Home ព័ត៌មានជាតិ សន្តិសុខ ​មន្ត្រី​មន្ទ...

​មន្ត្រី​មន្ទីរ​ដែនដី​កោះកុង​ម្នាក់ ទើប​ទិញ​រថយន្ត​បាន​២​សប្តាហ៍​ត្រូវ​ចោរលួច​មិនបាន​សម្រេច​

អត្ត​ប​ទៈ​សុ​ផានី​តា​/​កោះកុង​៖​មន្ត្រី​ម្នា​ក់នៅ​មន្ទីរ​រៀបចំ​ដែនដី​នគរូបណីយកម្ម និង​សំណង់​ខេត្តកោះកុង ត្រូវ​ចោ​r​លួច​រថយន្ត​ដែល​ទើបតែ​ទិញ​បាន​២​សប្តាហ៍​។​ប៉ុន្តែ​ការ​លួច​របស់​ជនសង្ស័យ​ពុំបាន​សម្រេច​នោះទេ​ដោយ​កម្លាំង​កងរាជអាវុធហត្ថ​ស្ទាក់​ចាប់ខ្លួនបាន​។​

រថយន្ត​កាមរី​ដែល​មន្ត្រី​មន្ទីរ​ដែនដី​ខេត្តកោះកុង​បាត់​នោះ​អំឡុងពេល​ចូល​ច្រៀង​ខារ៉ាអូខេ​ហាង​យីហោ​រិ​ន​ធី​ណា​ម៉ាក​Toyota​បា​ឡែ​ន​ពណ៌​ទឹក​មាន​កាលពី​ម៉ោង​១២​យប់​ថ្ងៃទី​៤​ខែមីនា​ឆ្នាំ​២០២០​ស្ថិតនៅ​ភូមិ​៣​សង្កាត់​ស្មាច់មានជ័យ​ក្រុង​ខេមរភូមិន្ទ ។

​លោក​វរសេនីយ៍ត្រី នួន វុត្ថា មេបញ្ជាការរង​កងរាជអាវុធហត្ថ​ខេត្តកោះកុង បានឱ្យដឹង​នៅ​រសៀល​ថ្ងៃទី​៥ ខែមីនា​ថា​ភ្លាមៗ​ក្រោយពី​មាន​ប្តឹង​ផ្ទាល់មាត់​របស់​ជនរងគ្រោះ​និង​ទទួលបាន​បទបញ្ជា​ណែនាំ​របស់លោក​ឧ​ត្ត​ម​សេនីយ៍​ត្រី ថុង ណា​រ៉ុង មេបញ្ជាការ​អាវុធហត្ថ​ខេត្ត និង​លោក រស់ សា​រាំ ព្រះរាជអាជ្ញា​ខេត្ត កងកម្លាំង​របស់លោក​បាន​បើក​ប្រតិបត្តិ​ការបង្ក្រាប និង​ឃាត់ខ្លួន​ជនសង្ស័យ​តាមរយៈ​វិទ្យុទាក់ទង និង​ទូរស័ព្ទ​គ្រប់​ស្នាក់ការ​តាម​បណ្តា​ក្រុង​ស្រុក​។

​លោក​មេបញ្ជាការរង​អាវុធហត្ថ​ខេត្ត​បញ្ជាក់ទៀតថា​លុះដល់​ម៉ោង​២​យប់​ជ្រៅ​ថ្ងៃទី​៥​ខែមីនា​ជនសង្ស័យ​ដែល​ឃាត់ខ្លួន​បាន​មានឈ្មោះ​ឡុង​ប៊ែ​គឹម​ផួយ​ភេទ​ប្រុស​អាយុ​២៨​ឆ្នាំ​មុខរបរ​មន្ត្រី​កិច្ចសន្យា​បម្រើ​ការងារ​ជាមួយ​ជនរងគ្រោះ​នៅ​មន្ទីរ​រៀបចំ​ដែនដី​ខេត្តកោះកុង​រួច​បញ្ជូនមក​ការិយាល័យ​ជំនាញ​កងរាជអាវុធហត្ថ​ខេត្តកោះកុង​។

ចំពោះ​វត្ថុតាង​ដកហូត រួមមាន​៖ រថយន្ត​ម៉ាក​កាមរី​បា​ឡែ​ន​ស៊េរី​ឆ្នាំ ២០០៣ ពណ៌​ទឹកមាស​ស្លាក​លេខ កោះកុង​2A.5677​កូនសោ​ចាក់​រថយន្ដ​ទូ​ស័ព្ទ​ដៃ​ម៉ាក​OPPO​ពណ៌​ស្វាយ​១​គ្រឿង​ទូ​ស័ព្ទ​ម៉ាក​ណូគា​ចុច​ពិល​ព័ណ៌​ខៀវ​។ ប័ណ្ណសមាជិក ប​.​ស​.​ស ០១ សន្លឹក សោ​ម៉ូតូ ១ ផាវ​គ្រាប់បែក​ចំនួន ៧​គ្រាប់ ផាវ​កាំជ្រួច​ចំនួន ៦ ដើម កាបូបស្ពាយ​ដាក់ ចំនួន​២ ខោអាវ​និង​Computer លេប​ថប់ ម៉ាក ASUS ពណ៌​ខ្មៅ និង​ឌុយ​សាក​ចំនួន​១​គ្រឿង​។​

​តាម​ចម្លើយសារភាពរ​បស់ជនស​ង្ស័​យ អះអាងថា ខ្លួន​ពិតជា​មាន​លួច​រថយន្ត​នៅ​ហាង​ខារ៉ាអូខេ រិ​ន​ធី​ណា​ពិតប្រាកដ​មែន​ដោយ​បម្រុង​បើកបរ​ទៅ​ស្រុ​កំណើត​នៅឯ​ខេត្តតាកែវ​។​កូនសោ​សម្រាប់​ចាក់​ចូលក្នុង​រថយន្ត​គឺ​ខ្លួន​បាន​លួច​ជាង​១​សប្តាហ៍​មកហើយ​។​ដោយឡែក​លោក​ឡុ​ន​ពិសិដ្ឋ​ជនរងគ្រោះ​ជា​មន្ត្រីរាជកា​រ​នៅ​ការិយាល័យ​វាស់វែង​ដី​ជា​ប្រព័ន្ធ​នៅ​មន្ទីរ​ដែនដី​ខេត្តកោះកុង​បានឱ្យដឹងថា​រថយន្តរ​បស់​លោក​ទើប​ទិញ​បាន​២​សប្តាហ៍​ប៉ុណ្ណោះ​ពី​ពលរដ្ឋ​អ្នក​នៅ​កោះកុង​ដូចគ្នា​។​

១​សប្តាហ៍​ក្រោយ​ទិញ​រថយន្ត​បាន​ហើយក៏​បាត់​សោរ​ចាក់​នៅ​កន្លែងធ្វើការ​រួច​ក៏បាន​សាកសួរ​មន្ត្រី​ពាក់ព័ន្ធ​ផងដែរ​បូក​រួមទាំង​ជនសង្ស័យ​។​ប៉ុន្តែ​គ្មាន​អ្នក​ឆ្លើយថា​បានដឹង​ឡើយ​។​លុះដល់​ថ្ងៃកើតហេតុ​ទើប​ដឹង​ច្បាស់​ថា​ជនសង្ស័យ​ដែលជា​មន្ត្រី​កិច្ចសន្យា​នៅ​មន្ទីរ​រួមគ្នា​ជា​អ្នក​លួច​សោរ​រថយន្ត​។​

​ជនរងគ្រោះ​បន្ថែមថា​គ្រា​កំពុង​បាត់​រថយន្ត​មិន​សង្ឃឹមថា​រកឃើញ​នោះទេ​ទោះយ៉ាងណា​កម្លាំង​សមត្ថកិច្ច​អាវុធហត្ថ​ខេត្ត​ក្រុង​ស្រុក​បង្ក្រាប​និង​ឃាត់ខ្លួន​ជនសង្ស័យ​យ៉ាង​ប្រសិទ្ធភាព​ដោយ​ជនរងគ្រោះ​ថ្លែង​អំណ​គុណ​ដល់​សមត្ថកិច្ច​ដែល​ធ្វើ​ការបម្រើ​ពលរដ្ឋ​បានល្អ​។​បច្ចុប្បន្ន​កម្លាំង​ជំនាញ​កងរាជអាវុធហត្ថ​ខេត្តកោះកុង​កំពុង​ប្រគល់​រថយន្ត​ជូន​ជនរងគ្រោះ​វិញ​ហើយ​និង​កំពុង​កសាង​សំណុំរឿង​តាម​នីតិវិធី​បញ្ជូនទៅ​សាលាដំបូង​ខេត្ត​៕S/

ទីតាំងផ្សាយពាណិជ្ជកម្ម

- Advertisment -

Most Popular

យុទ្ធនាការ​១៦​ថ្ងៃ​: បង្ក...

ដោយ​: មុនី​រ័ត្ន / ភ្នំពេ...

អភិបាលខណ្ឌ​ចំកា​មន​៖ សម្ត...

ដោយ​: រ៉ា​ម៉ន / ភ្នំពេញ​:...

ក្មេងប្រុស​អាយុ​១២​ឆ្នាំ ...

ដោយ​: អង្គា​រ៍​ហេង / ភ្នំ...

សម្តេច​ក្រឡាហោម ស ខេង ចេញ...

​ដោយ​: មុនី​រ័ត្ន / ភ្នំព...