Home ព័ត៌មានអន្តរជាតិ អាម៉េរិក​វាយប...

អាម៉េរិក​វាយប្រហារ​តាម​អាកាស​ប្រឆាំង​ក្រុម​តា​លី​បង់​ដើម្បី​ការពារ​កងកម្លាំង​អា​ហ្វ​ហ្គានី​ស្ថាន​

​អ្នកនាំពាក្យ​កងទ័ព​អាម៉េរិក​បាន​និយាយ​ថា​សហរដ្ឋ​អាម៉េរិក​បាន​បើក​ការវាយប្រហារ​តាម​អាកាស​ប្រឆាំង​ពួក​តា​លី​បង់​ដើម្បី​ការពារ​កងកម្លាំង​អា​ហ្វ​ហ្គានី​ស្ថាន​​កាលពី​ថ្ងៃ​ពុធ​ទី​០៤​មីនា ស្របពេល​ដែល​អំពើ​ហិង្សា​កើនឡើង​ឆាប់រហ័ស​ដោយ​សារ​មាន​ការវាយប្រហារ​ខ្លាំង​ជា​បន្តបន្ទាប់​ពី​សំណាក់​ក្រុម​ឧទ្ទាម​នេះ​ដែល​បាន​ធ្វើ​​ឱ្យ​ដំណើរការ​សន្តិភាព​ដែល​ទើប​ចាប់ផ្តើម​របស់​ប្រទេស​នេះ​ធ្លាក់​ចូល​ក្នុង​ស្ថានភាព​មិន​ភាពច្បាស់លាស់​។​

​ព័ត៌មាន​នៃ​ការវាយប្រហារ​តាម​អាកាស​នៅ​ខេត្ត​ហែល​ម៉ាន់​បាន​កើត​ឡើង​តែ​ប៉ុន្មាន​ម៉ោង​ប៉ុណ្ណោះ​បន្ទាប់ពី​ប្រធានាធិបតី​អាម៉េរិក លោក ដូ​ណា​ល់ ត្រាំ​បាន​ប្រាប់​​អ្នកសារព័ត៌មាន​ថា​លោក​បាន​ធ្វើ​ការជជែក​ពិភាក្សា​ដ៏​ល្អ​តាម​ទូរស័ព្ទ​មួយ​មេដឹកនាំ​នយោបាយ​តា​លី​បង់ ដែល​បាន​ចុះហត្ថលេខា​កាលពី​ថ្ងៃ​សៅរ៍ លើ​កិច្ច​ព្រម​​ព្រៀង​ជា​ប្រវត្តិសាស្ត្រ​ជាមួយ​រដ្ឋាភិបាល​ក្រុង​វ៉ាស៊ីនតោន​ដើម្បី​ដក​កងកម្លាំង​បរទេស​ចេញ​។​

​ប៉ុន្តែ​ចាប់តាំងពី​មាន​ការចុះហត្ថលេខា​នៅ​ទីក្រុង​ដូ​ហា ប្រទេស​កាតា​មក​នោះ ក្រុម​សកម្មប្រយុទ្ធ​នេះ​បាន​បង្កើន​អំពើហិង្សា​ប្រឆាំង​កងកម្លាំង​អា​ហ្វ​ហ្គានី​ស្ថាន​​ដោយ​បញ្ចប់​បទ​ឈប់​បាញ់​មួយ​ផ្នែក​និង​ធ្វើឱ្យ​មាន​ភាព​អាប់អួរ​ទៅលើ​ដំណើរការ​ចរចា​សន្តិភាព​រវាង​រដ្ឋាភិបាល​ក្រុង​កា​ប៊ុល​(​អា​ហ្វ​ហ្គានី​ស្ថាន​)​និង​ក្រុម​តា​លី​បង់​ ដែល​គ្រោង​នឹង​ចាប់ផ្តើម​នៅ​ថ្ងៃទី​១០ ខែ​មីនា​៕​ប្រែ​សម្រួល​៖​សុខា​/sn

យុទ្ធជន​តា​លី​បង់​និង​អ្នកភូមិ​ចូលរួម​ការជួបជុំ​មួយ នៅពេល​ក្រុម​តា​លី​បង់​ថា​ពួកគេ​បាន​ធ្វើ​ការវាយប្រហារ​ឡើងវិញ​ប្រឆាំង​រដ្ឋាភិបាល​អា​ហ្វ​ហ្គានី​ស្ថាន​

ទីតាំងផ្សាយពាណិជ្ជកម្ម

- Advertisment -

Most Popular

ករណី​ពុល​ស្រាស ជា​រឿង​ចាស...

ដោយៈ ម៉េង​ឆៃ​/​កំពង់ឆ្នាំ...

ការទប់ស្កាត់​ការចម្លង​កូ​...

​ដោយ​: ម៉េង​ឆៃ​/ ភ្នំពេញ​...

​ ​ហោរាសាស្ត្រ​

ប្រចាំថ្ងៃអង្គារ ទី១ ខែធ្...

យុវជន​ម្នាក់​ស្លាប់​ដោយ​ប...

​ដោយៈ​ចាន់តូ​/​ភ្នំពេញ​: ...