ដោយះគ្រញូង/ប៉ៃលិន ៖នៅព្រឹកថ្ងៃទៅ៥ខែមីនាឆ្នាំ២០២០នៅចំណុចផ្សារលក់ត្រីស្ថិតក្នុងភូមិប៉ាហ៊ីជើង សង្កាត់ប៉ៃលិនក្រុងប៉ៃលិនខេត្តប៉ៃលិនមានការភ្ញាក់ផ្អើលដោយមានអាជីវករជាច្រើននាក់បាននាំគ្នាតវ៉ាថាមានចោរលួចគាស់យកឥវ៉ាន់ស្ទើរអស់រលីងដោយម្ចាស់ផ្សារអត់មានជួលសន្តិសុខឱ្យចាំយាមទេ។
ប្រភពអ្នកលក់ដូរនៅក្នុងផ្សារបានប្រាប់ថាពួកគាត់រៀងរាល់យប់តែងតែចាក់សោរួចទុកឥវ៉ាន់ក្នុងផ្សារដោយមិនបានជួលសន្តិសុខឱ្យយាមពេលយប់ទេ។ដូច្នេះហើយ ទើបក្រុម ចោរ ដើរ គាស់ លួច យក ទ្រព្យសម្បត្តិ អាជីវករ យ៉ាង អនាធិបតេយ្យ។ លុះ ម្ចាស់ តូប ប្រាប់ ម្ចាស់ ផ្សារ គេ ឆ្លើយ ថា « ចាំ ស៊ើប មើល ឱ្យ » ខណ : អាជីវករ ម្នាក់ ៗ មានការ ហួសចិត្ត យ៉ាង ខ្លាំង ។
អាជីវករ រូប នេះ បន្ត ថា ហើយ តូប ទាំង ពីរ ដែល គាត់ ជួល គេ លក់ដូរ គឺ ត្រូវ បង់ ឱ្យ ម្ចាស់ ផ្សារ ក្នុង ១ ខែ ចំនួន ៤៥ម៉ឺនរៀល ហើយ ចាប់ពី ថ្ងៃនេះ តទៅ បើសិនជា មានការ បាត់បង់ ដូច សព្វដង គាត់ នឹង លែង បង់ថ្លៃ តូប ឱ្យ ទៀត ហើយ ។ក៏ ឈប់ លក់ដូរ បន្ត ទៀត ដែរ ព្រោះ ចោរលួច កាត់ គន្លឹះ ធុង ទឹកកក ដែល ខ្លួន ទិញ មក ពី ថៃ ដោយ ធុង ១ តម្លៃ ៤ពាន់បាតខ្លះ ទៀត ៣៥០០ បាត។
រហូត មក ដល់ ពេល នេះ ខូចខ្ទេចខ្ទី អស់ហើយ អាជីវករ ដដែល បន្ត ទៀត ថា ក្រុម ចោរ ទាំងនេះ បាន យក កន្ត្រៃ កាត់ដែកពេលយប់ស្ងាត់ រួច លួច យក សម្ភារ : របស់ គាត់ ដោយសារ តែ ផ្សារ ត្រី នេះ អត់ មាន សន្តិសុខ យាមកាម សូ ម្បី តែ ម្នាក់ នោះ ឡើយ ។
ចំណែក លោក គង់ សំណាង អធិការរង នគរបាលក្រុងប៉ៃលិនបានឱ្យ ដឹង ថា លោក នឹង ពិភាក្សា ជាមួយ ម្ចាស់ ផ្សារ ដើម្បី ធ្វើ យ៉ាងណា ឱ្យ រៃ អង្គាស ថវិកាដើម្បី រក ជួល សន្តិសុខ ឯកជន ឬ សមត្ថកិច្ច ឱ្យទៅ យាម ទាំង យប់ទាំង ថ្ងៃ នៅ ក្នុង ផ្សារ ត្រីបើសិនជា ម្ចាស់ ផ្សារ មានការ ឯកភាព ។
លោកអធិការរងក្រុងបន្តទៀតថា កិច្ចការនេះទទួល បាន ជោគជ័យក៏ ទាល់តែ មានការ យល់ព្រម ពី អាជីវ ករ ក្នុង ការ ប្រមូល ថវិកា ដើម្បី យក ទៅ ចាត់ចែង ដល់ សន្តិសុខ ដើម្បី រួម គ្នា ដោះស្រាយ ការពារទ្រព្យសម្បត្តិរបស់ពួកគាត់ដែលទុកក្នុងផ្សារមិនយកទៅផ្ទះ៕S/
រូបថត៖សមត្ថកិច្ចកំពិងសាកសួរស្ត្រីម្នាក់ដែលបាត់សាច់គោអស់ពីធុងក្លាសេ
