ដោយ៖ភ្នំស្វាយ/បន្ទាយមានជ័យ៖គណកម្មការអនុសាខាកាកបាទក្រហមកម្ពុជាស្រុកភ្នំស្រុកខេត្តបន្ទាយមានជ័យ បានធ្វើពិធីបំពាក់ឯកសណ្ឋាន ដល់យុវជនកាកបាទក្រហមកម្ពុជា ដល់លោក គ្រូ អ្នកគ្រូ និងសិស្សានុសិស្សមកពី វិទ្យាល័យចំនួន៣នៅក្នុងស្រុកនេះ ។
លោកយុតស្វីតនីហិរញ្ញិកនៃគណះកម្មាធិការសាខាកាកបាទក្រហមកម្ពុជាខេត្តបន្ទាយមានជ័យថ្លែងកាលពីថ្ងៃទី០៤ខែមិនាឆ្នាំ២០២០ថា៖លោកមានក្តីរីករាយនិងសូមអបអរសាទរដែលបានចូលរួមបំពាក់កន្សែងជូនចំពោះលោកគ្រូអ្នកគ្រូនិងក្មួយៗយុវជនស្ម័គ្រចិត្តកាកបាទក្រហម នៃវិទ្យាល័យភ្នំស្រុក, វិទ្យាល័យសុខ អានប៉ោយចារ និងវិទ្យាល័យហ៊ុន សែន ណាំ តៅ នៃស្រុកភ្នំស្រុកចំនួន១៥៣នាក់ ។
លោកសូមកោតសរសេីរចំពោះគណះគ្រប់គ្រងនៃវិទ្យាល័យទីប្រឹក្សាយុវជននិងក្មួយៗយុវជនស្ម័គ្រចិត្តកាកបាទក្រហម ដែលតែងតែចូលរួមរាល់សកម្មភាពមនុស្សធម៌និង គាំទ្រសកម្មភាពមនុស្សធម៌ កាកបាទក្រហម នៅក្នុងគ្រឹះស្ថានសិក្សារបស់ខ្លួន ក៏ដូចជាក្នុងសហគមន៍ងាយរងគ្រោះនានា។
លោកយុត ស្វីនី បានសង្ឃឹមថា ការបំពាក់កន្សែងជូនយុវជនស្ម័គ្រចិត្តកាកបាទក្រហមកម្ពុជាថ្មី នាឱកាសនេះគឺជាចំណែកថ្មីមួួយទៀតក្នុងការពង្រឹងនិងពង្រីកបណ្ដាញយុវជនដើម្បីចូលរួមលេីកកម្ពស់គោលការណ៍គ្រឹះទាំង៧ និងគុណតម្លៃមនុស្សធម៌របស់ចលនា ដែលធ្វើសកម្មភាពមនុស្សធម៌ របស់កាកបាទក្រហមកម្ពុជា ៕S/
រូបភាព៖លោកយុតស្វីនីនិងមន្ត្រីពេលបំពាក់ឯកសណ្ឋានជូនយុវជនកាកបាទក្រហមកម្ពុជានៅស្រុកភ្នំស្រុក (រូប៖ ភ្នំស្វាយ )
