ភ្នំពេញ:គ្រងឈុតបុរាណលើកនេះតារាសម្តែងម្តាយកូនពីរនេះពិតជាស្អាតដូចរូបគំនូរ។ទាំងមហាជននិងអ្នកគាំទ្រនាំគ្នាសរសើរដល់ពួកគេរយៈពេលប៉ុន្មានថ្ងៃនេះ។
ចូលដើមឆ្នាំ២០២០ តារាសម្តែងអ្នកនាង សឿន ផានផាភួង និង កុមារី ឈូឈូ បានបង្អួតសម្រស់ក្នុងសម័យអង្គរ ស្អាតប្លែកភ្នែកដល់អ្នកគាំទ្រ ហើយទទួលការពេញចិត្តនិងគាំទ្រ ចំពោះម្តាយនិងកូនស្រីពីរនេះ។
សូមបញ្ជាក់ថា តារាសម្តែងអ្នកនាង សឿន ផានផាភួង និង កុមារី ឈូឈូ ដែលបង្ហាញខ្លួន ក្នុងឈុតបុរាណជាព្រះនាងនិងមហាក្សត្រ សម័យអង្គរលើកនេះ ត្រូវបានលោក ហង្ស សំណាង ជាអ្នកតុបតែងខ្លួននិងផាត់មុខឱ្យ។
សូមរំលឹកផងដែរថា កាលពីថ្ងៃទី៥ ខែមេសា ឆ្នាំ២០១៩ ទាំងមហាជន និង យុវវ័យ បានធ្វើការសរសើរចំពោះការតុបតែងខ្លួនរបស់កុមារី ឈូឈូ (អាង សុជាតា) ក្នុងសម័យលង្វែកលើវេទិកាក្នុងពិធីសង្ក្រាន្តឆ្នាំថ្មីនៃវិទ្យាល័យឥន្ទ្រទេវី ។
ទស្សនិកជនទាំងចាស់ទាំងក្មេងមិនត្រឹមតែលាន់មាត់ពោលពាក្យសរសើរនោះទេ ថែមចាត់ទុកថា ទម្រង់មុខកុមារី ឈូឈូ ពិតជាសមនិងស្រស់ស្អាតសមជាព្រះនាង ឬស័ក្តិសមគ្រងឈុតបុរាណនាសម័យលង្វែកនេះ៕ ដោយ: បូរិន/Ha
