បុណ្យ​ទន្លេ​ខេត្តបាត់ដំបង​: រដ្ឋបាលខេត្ត​បែងចែក​ភារកិច្ច​ឱ្យ​មន្ទីរ​ពាក់ព័ន្ធ​ធ្វើ​កិច្ច​ការជំនាញ​របស់ខ្លួន​

ដោយ​: គ្រញូង / បាត់ដំបង​: នៅពេល​បុណ្យ​ទន្លេ​លើក​ទី​៦ ក្នុង​ខេត្តបាត់ដំបង​កាន់តែ​ខិតជិត​មកដល់​រដ្ឋបាល​ខេត្ត បាន​បែងចែក​ភារកិច្ច​ឱ្យ​មន្ទីរ​ពាក់ព័ន្ធ ធ្វើ​កិច្ច​ការជំនាញ​របស់ខ្លួន​ឲ្យ​បានសម្រេច​ជោគជ័យ ក្នុង​ការទទួល​ស្វាគមន៍​សម្តេច​តេ​ជោ ហ៊ុន សែន ប្រមុខ​រាជរដ្ឋាភិបាល និង​សម្តេច​កិត្តិ​ព្រឹទ្ធ​បណ្ឌិត​ប៊ុន រ៉ានី ហ៊ុនសែន ប្រធាន​កាកបាតក្រហមកម្ពុជា ព្រមទាំង​ទាក់ទាញ​ភ្ញៀវ​ជាតិ​និង​ភ្ញៀវ​អន្តរជាតិ ឲ្យ​មក​ទស្សនា​និង​មក​ក​ម្សា​ន​បុណ្យ​ទន្លេ​នេះ ជាង​១​លាន​នាក់ ក្នុង​រយៈពេល​បី​ថ្ងៃ​ចាប់ពី​ថ្ងៃទី​១៣​ដល់​១៥​ខែមីនា​ខាងមុខនេះ​។​

​លោក ងួន រតនៈ អភិបាលខេត្ត​បានធ្វើ​ការបែងចែក​ភារកិច្ច​ឲ្យ​មន្ទីរ​ពាក់ព័ន្ធ​នានា ធ្វើ​កិច្ចការ​របស់ខ្លួន​មានដូចជា​៖ អង្គភាព​អគ្គិសនី​ខេត្ត បានរៀបចំ​តាំង​ភ្លើង​ចម្រុះ​ពណ៌​ក្នុង​ក្រុង​បាត់ដំបង​ដោយ​ដាក់​ភ្លើង​ចម្រុះ​ពណ៌​នៅតាម​ស្ពានថ្ម​ទាំងបី​កន្លែង ដាក់​ភ្លើង​នៅតាម​បណ្តោយ​ផ្លូវ​លេខ​១ កាត់​ទទឹង​ថ្នល់​ហើយ​ពេលយប់ៗ មាន​ក្រុមយុវជន​ទាំង​ហ្វូងៗ និង​ភ្ញៀវ​ជាតិ ភ្ញៀវ​អន្តរជាតិ​នាំ គ្នា​មក​ថតរូប​ទុកជា​អនុស្សាវរីយ៍ និង​ថត​សែ​ល​ហ្វី​ជាដើម​។ ក្រៅពីនេះ នៅតាម​ដើមឈើ​នានា តាម​សួនច្បារ​តាមផ្លូវ​សាធារណៈ និង​តាម​សណ្ឋាគារ ផ្ទះសំណាក់ ភោជនីយដ្ឋាន ក៏មាន​ដាក់​ភ្លើង​លម្អ​ដែរ​។ ចំណែក​ស្តង់​ពិព័រណ៍ គី​ខាង​នាយកដ្ឋាន​ផ្សព្វផ្សាយ​ក្រសួងទេសចរណ៍ សហការ​ជាមួយ​មន្ទីរ​ទេសចរណ៍ និង​សាលាក្រុង​ជា​អ្នករៀបចំ​មាន​ចំនួន​ទាំងអស់​ជិត​៧០០​ស្តង់ ក្នុងនោះ ស្តង់​ចំនួន​១១០​ស្តង់​ដាក់​តាំងពី​ស្តុ​ប​មុខ​សាលាខេត្ត រហូតដល់​ផ្សារ​រាត្រី​ក្រុង​បាត់ដំបង​។ តំបន់ B ចាប់ពី​គល់ស្ពាន​សម្តេច ស ខេង រហូតដល់​តំបន់​បណ្តែតទូក​។ តំបន់ A ជា​ស្តង់​ពិសេស​សម្រាប់​តាំងពិព័រណ៍​ផលិតផល​ក្នុង​ខេត្ត (​កសិឧស្សាហកម្ម ផលិតផល​របស់​សហ​គម​ន៍​ល្បីឈ្មោះ សហគ្រាស​ធ្ន​តូច​និង​មធ្យម​។ ផលិតផល​សម្រាប់​នាំចេញ​ទៅ​ក្រៅប្រទេស ផលិតផល​ម្ហូបអាហារ​ខ្មែរ នៅ​អម​សងខាង​ផ្លូវភ្លោះ​ដើម​ពោធិ​នាគ​បាញ់​ទឹក​។ ស្តង់ C មាន​ចំនួន​២០០​ស្តង់ រៀបចំ​នៅ​តំបន់​ទីលាន​បាល់ទាត់​វាល​បែក​ចាន​។ ដោយឡែក​វិថី​ម្ហូបអាហារ​មាន​៨១ ស្តង់​ចាប់ពី​គល់ស្ពាន​សខេង ដល់​ផ្សារ​រាត្រី​។ ចំ​ណៃ​ក​ព្រឹត្តិការណ៍​កីឡា​មាន​ច្រើន​ប្រភេទ​ដូចជា រត់ប្រណាំង​ពី​៣​ទៅ​៥​គីឡូ​ម៉េ​ត្រ កីឡា​ជិះ​កង់​១៨​គីឡូម៉ែត្រ​ពីមុខ​សាលាខេត្ត ទៅកាន់​ប្រាសាទ​បាណន់ (​កន្លែង​ឡូរី​ជើងភ្នំ​បាណន់​) កីឡាបាល់ទាត់​បុរស នារី កីឡាបាល់ទះ​បុរស នារី កីឡា​ប៉េតង់​បុរស នារី កីឡាប្រដាល់​ក្បាច់គុណ​បុរាណ​ខ្មែរ ថៃ​និង​ចិន​សៅ​លិញ​ផងដែរ​។​កីឡា​ចំបាប់ កីឡា​ទាញព្រ័ត្រ កីឡាបាល់ទះ​បុរស នារី​​លើ​វាល​ខ្សាច់​នៅ​បរិវេណ​វិទ្យាល័យ​នេ​ត​យ៉ង់​។​នៅ​វាល​បែក​ចាន​សម្តេច​ស ខេង​ ​បានអនុញ្ញាត​ឲ្យ​ក្រុម​តន្ត្រី​ភុំ ឃុ​យ​អ្នក​នៅ​ខេត្ត​សុ​រិ​ន​ប្រទេស​ថៃ​មក​ច្រៀង​រំ​ល​រង​ឲ្យ​ប្រជាពលរដ្ឋ​មើល​កម្សាន្ត​រយៈពេល​បី​ថ្ងៃ​។ មាន​ក្រុម​តន្ត្រី​ក្នុង​ខេត្ត និង​មាន​ក្រុម​តន្ត្រី​យក្ស​របស់​ក្រុមហ៊ុន​លី​អូ​មកលេង និង​ក្រុម​តន្ត្រី​ជនពិការ​សុំ​ដាក់​នៅ​វេទិកា​បុណ្យអុំទូក សម្រាប់​រក​ថវិកា​ចិញ្ចឹម​ក្រុម​ជនពិការ​ដោយ​ខ្លួនឯង​។​

​ចំណែក​ទីតាំង​ដាំ​កូនឈើ​មាន​ពីរ​ទី​តាំ​ងះ​ទី​តាំងទី​១ នៅ​សួនច្បារ​សម្តេច​ក្រឡាហោម ស ខេង ត្រើយ​ខាងកើត​ស្ទឹង​សង្កែ ឈមមុខ​នាគ​បាញ់​ទឹក និង​ទី​តាំងទី​២ នៅ​បឹង​កស្សិណ​នៅ​ប្រាសាទឯកភ្នំ​ក្នុងស្រុក​ឯក​ភ្នុំ​។​

​លោក​អភិបាលខេត្ត បាន​បញ្ជាក់ថា ទាំងនេះ គឺ​រដ្ឋបាលខេត្ត​បានរៀបចំ ដើម្បី​ឲ្យ​ប្រជាពលរដ្ឋ​ងាយស្រួល ដើម្បី​កុំ​ឲ្យ​កកស្ទះ​ចរាចរណ៍​។ ទីតាំង​ពិសេស​ជាងគេ ដែល​ខានមិនបាន គឺ​បន្ទប់​អនាម័យ​(​កន្លែង​បន្ទោរ​បង់តូច ធំ​)​នៅ​អតីត​ណ្ឌ​ល​
​កីឡដ្ឋាន​ប្រដាល់​ខាងក្រោយ​ដើម​ពោធិ៍ ទីតាំង​វត្ត​ដំរី​ស ទីតាំង​ភោជនីយដ្ឋាន​ឌឹ​រី​វឺ ទីតាំង​ចំណតទូក ទីតាំង​ផ្សារ​រាត្រី​ក្រុង​បាត់ដំបង និង​ទីតាំង​សួនច្បារ​សម្តេច​ស ខេង​និង​មាន​ទីតាំង​បន្ទប់​អនាម័យ VIP មាន​បី​កន្លែង​ទៀត​៕ ល​

ទីតាំងផ្សាយពាណិជ្ជកម្ម

- Advertisment -

Most Popular

រោងភាពយន្ត លេ​ជិន ផ្អាក​ប...

​ដោយៈ សុផល / ភ្នំពេញៈ រោង...

ក្រោយ​ការធ្វើ​តេស្ត​ជំងឺ​...

​ដោយ​៖ ទេព មង្គល / ភ្នំពេ...

ថ្នាក់ដឹកនាំ​និង​មន្ត្រី​...

ដោយៈ​ដេប៉ូ​/​ភ្នំពេញៈ​ថ្ន...

ក្រសួង​អប់រំ​ប្រកាស​ផ្អាក...

​ដោយ​:​សុផល​/​ភ្នំពេញៈ​ដើ...