Home ព័ត៌មានជាតិ នយោបាយ ​មេទ័ព​ជើងគោក...

​មេទ័ព​ជើងគោក​ជម្រុញ​ឱ្យ​នាយទាហាន​ទាំងអស់​ខិតខំ​ប្រឹងប្រែង​បំពេញ​តួនាទី និង​ភារកិច្ច​

ដោយៈ​មុនី​រ័ត្ន​/​ភ្នំពេញៈ​លោក​ឧ​ត្ត​ម​សេនីយ៍​ឯក​ហ៊ុន​ម៉ា​ណែ​ត​អគ្គ​មេបញ្ជាការរង​នៃ​កងយោធពល​ខេមរភូមិន្ទ​មេបញ្ជាការ​កងទ័ពជើងគោក​បាន​ជំរុញ​ឱ្យ​នាយទាហាន​នាយទាហានរង​និង​ពលទាហាន​ទាំងអស់​បន្ត​កិច្ចខិតខំ​ប្រឹងប្រែង​ក្នុងការ​បំពេញ​តួនាទី​និង​ភារកិច្ច​។​

​ក្នុងនាម​កង​យោធ​ខេមរភូមិន្ទ​ដោយ​ប្រកាន់យក​នូវ​ការសម្រេចចិត្ត​ច្បាស់លាស់​និង​ប្រុងប្រយ័ត្ន​ជាមួយនឹង​ការគិតគូរ​ពិចារណា​គ្រប់​ជ្រុងជ្រោយ​ស្របតាម​រដ្ឋធម្មនុញ្ញ​ច្បាប់​និង​នយោបាយ​ការពារជាតិ​របស់​ព្រះរាជាណាចក្រ​កម្ពុជា​ដើម្បី​សម្រេចបាន​សមិទ្ធិផល​កាន់តែ​ល្អប្រសើរ​ជូន​ជាតិ​ប្រជាជន​និង​មាតុភូមិ​យើង​។​

ការ​ថ្លែង​របប​ស់លោក​ឧ​ត្ត​ម​សេនីយ៍​ឯក​ហ៊ុន​ម៉ា​ណែ​ត​បាន​ធ្វើឡើង​នៅក្នុង​ពិធី​បូកសរុប​លទ្ធផល​ការងារ​យោធា​សន្តិសុខ​ឆ្នាំ​២០១៩​និង​ផ្សព្វផ្សាយ​ផែនការ​សកម្មភាព​ការងារ​យោធា​សន្តិសុខ​ឆ្នាំ​២០២០​របស់​យោធភូមិភាគ​ទី​៤ នៅ​ខេត្តសៀមរាប កាលពី​ថ្ងៃទី​៤ ខែមីនា ឆ្នាំ​២០២០​។​

​លោក​ឧ​ត្ត​ម​សេនីយ៍​ឯក​ហ៊ុន​ម៉ា​ណែ​ត​បាន​បញ្ជាក់ថា​ភាពម្ចាស់ការ​រឹងមាំ​ក្នុងការ​ឆ្លើយតប​ចំពោះ​គ្រប់​បញ្ហា​ប្រឈម​ដែល​កើតមានឡើង ដោយ​ធានាបាន​នូវ​អធិបតេយ្យ បូរណភាព​ទឹកដី សន្តិភាព ស្ថិរភាព សន្តិសុខ​និង​សណ្តាប់ធ្នាប់​សាធារណៈ​ក៏ដូចជា​ប្រក្រតីភាព​នៃ​ជីវភាព​សង្គម​លើ​គ្រប់​វិស័យ​។​ជាពិសេស​កំណើនថេរ​នៃ​សេដ្ឋកិច្ចកម្ពុជា​គឺ​មិនអាច​កាត់ផ្តាច់​បាន​ពី​ការចូលរួមចំណែក​យ៉ាងសកម្ម​និង​ការលះបង់​ដ៏​ធំធេង​ពី​សំណាក់​កងយោធពល​ខេមរភូមិន្ទ​បានឡើយ​។​

​ដូច្នេះ​ការបន្ត​ធានា​ការពារ​នូវ​រាល់​សមិទ្ធផល​ទាំងនេះ​គឺជា​កិច្ចការ​ស្នូល​អាទិភាព​ចាំបាច់​និង​មាន​សារៈ​សំខាន់បំផុត​ដែល​កងយោធពល​ខេមរភូមិន្ទ​ត្រូវ​ចូលរួម​ជាមួយ​រាជរដ្ឋាភិបាល​ក្នុងការ​អនុវត្ត​ប្រកបដោយ​ភាពម៉ឺងម៉ាត់​ដាច់ខាត​និង​ការទទួលខុសត្រូវ​ពេញទំហឹង​ដើម្បី​ធានាបាន​ទាំងស្រុង​នូវ​និរន្តរភាព​សន្តិភាព​ស្ថិតស្ថេរ​យូរអង្វែង​និង​ការកសាង​ឱកាស​សម្រាប់​ការ​អភិ​ឌ្ឍ​ជាតិ​។​

​ជាមួយគ្នានេះ​លោក​ឧ​ត្ត​ម​សេនីយ៍​ឯក​ហ៊ុន​ម៉ា​ណែ​ត​ក៏បាន​កោតសរសើរ​និង​វាយតម្លៃ​ខ្ពស់​ចំពោះ​នាយទាហាន​នាយទាហានរង​និង​ពលទាហាន​ទូទាំង​យោធភូមិភាគ​ទី​៤​និង​បណ្តា​ស្ថាប័ន​-​កងឯកភាព​ចំណុះ ដែល​បាន​ខិតខំ​បំពេញភារកិច្ច​ការពារ​បូរណភាព​ទឹកដី​។​ធានាបាន​នូវ​ការថែរក្សា​សន្តិសុខ សុវត្ថិភាព សណ្តាប់ធ្នាប់​សាធារណៈ​បានល្អ​ប្រសើរ​ព្រមទាំង​ការពង្រឹង​ការងារ​អប់រំ​ចិត្តសាស្ត្រ​ដែលជា​មូលដ្ឋាន​សំខាន់​នៅក្នុង​ការថែរក្សា​សុខសន្តិភាព​ជាតិ​។​

​ជាពិសេស​ការប្រកាន់​ខ្ជាប់​នូវ​ជំហរ​ច្បាស់លាស់​ស្មោះត្រង់​នឹង ជាតិ សាសនា ព្រះមហាក្សត្រ ប្តេ​ជា​ការពារ​រដ្ឋធម្មនុញ្ញ និង​រាជរដ្ឋាភិបាល​ស្របច្បាប់​៕S/​

ទីតាំងផ្សាយពាណិជ្ជកម្ម

- Advertisment -

Most Popular

បូកសរុប​លទ្ធផល​ការងារ​ប្រ...

ដោយ​: វ៉ៃ​កូ / ស្វាយរៀង​:...

បរិក្ខារ​ដើរ​ដោយ​ថាមពល​ពន...

ដោយ​: សុផល / ភ្នំពេញ​: យោ...

កំពុង​បណ្តែតអារម្មណ៍​តាម​...

​ដោយ​: វណ្ណៈ / ព្រះសីហនុ​...

យុគសម័យ​ទំនើប​គ្មានទេ​មន្...

ដោយ​: គង់​ហេង​/ កំពង់ចាម​...