Home កីឡា ខឺ​ទី​ស ចូ​ន ...

ខឺ​ទី​ស ចូ​ន បាន​ហៅ​ការរិះគន់​មកលើ​ក្រុម លី​វឺ​ភូ​ល ថា ជា​រឿង​ឆ្កួត​លីលា​

កីឡាករ ខឺ​ទី​ស ចូ​ន (Curtis Jones) បាន​ហៅ​ការរិះគន់​សំដៅ​មកលើ​ក្រុម លី​វឺ​ភូ​ល​(Liverpool) បន្ទាប់ពី​ធ្វើ​មិន​បានល្អ​ប៉ុន្មាន​ប្រកួត​ចុងក្រោយ​ថា “​ឆ្កួត​”​។​
​ ​
ខ្សែបម្រើ​រូបនេះ​បានលើកឡើង បន្ទាប់ពី​ក្រុម​ហង្ស​ក្រហម​ត្រូវបាន​ទម្លាក់ ចេញពី​ការប្រកួតដណ្តើមពាន FA Cup កាលពី​យប់​ថ្ងៃ​អង្គា​រ៍​ដោយសារ​ក្រុម​ឆេ​ល​ស៊ី ដែល​ធ្វើ​ឲ្យ​ស្ថិតិ​ចាញ់ ក្រុម​របស់លោក យើ​ហ្គេ​ន ក្លប់ (Jurgen Klopp) ឡើងដល់​៤​ប្រកួត​។​
​ ​
​បន្ទាប់ពី​ចាញ់ ២-០ នៅ​ពហុ​កីឡដ្ឋាន Stamford Bridge កីឡាករ​វ័យ​១៩​ឆ្នាំ​រូបនេះ​បាន​និយាយ ថា “​វា​គឺជា​រឿង​ឆ្កួត​លីលា ក្នុងការ​វាយតម្លៃ​ភ្លាមៗ បន្ទាប់ពី​ក្រុម​ទើប​ចាញ់​១​ឬ​២​ប្រកួត​។ គ្រប់គ្នា ចាប់ផ្តើម​និយាយថា មានរឿង​មិន​ប្រក្រតី​ឬថា កីឡាករ​លេង​មិន​បានល្អ​”​។​
​ ​
ចូ​ន បាន​បន្តថា “​ខ្ញុំ​និយាយថា ក្រុម​ល្អ​ទាំងអស់​គេច​មិន​ផុតពី​ការ​ភ្លាត់ ស្នៀត​ទេ​។ ខ្ញុំ​គ្មាន​ការសង្ស័យ​ទេ​ថា កីឡាករ​នឹង​ស្តា​ទម្រង់​លេង​ឡើងវិញ​ហើយនឹង​ធ្វើ​បានល្អ​ក្នុង​២​ឬ​៣​ប្រកួតបន្ទាប់​”​។​
​ ​
ក្រុម Liverpool ធ្វើ​បានល្អ​ខ្លាំង​មែនទែន​នៅ​រដូវ​កាល​នេះ ហើយ​រក្សា​ស្ថិតិ​មិនដែល​ចាញ់​បាន យូរ ទើបតែ​នៅ​ចុង​សប្តាហ៍​មុន នៅពេល​ក្រុម Watford យកឈ្នះ​ពួកគេ ៣-០ ។​
​ ​
មុននេះ ក្រុម Liverpool ចាញ់​ក្រុម Atletico Madrid ១-០ នៅ​ក្របខណ្ឌ​ឆេ​ម ពាន​លី​កនៅប្រទេស​អេ​ស្ប៉ា​ញ ហើយ​បន្ត​ចាញ់​ក្រុម​ឆេ​ល​ស៊ី​នៅ​ក្របខណ្ឌ FA Cup ទៀត​៕ ប្រែ​សម្រួល​: ពិសិដ្ឋ​

កីឡាករ ខឺ​ទី​ស ចូ​ន (Curtis Jones)

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋមន្ត្រីក្រសួង​រ៉ែ និង...

ដោយ​: ទេ​ពក​ង្រី / ខេត្តក...

បើក​លេង​ជល់​មាន់​អាប៉ោង​ភ...

ដោយ​: សុខុម / ស្ទឹងត្រែង​...

រដ្ឋបាល​រាជធានី​ជូនដំណឹង​...

ដោយ​: រ៉ា​ម៉ន / ភ្នំពេញ​:...