រលំ​បាក់​អគារ​នៅ​ប៉ា​គី​ស្ថាន​សម្លាប់​មនុស្ស​១១​នាក់​

164
ចែករម្លែក

​យ៉ាងហោច​ណាស់​មនុស្ស​ចំនួន​១១​នាក់​បាន​ស្លាប់​និង​២២ នាក់​ផ្សេងទៀត​បាន​រងរបួស ​នៅពេល​អគារ​លំនៅដ្ឋាន​កម្ពស់​៥ ជាន់​បាន​ដួលរលំ​ ដោយ​មាន​ជន​​រងគ្រោះ​ច្រើន​នាក់​ទៀត​នៅ​ជាប់​នៅក្នុង​គំនរ​បាក់បែក​នៃ​អគារ​នោះ​ នៅ​ទីក្រុង​កា​រ៉ា​ជី​ ប្រទេស​ប៉ា​គី​ស្ថាន កាលពី​ថ្ងៃ​ព្រហស្បតិ៍​ទី​០៥ ខែ​មីនា​។​

​ក្រុមមន្ត្រី​បាន​និយាយថា ​ពី​ដំបូង​ឡើយ អគារ​នេះត្រូវបាន​សាងសង់​ជា​អគារ​កម្ពស់​៤​ជាន់ ប៉ុន្តែ​ត្រូវបាន​សង់​មួយ​ជាន់​បន្ថែមទៀត​ប្រហែល​កាល​ពី​មួយ​ឆ្នាំ​កន្លង​​ទៅ​ដោយ​រំលោភ​លើ​ច្បាប់​សាងសង់​។​

​ផ្ទះ​ចំនួន​២​ដែល​នៅ​ជិត​អគារ​នោះ ក៏​បាន​ដួលរលំ​ផងដែរ​។​

​មន្ត្រី​សុខាភិបាល បាន​បញ្ជាក់​អំពី​ចំនួន​អ្នកស្លាប់​នេះ​និង​បាន​ប្រាប់សារព័ត៌មាន​AFP ថា​មនុស្ស​ជាច្រើន​បាន​ជាប់​នៅ​ខាងក្នុង​គំនរ​បាក់បែក ហើយ​ក្រុម​​អ្នក​ជួយ​សង្គ្រោះ​បាន​កំពុង​ព្យាយាម​ចូល​ទៅ​ដល់​ពួកគេ​ដើម្បី​សង្គ្រោះ​ពួកគេ​៕​ប្រែ​សម្រួល​៖​សុខា​/sn/Ha

ក្រុម​អ្នក​សង្គ្រោះ រក​ជនរងគ្រោះ​ដែល​ជាប់​នៅក្នុង​អគារ​ដួលរលំ​នៅ​ទីក្រុង​កា​រ៉ា​ជី​ប្រទេស​ប៉ា​គី​ស្ថាន កាលពី​ថ្ងៃ​ព្រហស្បតិ៍​

អាជ្ញាប័ណ្ណចែកចាយផ្តាច់មុខ