Home កីឡា អា​ឡិ​ក​ស៊ី​ស...

អា​ឡិ​ក​ស៊ី​ស សាន​ឆេស ត្រូវតែ​យល់ព្រម​ទទួលយក​ការ​កាត់​ប្រាក់​ឈ្នួល ដើម្បី​បាន​ចូលរួម​ជាមួយ​ក្លិប​អ៊ី​ន​ធ័​រ មី​លេន

ខ្សែប្រយុទ្ធ អា​ឡិ​ក​ស៊ី​ស សាន​ឆេស (Alexis Sanchez) នឹង​បង្ខំចិត្ត​ទទួលយក​ការ​កាត់​ប្រាក់ ឈ្នួល​ច្រើន ប្រសិនបើ​ចង់​សម្រេច​កិច្ចព្រមព្រៀង​ផ្ទេរ​អចិន្ត្រៃយ៍​ជាមួយ​ក្លិប​អ៊ី​ន​ធ័​រ មី​លេន​( Inter Milan) នៅ​រដូវក្តៅ​នេះ​។​
​ ​
កិច្ចសន្យា​របស់​កីឡាករ​សញ្ជាតិ​ឈី​លី​រូបនេះ​ជាមួយ​ក្លិប​ម៉េ​ន​ឆេ​ស្ទ័​រ​យូ​ណាយ​ធី​ត​គឺ​ទទួលបានប្រាក់​ឈ្នួល ៤០០.០០០​ផោន​ក្នុង​មួយ​សប្តាហ៍ ស្របពេល​នឹង​បន្ថែម​ប្រាក់​លើកទឹកចិត្ត ១៦០.០០០​ផោន​អាស្រ័យ​លើ​ភាពជោគជ័យ​។​
​ ​
ក្លិប Inter Milan យល់ព្រម​រ៉ាប់រង​ត្រឹម​៤,៥​លាន​ផោន​ប៉ុណ្ណោះ​ក្នុងចំណោម​ប្រាក់​ឈ្នួល​ប្រចាំឆ្នាំ ២១​លាន​ផោន នៅពេល​ផ្ទេរ​ក្នុង​កិច្ចសន្យាខ្ចី​ជើង​កាលពី​រដូវក្តៅ​មុន ហើយ​ក្លឹប​យក្ស​នៅ ក្របខ័ណ្ឌ Serie A នេះ​នឹងមិន​អាចឆ្លើយតប​ទៅនឹង​កិច្ចសន្យា​របស់​កីឡាករ​រូបនេះ​នៅ ក្លិប​យូ​ណាយ​ធី​ត​នោះទេ ប្រសិនបើ​ពួកគេ​ចង់ទុក​កីឡាករ​រូបនេះ​លើសពី​រដូវ​កាល​នេះ​។​
​ ​
តាម​កាសែត​អ៊ីតាលី​បាន​ឲ្យ​ដឹងថា សាន​ឆេស ត្រូវតែ​យល់ព្រម​បន្ថយ​ប្រាក់​ឈ្នួល ដើម្បី សម្រេច​កិច្ចព្រមព្រៀង​ផ្ទេរ​អចិន្ត្រៃយ៍​មកកាន់​ពហុ​កីឡដ្ឋាន San Siro ។​
​ ​
​វា​នឹងធ្វើ​ឲ្យ​អតីត​ខ្សែប្រយុទ្ធ​ក្លិប​អា​សេណ​ល​( Arsenal) រូបនេះ​ទទួលបាន​ប្រាក់​ឈ្នួល​ប្រហែល ២០០.០០០​ផោន​ក្នុង​មួយ​សប្តាហ៍ ខណ​:​ដែល​កីឡាករ​រូបនេះ​ទើបនឹង​រកបាន​មួយ​គ្រាប់ គត់​ចាប់តាំងពី​ផ្ទេរ​មកកាន់​ក្លិប Milan កាលពី​រដូវក្តៅ​មុន​៕ ប្រែ​សម្រួល​: ពិសិដ្ឋ​

ខ្សែប្រយុទ្ធ អា​ឡិ​ក​ស៊ី​ស សាន​ឆេស (Alexis Sanchez)

ទីតាំងផ្សាយពាណិជ្ជកម្ម

- Advertisment -

Most Popular