ភ្នំពេញៈ បើទោះបីរវល់ជាមួយប្រ៊េនថ្មី លក់ដាច់ស្ទើរកពេលបាយទឹកមិនបាន ក៏ពិធីការិនី រតនា មិនភ្លេចតួនាទីនិងការចូលរួមអបអរកម្មវិធីទិវាវប្បធម៌ជាតិដែលបានប្រារព្ធនាថ្ងៃទី៣ ខែមីនា ឆ្នាំ២០២០ ក្រោមវត្តមានដ៏ខ្ពង់ខ្ពស់របស់ប្រមុខរាជរដ្ឋភិបាលកម្ពុជា។
ពិធីការិនីមានប្រជាប្រិយភាពរូបនេះ បានប្រាប់រស្មីកម្ពុជាឱ្យដឹងថា មួយរយៈពេលនេះ រូបនាងពិតជារវល់ខ្លាំងតែម្តងនឹងមុខជំនួញរកស៊ីលក់អនឡាញ នូវផលិតផលគ្រឿងសម្អាង របស់នាងសព្វថ្ងៃដែលស្រាប់គឺ NNP ។ នាងរឹតតែរវល់ខ្លាំងជាងមុនទៅទៀត ដោយសារតែ បាននាំចូលនិងធ្វើតំណាងធំនូវផលិតផលថ្មីគឺ NUNA ហើយផលិតផលនេះនាងក៏សម្រុក ក្នុងការចែកចាយបន្ត និងពង្រីកក្នុងលក់ដែលដាក់គម្រោងមានមនុស្សរាប់សែននាក់ជាសមាជិក។
អ្នកនាង មាស សុវណ្ណរតនា ហៅ ពិធីការិនី រតនា បានប្រាប់ថា គ្រាន់តែផលិតផល NUNA ថ្មីរបស់នាងចូលភ្លាមៗ នាងស្ទើរតែរកពេលបាយទឹកបីពេលមិនគ្រប់ឡើយ ព្រោះតែសមាជិក ក្រុមរបស់នាង ដែលជាតំណាងចែកចាយបន្តបានជឿជាក់ខ្លាំងខំបន្តទៅលក់ និងកុម្ម៉ង់ អីវ៉ាន់ស្ទើរតែរៀបមិនទាន់ទៅតាម បណ្តាខេត្ត និងក្នុងក្រុង។ ប៉ុន្តែបើទោះបីជារវល់ខ្លាំងលើផលិតផលថ្មីយ៉ាងណាក៏ដោយ នាងមិនចោលការងារសិល្បៈ និង ពិធីការិនី ឡើយ ព្រោះ ជាអាជីពដែលស្រលាញ់ ហើយបានរុញច្រាននាងឲ្យមានកេរ្តិ៍ឈ្មោះដល់សព្វថ្ងៃ។ នាងថាពេលនេះសល់លុយច្រើនយ៉ាងណាពីការរកស៊ីលក់ផលិតផល NNP និង NUNA ក៏ដោយ ក៏មិនឈប់ឬចោលការងារសិល្បៈដែរ។
អ្នកនាង រតនា បាននិយាយថា នាងសូមថ្លែងអំណរអគុណដល់ក្រសួងវប្បធម៌ និងវិចិត្រសិល្បៈ ដែលតែងតែ អញ្ជើញដល់រូបនាង និងមិនថា អ្នកសិល្បៈណាឡើយចូលររួមពិធីអបអរទិវា “វប្បធម៌ជាតិ”។
សូមបញ្ជាក់ថា អ្នកនាង មាស សុវណ្ណរតនា ហៅ រតនា ក្នុងឆ្នាំ២០១៩ នាងតែងតែទទួលបាន ការងារជាពិធីការិនីជាប់រហូត និងធ្វើការងារស្នូលរាល់ថ្ងៃជាអ្នកទីផ្សារហើយអ្វីដែលពិសេស សម្រាប់នាងនោះ នាងមកជោគជ័យលើមុខជំនួញអនឡាយមួយទៀតជាមួយនឹងក្រុមហ៊ុន គ្រឿងសម្អាង NNP ។ ក្រោយពីជឿជាក់ និងទុកចិត្តហើយនាងបោះទុនលើមុខជំនួញនេះកាត់ ស្តុកផលិតផលក្នុងខេត្តកំពតមួយដោយបានទុនប្រមាណបួនម៉ឺនដុល្លារ។ នាងមិនត្រឹមបោះ និងចែកចាយផលិតឱ្យអ្នកតំណាងរបស់នាងឡើយ នាងខំប្រឹងលក់តាមអនឡាយ បន្ទាប់ ការងារសិល្បៈ សូម្បីតែយប់ម៉ោងគេងសម្រាកក៏ខំប្រឹងលក់ដែរ។
ពិធីការិនី រតនា ជាមនុស្សសកម្មក្នុងការងារក្នុងសង្គម ហើយជាភរិយាល្អដែលខំប្រឹងរក ទុកដាក់ មិនងាយនឹងទិញរបស់ថ្លៃ ឬ របស់ទំនើប ខណៈនាងជាកូនស្រីអាជីវករនៅខេត្តកំពត។ លើកនេះល្មមដាច់ចិត្តរបស់ខ្លួនដែលស្រឡាញ់ គឺនាងលេងទិញមួយវង់តម្លៃជិតមួយម៉ឺនដុល្លារ ធ្វើឱ្យមហាជនភ្ញាក់ផ្អើល។
តារារូបនេះ ត្រូវបានមហាជនសរសើរនាង ព្រោះនាងខំប្រឹងរក ដោយពេលទំនេរខំលក់ អីវ៉ាន់អនឡាយ លក់ផ្លែទុរេនពីចម្ការនៅកំពត និងឆ្លៀតពេលធ្វើជាពិធីការិនីក្រៅម៉ោង តាមកម្មវិធីនានា។ ថ្មីៗនេះដែរ នាងឧស្សាហ៍ធ្វើការងារសង្គម និងចូលរួមសកម្មភាពសប្បុរសធម៌ ៕ ដោយៈ បូរិន/Ha
