គ្រូបង្វឹក ហ្គា​រ៉េត សាវ​ហ្គេ​ត សម្លឹងមើល​អ្នកចាំទី ឌី​ន ហ៊ែ​ន​ដឺ​សិន​

ហ្គា​រ៉េត សាវ​ហ្គេ​ត (Gareth Southgate) តាម​សម្លឹងមើល​កីឡាករ ឌី​ន ហ៊ែ​ន​ដឺ​សិន (Dean Henderson) នៅមុន​ការប្រកួត​ក្របខ័ណ្ឌ Euro 2020 ខណៈ​មាន​សម្ពាធ​កាន់តែខ្លាំង​ឡើងលើ អ្នកចាំទី​ដៃ​ទី​១ ច​ឌែ​ន ភី​ក​ហ្វ​ដ (Jordan Pickford)​។​
​ ​
លោក សាវ​ហ្គេ​ត គ្រូបង្វឹក​ក្រុម​អង់គ្លេស​ហាក់ដូចជា​ស្មោះត្រង់​នឹង ភី​ក​ហ្វ​ដ ដែលជា​អ្នកចាំទីរបស់​ក្លិប​អេ​វឺ​តុ​ន​( Everton) ហើយ​មើលទៅ​វា​មិន​ទំនងជា​មានការ​ផ្លាស់ប្តូ​រ​ច្រើន​នោះទេ ក្នុង​រយៈពេល​បី​ខែ​នៅមុន​ព្រឹត្តិការណ៍ Euro ២០២០​នេះ​។
​ ​
ប៉ុន្តែ​គួរ​ឲ្យ​កត់សម្គាល់​ដែល​លោក សាវ​ហ្គេ​ត បានធ្វើ​ដំណើរ​ទៅ​ពហុ​កីឡដ្ឋាន Goodison Park កាលពី​ថ្ងៃអាទិត្យ ជាជាង​ទៅ​ពហុ​កីឡដ្ឋាន Wembley សម្រាប់​ការប្រកួត​វគ្គ​ផ្តាច់ព្រ័ត្រ Carabao Cup ប៉ុន្តែ​សុខចិត្ត​តាមមើល​កីឡាករ ភី​ក​ហ្វ​ដ​។​
​ ​
ភី​ក​ហ្វ​ដ រង​ការរិះគន់ បន្ទាប់​បណ្តោយ​ឲ្យ​គ្រាប់​បាល់​យឺតៗ​របស់​កីឡាករ ប្រ៊ូ​ណូ ហ្វឺ​ណាន​ដេ​ស (Bruno Fernandes) ចូល​ទី ដែល​ជួយ​ឲ្យ​ក្រុម​ម៉េ​ន​ឆេ​ស្ទ័​រ យូ​ណាយ​ធី​ត​តាម​ស្មើ ហើយ​នៅ ពេលនេះ កំពុង​ប្រឈម​នឹង​សម្ពាធ​។​
​ ​
លោក សាវ​ហ្គេ​ត គឺជា​អ្នក​កោតសរសើរ​កីឡាករ ហ៊ែ​ន​ដឺ​សិន វ័យ​២២​ឆ្នាំ ហើយ​កំពុងមានទម្រង់​លេង​ល្អ ស្របពេល ថម ប៉ូ​ប (Tom Pope) របស់​ក្លឹប Burnley និង ថម ហ៊ី​ធិ​ន (Tom Heaton) របស់​ក្លឹប Aston Villa ក៏​ស្ថិតក្នុង​ជម្រើស​ផងដែរ​៕ ប្រែ​សម្រួល​: ពិសិដ្ឋ​