ដោយ: តារារិទ្ធ / ភ្នំពេញ: ព្រឹកថ្ងៃទី៦ ខែមីនានេះ សម្ដេចអគ្គមហាសេនាបតីតេជោ ហ៊ុន សែន បានអញ្ជើញចូលរួមក្នុងពិធីអបអរសាទរទិវាអន្តរជាតិនារី៨ មីនា ខួបលើកទី១០៩ ឆ្នាំ ២០២០ នៅកោះពេជ្រ។
ក្រសួងកិច្ចការនារី សហការជាមួយ ក្រសួង ស្ថាប័នពាក់ព័ន្ធ អង្គការសង្គមដៃគូអភិវឌ្ឍន៍ វិស័យឯកជន រួមទាំងបណ្តាញផ្សព្ធផ្សាយនឹងរៀបចំពិធីអបអរសាទរទិវាអន្តរ ជាតិនារី៨ មីនា ខួបលើកទី១០៩ ក្រោមប្រធានបទ “មានសន្តិភាព មានការលើកកម្ពស់សមភាពយេនឌ័រ” ក្នុងគោលបំណងបន្តរំលេចពីតម្លៃដែលមិនអាចកាត់ថ្លៃបាននៃសន្តិភាព។ ដោយសារសន្តិភាពនេះហើយ បានធ្វើឲ្យសមភាពយេនឌ័រត្រូវបានលើកកម្ពស់ជាបន្តបន្ទាប់ប្រកបដោយលទ្ធផលជាវិជ្ជមានគួរឲ្យកត់សម្គាល់៕ ល/Ha
