ក្រឡេកមើលប្រវត្តិការងារ លោកនុត ពុធដារ៉ា​អភិបាលរងខេត្តកណ្ដាល

ដោយ:រ៉ាម៉ន/ភ្នំពេញ ៖ លោក នុត ពុធដារ៉ា ត្រូវប្រកាសតែងតាំងជាអភិបាលរងខេត្តកណ្ដាលបន្ទាប់ពីបានទៅធ្វើជាអភិបាលរងខេត្តក្រចេះ។ពិធីតែងតាំងនេះធ្វើឡើងក្រោមអធិបតីភាពសម្ដេចក្រឡាហោមស ខេង ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃនៅសាលាខេត្តកណ្ដាលកាលពីព្រឹកថ្ងៃទី៤មីនានេះនៅសាលប្រជុំសាលាខេត្តកណ្ដាល។ការតែងតាំងលោក នុត ពុធដារ៉ា នាពេលនេះគឺជំនួសកន្លែងលោកគង់ សោភ័ណ្ឌដែលបានតែងតាំងជា​អភិបាលខេត្តកណ្ដាលថ្មីជំនួសលោកម៉ៅ ភិរុណដែលត្រូវចូលនិវត្តន៍។

លោកនុត ពុធដារ៉ា ដែលគេដឹងថាលោកជាសមាជិកក្រុម២២រហស្សនាមP១០​ដែលគេហៅកាត់ថាក្រុមPៗជាមន្ត្រីបន្តវេន។មកដល់ពេលនេះមានមន្ត្រីចេញពី​ក្រុមPនេះធ្វើជារដ្ឋលេខាធិការក្រសួងមួយចំនួននិងជាអនុរដ្ឋលេខាធិការជាអភិបាលរាជធានីភ្នំពេញ អភិបាលខេត្តព្រះសីហានុ អភិបាលរងខេត្តពោធិសាត់ ។ល។ចំណែកលោកនុត ពុធដារ៉ា វិញជាខ្សែប្រយុទ្ធម្នាក់ដែលធ្លាប់បានធ្វើជាអភិបាលខណ្ឌដង្កោ៨ឆ្នាំនៅរាជធានីភ្នំពេញ។ក្រោយមកត្រូវតែងតាំងជាអភិបាលរងខេត្តក្រចេះ។ឥឡូវនេះតែងតាំងជាអភិបាល​រងខេត្តកណ្ដាលតាមរយៈស្នាដៃនិងការងារដឹកនាំបម្រើប្រជាពលរដ្ឋបានល្អនិងទាន់ពេលវេលាតាមអនុសាសន៍របស់ថ្នាក់ដឹកនាំ។

សម្រាប់ប្រវត្តិចូលបម្រើការងាររបស់លោក នុត ពុធដារ៉ា បច្ចុប្បន្នឋានន្តរសក្ដិ ឧត្តមមន្ត្រីថ្នាក់លេខ២ ។ជាមន្ត្រីរាជការមួយរូប ដែលបានចូលបម្រើការងារតាំងពីឆ្នាំ១៩៩២ ជាមន្ត្រីនគរបាលជាតិ។បន្ទាប់មកជាមន្ត្រីនៃទីស្តីការគណៈរដ្ឋមន្ត្រី។បន្តជាមន្ត្រីក្រសួងរៀបចំដែនដី នគរូបនីយកម្ម និងសំណង់ និងបានកាន់តំណែងជាបន្តបន្ទាប់ ជាអនុប្រធានការិយាល័យ ប្រធានការិយាល័យ អនុប្រធាននាយកដ្ឋាន និងជាអគ្គនាយករងរដ្ឋបាលក្រសួងរៀបចំដែនដី នគរូបនីយកម្ម និងសំណង់។នៅឆ្នាំ២០០៥ លោកត្រូវបានផ្ទេរមកបំរើការងារជាអភិបាលរង​ខណ្ឌឬស្សីកែវ។នៅឆ្នាំ២០១២ លោកត្រូវបានតែងតាំងឲ្យកាន់តំណែងចំនួនពីរអាណត្តិ​ជាអភិបាលខណ្ឌដង្កោ រាជធានីភ្នំពេញ។ក្រោយចប់អាណត្តិអភិបាលខណ្ឌ កាលពីថ្ងៃទី៩ ខែធ្នូ ឆ្នាំ២០១៩ លោកត្រូវបានតែងតាំងជាអភិបាលរង នៃគណៈអភិបាលខេត្តក្រចេះ។បច្ចុប្បន្ន លោកក៏ជាជំនួយការសម្តេចតេជោ នាយករដ្ឋមន្ត្រីផងដែរ។

មកដល់ពេលនេះអ្វីដែលគេនៅចងចាំមិនភ្លេចអំពីការខិតខំប្រឹងប្រែង និងស្នាដៃរបស់លោក នុត ពុធដារ៉ា កាលនៅជាអភិបាលខណ្ឌដង្កោ គឺលោកតែបានដឹកនាំមន្ត្រីរាជការ កងកម្លាំងប្រដាប់អាវុធ ចុះជួបសំណេះ សំណាលជាមួយបងប្អូនប្រជាពលរដ្ឋជាប់ជាប្រចាំ និងបានដោះស្រាយបញ្ហា សំណើ សំណូមពរ និងបំពេញតម្រូវការនានារបស់បងប្អូនប្រជាពលរដ្ឋក្នុងមូលដ្ឋានខណ្ឌដង្កោបានទាន់ពេលវេលា ហើយចំពោះលទ្ធផលការបោះឆ្នោតកន្លងមក ទាំងថ្នាក់ជាតិ និងថ្នាក់សង្កាត់គណបក្សប្រជាជនកម្ពុជា នៅខណ្ឌដង្កោ ក៏តែងទទួលបានជោគជ័យនៅរាល់ការបោះឆ្នោត៕/B/សរន

ទីតាំងផ្សាយពាណិជ្ជកម្ម

- Advertisment -

Most Popular

សមត្ថកិច្ចសម្រេច​បិទ​ហាង​...

ដោយៈ ស​រិ​ទ្ធ​/​កណ្តាលៈ ហ...

កម្មករ​រ៉ែ​ចិន​១៨​នាក់​ស្...

​ប្រែ​សម្រួលៈ​វាសនា​/​ប៉េ...

ក្មេងប្រុស​ម្នាក់ ធ្លាក់ច...

​ដោយៈ សុខុម​/​ស្ទឹងត្រែងៈ...

លោក ហ៊ុន ម៉ា​នី ផ្តល់​សម្...

ដោយៈ ភ្នំ​ខៀវ​/​ប៉ៃលិនៈ ល...