Home ព័ត៌មានជាតិ សន្តិសុខ ប៉ូលិស​ចាប់ខ្...

ប៉ូលិស​ចាប់ខ្លួន​ជនសង្ស័យ​គ្រឿងញៀន​៥១​នាក់ នៅ​ខណ្ឌទួលគោក​-​ដូនពេញ​

ដោយ​: មុនី​រ័ត្ន / ភ្នំពេញ​: អនុវត្តតាម​បទបញ្ជា និង​ផែនការ​ប្រ​យ​ទ្ធ​ប្រ​​ឆាំង​គ្រឿងញៀន​របសលោក​ឧ​ត្ត​ម​សេនីយ៍​ឯក ស ថេត អគ្គ​ស្នងការរង​នគរបាលជាតិ និង​ជា​ស្នងការ​នគរបាល​រាជធានី​ភ្នំពេញ​។

​នគរបាល​ការិយាល័យ​ប្រឆាំង​គ្រឿង នៃ​ស្នងការដ្ឋាន​នគរបាល​រាជធានី​ភ្នំពេញ បន្ត​ចេញ​ប្រតិបត្តិ​ការបង្ក្រាប និង​ចាប់ខ្លួន​ជនសង្ស័យ​គ្រឿងញៀន​នៅ​ខណ្ឌទួលគោក និង​ខណ្ឌដូនពេញ ចាប់​ឃាត់ខ្លួន​ជនសង្ស័យ​គ្រឿងញៀន​ប្រុស​ស្រី​៥១​នាក់ និង​ដកហូត​វត្ថុតាង​គ្រឿងញៀន​ចំនួន​១០​កញ្ចប់​។ ប្រតិបត្តិ​ការបង្ក្រាប​គ្រឿង​ញៀន​នៅ​ថ្ងៃទី​៤ ខែមីនា ឆ្នាំ​២០២០ វេលា​ម៉ោង​២២​និង​០០​នាទី ដោយបាន​ការអនុញ្ញាត​និង​សម្របសម្រួល​នីតិវិធី​ពី​លោក រៀល សុ​ភិន រាជអាជ្ញា​រង នៃ​អយ្យការ​អម​សាលាដំបូង​រាជធានី​ភ្នំពេញ ករណី​ជួញដូរ​គ្រឿងញៀន​ខុសច្បាប់ នៅ​ចំណុច​សំណង់​មិន​រៀបរយ ផ្លូវ​រថភ្លើង ភូមិ​១៦ សង្កាត់​ទឹកល្អក់​១ ខណ្ឌទួលគោក រាជធានី​ភ្នំពេញ និង​នៅ​ចំណុច នៅតាម​បណ្តោយ​ផ្លូវ​រថភ្លើង សង្កាត់​ស្រះចក ខណ្ឌដូនពេញ រាជធានី​ភ្នំពេញ​។​

​លោក​ឧ​ត្ត​ម​សេនីយ៍​ទោ ហួត ចាន់​យ៉ា​រ៉ា​ន់ ស្នងរ​រង​ទទួល​ផែន​ការងារ​ប្រឆាំង​គ្រឿងញៀន បាន​ប្រាប់​ឱ្យដឹងថា បង្ក្រាប​ករណី​ជួញដូរ និង​ប្រើប្រាស់​គ្រឿងញៀន​ខាងលើ កម្លាំង​នគរបាល​ធ្វើឡើង​ក្រោយពី​ទទួល​ព័ត៌មាន​ប្តឹង​រាយការណ៍​ពី​ប្រជាពលរដ្ឋ នូវ​សកម្មភាព​ប្រព្រឹត្ត​បទល្មើស​គ្រឿងញៀន​ជាក់ស្តែង​។ កម្លាំង​សមត្ថកិច្ច​ក៏​ចុះ​ទៅដល់ ឃាត់ខ្លួន​ជនសង្ស័យ ជួញដូរ​គ្រឿងញៀន​៩​នាក់ (​ស្រី ៣​នាក់​)​។ ដកហូត​វត្ថុតាង​: ៨​កញ្ចប់​តូច នៅ​ខណ្ឌដូនពេញ​។ បន្ទាប់ពី​បង្ក្រាប​ចាប់ខ្លួន​ជនសង្ស័យ​ជួញដូរ​គ្រឿងញៀន​៩​នាក់​នោះ​ហើយ​ កម្លាំង​បន្តធ្វើ​រដ្ឋបាល​ចុះ​ត្រួតពិនិត្យ​នៅតាម​បណ្តោយ​ផ្លូវ​រថភ្លើង សង្កាត់​ស្រះចក ខណ្ឌដូនពេញ​។ ឃាត់ខ្លួន​ជនសង្ស័យ​ប្រើប្រាស់​គ្រឿងញៀន​ដែល​ចូលមក​ទិញ​ថ្នាំញៀន ពី​ជនសង្ស័យ​ជួញដូរ​គ្រឿងញៀន​ខាងលើ​បាន​ចំនួន ៤២​នាក់​ទៀត ស្រី ២​នាក់ បន្ថែមទៀត​។ វត្ថុតាង​ដកហូត​ក្រាម​ពណ៌​ស ថ្លា​សង្ស័យ​ជា​គ្រឿងញៀន​ចំនួន ២​ញ្ច​ប់​តូច ម៉ូតូ ១៥​គ្រឿង និង​ឧបករណ៍ប្រើប្រាស់​គ្រឿងញៀន​មួយចំនួន​ផងដែរ​។ ប្រតិ​ប​ត្ត​ការបង្ក្រាប ឃាត់​ខ្លូន​ជនសង្ស័យ​សរុប​ចំនួន ៥១​នាក់ ស្រី​៥​នាក់ ដក​ហូត​វត្ថុតាង​: ថ្នាំញៀន​សរុប ១០​កញ្ចប់​តូច ម៉ូតូ​១៧​គ្រឿង ឧបករណ៍​ជក់​ចំនួន ៥ និង​ដែកកេស​ចំនួន​៤​។​

​បច្ចុប្បន្ន​ជនសង្ស័យ​កំពុង​ឃាត់ខ្លួន និង​សាកសួរ ដើម្បី​បន្ដ​អនុវត្តតាម​នីតិវិធី​៕ ល​/Ha

ទីតាំងផ្សាយពាណិជ្ជកម្ម

- Advertisment -

Most Popular

ក្រសួងសុខាភិបាល​កំពុង​តែ​...

ដោយៈ​មុនី​រ័ត្ន​/​ភ្នំពេញ...

បិទ​ផ្សារ​អ៊ី​អន​១ បន្ទាប...

ដោយៈ​មុនី​រ័ត្ន​/​ភ្នំពេញ...

ពុលស្រាសនៅខេត្តកំពង់ឆ្នាំ...

ដោយ: មុនីរ័ត្ន-ទេព កង្រី/...

មេបញ្ជាការ​កងពលតូច​លេខ​៧ ...

​ដោយ​: ភ្នំ​ដែក / ខេត្តព្...