាឡេស៊ី​ពន្យារ​ពេល​បើក​កិច្ចប្រជុំសភា​២​ខែ នៅ​ពេល​នាយក​រដ្ឋមន្ត្រី​ថ្មី​និង​ចាស់​ឆ្លើយឆ្លង​សម្តី​គ្នា​

​នាយករដ្ឋមន្ត្រី​ថ្មី​របស់​ម៉ាឡេស៊ី លោកមូ​យីត​ឌីន យ៉ាស​ស៊ីន បានសុំ​ពន្យារ​ពេល​បើក​កិច្ចប្រជុំសភា​រយៈពេល​២​ខែ នេះ​បើ​តាម​ការប្រកាស​របស់​ប្រធាន​សភា​កាលពី​​ថ្ងៃ​ពុធ​ទី​០៤​មីនា ចំ​ពេល​ក្រុម​នយោបាយ​ប្រឆាំង​ខិតខំ​ប្រជែង​យក​អំណាច​គ្រប់គ្រង​រដ្ឋាភិបាល​មក​វិញ​តាមរយៈ​ការបោះឆ្នោ​ត​សម្តែង​ការទុកចិត្ត​ពី​សភា​។​

​លោកមូ​យីត​ឌីន ទើប​ស្បថ​ចូលកាន់​តំណែង​កាលពី​ថ្ងៃអាទិត្យ​ទី​០១​មីនា ក្រោយ​កើតមាន​ចលាចល​នយោបាយ​អស់​ពេល​១​សប្តាហ៍ ចំ​ពេល​មាន​ការលាឈប់​​ភ្លាមៗ​របស់​អតីត​នាយករដ្ឋមន្ត្រី មហា​ធៀ ម៉ូ​ហា​ម៉ា​ត​។​

​ស្តេច​ម៉ាឡេស៊ី ព្រះ​ចៅ​ស៊ុល​តង់ អាប់​ឌុល​ឡា អា​ម៉ា​ត សា បាន​តែងតាំង​លោក មូ​យីត​ឌីន ជា​នាយករដ្ឋមន្ត្រី ដោយ​ព្រះ​អង្ក​មានជំនឿថា លោកមូ​យីត​ឌីន​មានការ​​គាំទ្រ​គ្រប់គ្រាន់​នៅក្នុង​សភា​។​

​តែ​ក្រុម​ចម្រុះ​របស់​លោក​មហា​ធៀ​បាន​និយាយថា គឺ​ក្រុម​ខ្លួន​ទេ​មាន​សម្លេង​ភាគច្រើន​គ្រប់គ្រាន់​នៅ​ក្នុង​សភា​និង​បាន​ប្តេជ្ញា​បង្ហាញ​ភស្តុតាង​នៅក្នុង​សភា​នៅ​​ពេល​វា​បើកប្រជុំ​ឡើង​វិញ​នៅ​ថ្ងៃ​០៩​មីនា​។​

​ទោះជា​យ៉ាងណា បំណង​នេះ​មុខ​ជា​ខក​នៅពេល​ប្រធានសភា​លោក ម៉ូ​ហា​ម៉ា​ត អា​រី​ហ្វ អឹម​ឌី យូ​សូ​ហ្វ បាន​និយាយ​នៅក្នុង​សេចក្តីថ្លែងការណ៍​មួយ​ថា លោក​បាន​​ទទួល​លិខិត​មួយ​ពី​លោកមូ​យីត​ឌីន ដោយ​សុំ​បើកប្រជុំ​សភា​នៅ​ថ្ងៃ​១៨​ឧសភា ។​

​សូមបញ្ជាក់​ថា លោកមូ​យូតឌី​ន អតីតរដ្ឋមន្ត្រី​មហាផ្ទៃ​ក្នុង​គណៈរដ្ឋមន្ត្រី​របស់​មហា​ធៀ បាន​រួមដៃគ្នា​ជាមួយ​គណបក្ស​UMNO ដែល​បាន​ចាញ់​ការបោះឆ្នោត​សភា​​កាលពី​ឆ្នាំ​២០១៨ និង​គណបក្ស​អ៊ីស្លាម​និយម​PAS ដើម្បី​បង្កើត​ក្រុម​ចម្រុះ​ថ្មី​មួយ​។​

​មហា​ធៀ ក្រោយ​ពី​លាឈប់​ភ្លាម​បាន​ព្យាយាម​បង្កើត​រដ្ឋាភិបាល​បង្រួម​បង្រួម​ជាតិ​មួយ ដែល​នឹង​ផ្តល់អោយ​លោក​នូវ​អំណាច​ធំ​ឡើង តែ​បែរជា​ទទួល​ការគាំទ្រ​តិច​​តួច​ពី​អ្នកនយោបាយ​។​លោក​ក៏​បាន​ងាក​ទៅ​ចាប់​ដៃ​ជាមួយ​គូប្រជែង​ចាស់​លោក អាន់​វ៉ា អ៊ីប្រាហ៊ីម ដើម្បី​រារាំង​លោកមូ​យីត​ឌីន តែ​ស្តេច​បានសំរេច​ព្រះ​ហ​ឬ​ទ័យ​​តែងតាំង​លោកមូ​យីត​ឌីន ជា​នាយករដ្ឋមន្ត្រី​ភ្លាមៗ​ដើម្បី​បញ្ចប់រឿង​។​

​ទោះជា​យ៉ាងណា មហា​ធៀ កាលពី​ថ្ងៃ​អង្គារ​បាន​អះអាង​ថា​រឿងល្ខោន​នេះ​មិន​ចប់​ងាយៗ​ទេ​។​លោក​ក៏​បាន​បដិសេធ​ការលើកឡើង​របស់​នាយ​ក​រដ្ឋមន្ត្រី​បច្ចុប្បន្ន​​ដែលថា​ការលាឈប់​របស់​លោក​បាន​បង្ក​វិបត្តិ​នយោបាយ តែ​លោក​ថា​មកពី​ក្រុមចម្រុះ​កាន់​អំណាច​បាត់បង់​សម្លេង​ភាគច្រើន​ក្នុង​សភា​បន្ទាប់​ពី​ដៃគូ​ក្នុង​រដ្ឋា​​ភិបាល​បែរ​ជា​ទៅលួ​ចចរចា​បង្កើតក្រុ​ម​ចំរុះ​ថ្មី​ជាមួយ​បក្សប្រឆាំង​៕​ប្រែ​សម្រួល​៖​វាសនា​

​​មហា​ធៀ កាលពី​ថ្ងៃ​អង្គារ​បដិសេធ​ការលើកឡើង​របស់​នាយ​ក​រដ្ឋមន្ត្រី​បច្ចុប្បន្ន​ដែលថា ការ​លាឈប់​ពី​តំណែង​របស់​លោក​បាន​បង្ក​វិបត្តិ​

លោកមូ​យីត​ឌីន បាន​និយាយថា លោក​មហា​ធៀ​បាន​បង្ក​វិបត្តិ​ដោយសារ​តែ​ការលាឈប់​

ទីតាំងផ្សាយពាណិជ្ជកម្ម

- Advertisment -

Most Popular

យុទ្ធនាការ​១៦​ថ្ងៃ​: បង្ក...

ដោយ​: មុនី​រ័ត្ន / ភ្នំពេ...

អភិបាលខណ្ឌ​ចំកា​មន​៖ សម្ត...

ដោយ​: រ៉ា​ម៉ន / ភ្នំពេញ​:...

ក្មេងប្រុស​អាយុ​១២​ឆ្នាំ ...

ដោយ​: អង្គា​រ៍​ហេង / ភ្នំ...

សម្តេច​ក្រឡាហោម ស ខេង ចេញ...

​ដោយ​: មុនី​រ័ត្ន / ភ្នំព...