ថ្នាក់ដឹកនាំ​សហភាព​សហព័ន្ធ​យុវជន​កម្ពុជា​ចុះ​ពិនិត្យ​ទីតាំងនៅ​ប្រាសាទអង្គរវត្ត​ដើម្បី​រៀបចំ​សៀមរាប​សង្ក្រាន្ត

ដោយៈ​អង្គរតូច​/​សៀមរាប​៖​កាលពី​ថ្ងៃទី​៤​ខែមីនា​ឆ្នាំ​២០២០​លោក​ហ៊ុន​ម៉ា​នី​ប្រធាន​សហភាព​សហព័ន្ធ​យុវជន​កម្ពុជា​អមដំណើរ​ដោយ​លោក​ប្រាក់​សោភ័ណ​ប្រធាន​សហភាព​សហព័ន្ធ​យុវជន​កម្ពុជា​ខេត្តសៀមរាប​។​

លោក​សុខ​សង្វារ​អគ្គនាយករង​អាជ្ញាធរ​ជាតិ​អប្សរា​តំណាង​លោក​អគ្គនាយក​និង​ជា​ប្រធាន​សហភាព​សហព័ន្ធ​យុវជន​កម្ពុជា​វិស័យ​បេតិកភណ្ឌ​ព្រមទាំង​ថ្នាក់ដឹកនាំ​រួមទាំង​ក្រុមការងារ​ពាក់ព័ន្ធ​ជាច្រើន បាន​ចុះ​ពិនិត្យ​ទីតាំងនៅ​ប្រាសាទអង្គរវត្ត ដើម្បី​ត្រៀម​រៀបចំ​ព្រឹត្តិការណ៍​សៀមរាប​សង្ក្រាន្ត​។​

​ព្រឹត្តិការណ៍​នេះ​មាន​រយៈពេល​៣​ថ្ងៃ​គឺ​ចាប់ពី​ថ្ងៃទី​១៣​ដល់​ថ្ងៃទី​១៥​ខែមេសា​ឆ្នាំ​២០២០​។​ចំពោះ​ការរៀបចំ​អបអរសាទរ​ឆ្នាំ​ថ្មី​ប្រពៃណី​ជាតិខ្មែរ​។​អាជ្ញាធរ​ជាតិ​អប្សរា​តែងតែមាន​កិច្ចសហការ​យ៉ាង​ល្អ​ជាមួយ​សហភាព​សហព័ន្ធ​យុវជន​កម្ពុជា រាល់​ព្រឹត្តិការណ៍​អង្គរ​សង្ក្រាន្ត​និង​សៀមរាប​សង្ក្រាន្ត ជាច្រើន​ឆ្នាំកន្លងមក​។
​សុខ​សង្វារ​បានលើកឡើង​ថាស​ម្រា​ប់​ឆ្នាំ​នេះដែរ​អាជ្ញាធរ​ជាតិ​អប្សរា​ក៏​នឹង​បន្ត​សហការ​យ៉ាង​ល្អ​ហើយ​ត្រៀមខ្លួន​ជាស្រេច​ក្នុងការ​រៀបចំ​សៀមរាប​សង្ក្រាន្ត​ជាថ្មី​ម្តងទៀត​។

​ជាក់ស្តែង​ឆ្នាំនេះ​លោក​បានឱ្យដឹងថា​ដើម្បី​ចូលរួម​អបអរ​ព្រឹត្តិការណ៍​សៀមរាប​សង្ក្រាន្ត​អាជ្ញាធរ​ជាតិ​អប្សរា​មាន​គម្រោង​មួយ​គឺ​អង្គរ​អតីត​បច្ចុប្បន្ន​និង​អនាគត​។​ចំពោះ​គម្រោង​ទាំងនេះ​នឹង​បង្ហាញ​អំពី​វប្បធម៌​ប្រពៃណី​ខ្មែរ បច្ចេកទេស​ជួសជុល អភិរក្ស​ប្រាង្គ​ប្រាសាទ សកម្មភាព​សាងសង់​ប្រាសាទ ការព្យាបាល​ថ្ម កំណាយ​បុរាណវិទ្យា​សិប្បកម្ម​។​

​ទាំងនេះ​គឺអាច​ឱ្យ​ភ្ញៀវទេសចរ​ចូលរួម​ធ្វើ​សកម្មភាព​ជាមួយ​អ្នកជំនាញ​និង​បង្ហាញ​អំពី​សមិទ្ធផល​ទេសចរណ៍​ជាច្រើន​សម្រាប់​ទស្សនា​កម្សាន្ត​ហើយ​បាន​យល់ដឹង​នូវ​ចំណេះដឹង​ជា​ប្រយោជន៍​សម្រាប់​អភិវឌ្ឍ​ខ្លួន​និង​ប្រទេសជាតិ​បាន​ទៀតផង​៕S/​

ទីតាំងផ្សាយពាណិជ្ជកម្ម

- Advertisment -

Most Popular