Home ព័ត៌មានអន្តរជាតិ អ៊ីរ៉ង់​ចោទប្...

អ៊ីរ៉ង់​ចោទប្រកាន់ថា ការផ្ទុះ​ជម្ងឺឆ្លង​បច្ចុប្បន្ន​អាច​ជា​ការវាយប្រហារ​ដោយ​អាវុធ​ជីវសាស្ត្រ​របស់​អាម៉េរិក​ប្រឆាំង​ចិន​និង​អ៊ីរ៉ង់​

​ប្រមុខ​កង​ឆ្មាំ​បដិវត្តន៍​អ៊ីរ៉ង់ កាលពី​ថ្ងៃ​ព្រហស្បតិ៍​ទី​០៥​មីនា​បាន​ធ្វើ​ការអះអាង​ថា ការផ្ទុះ​កូរ៉ូណា​វីរុស​នា​ពេលប​ច្ចុ​ប្បន្ន អាច​ជា​ការវាយប្រហារ​អាវុធ​ជីវសាស្ត្រ​​មួយ​ដោយ​សហរដ្ឋ​អាម៉េរិក​ប្រឆាំង​ចិន​និង​អ៊ីរ៉ង់​។​

​ហូ​ស​សេន សាឡា​មី បាន​ប្រាប់​ហ្វូង​មនុស្ស​នៅ​ក្រុង​កឺ​ម៉ាន់​ថា ការផ្ទុះ​វីរុស​ឆ្លង​បច្ចុប្បន្ន ដែល​បង្ក​ភយន្តរាយ​នៅ​អ៊ីរ៉ង់ អាច​ជា​ផល​នៃ​ការឈ្លានពាន​របស់​អាម៉េរិក​​លើ​ចិន​និង​អ៊ីរ៉ង់​។​

​លោក​បាន​ប្រកាសថា «​យើង​នឹង​ឈ្នះ​នៅ​ក្នុង​សង្គ្រាម​ប្រឆាំង​នឹង​វីរុស​ដែល​បាន​ផ្ទុះឡើង​ដំបូង​នៅ​ចិន និង​បន្ទាប់មក​នៅ​អ៊ីរ៉ង់ ព្រមទាំង​ផ្នែក​ផ្សេង​ទៀត​នៃ​ពិភព​​លោក​»​។​

​ទោះជា​យ៉ាងណា មិន​មាន​ភស្តុតាង​ដើម្បី​គាំទ្រ​ទ្រឹស្តី​របស់​លោក​អំពី​វីរុស ដែល​ពួក​អ្នកវិទ្យាសាស្ត្រ​ជឿថា​បាន​ឆ្លង​ពី​សត្វ​មក​មនុស្ស​នៅ​ចិន​កាលពី​ចុងឆ្នាំ​មុន​។​

​ទោះជា​យ៉ាង​ដូច្នេះ​ក្តី ពួក​អ្នកវិទ្យាសាស្ត្រ​ក៏​នៅ​មិន​ទាន់​កំណត់​ប្រភពដើម​នៃ​កូរ៉ូណា​វីរុស​ថ្មី​ហៅ​Covid-19​នេះ​អោយបាន​ពិតប្រាកដ​នៅឡើយ​ទេ ទោះ​ជា​មនុស្ស​​ជាច្រើន ចង្អុល​ទៅកាន់​ផ្សារ​លក់​សត្វព្រៃ​មួយ​នៅ​ក្រុង​វូ​ហាន ក្នុង​ខេត្ត​ហ៊ូ​ប៉ី របស់​ចិន​។​

​ប្រមុខ​ការពារ​ស៊ីវិល​អ៊ីរ៉ង់​លោក​ហ្គោឡា​ម រេ​ហ្សា ចា​ឡា​លី ក៏បាន​លើកឡើង​ស្រដៀង​គ្នា កាលពី​ថ្ងៃ​អង្គារ ដោយ​លោក​និយាយថា ការផ្ទុះ​ជម្ងឺឆ្លង​នេះ​ជា​ការ​វាយ​ប្រ​​ហារ​ដោយ​អាវុធ​ជីវសាស្ត្រ​ប្រឆាំង​ចិន​និង​អ៊ីរ៉ង់ ក្នុង​បំណង​បង្កើន​ការភ័យខ្លាច​និង​ជ្រួលច្របល់​ក្នុងចំណោម​ប្រជាជន និង​បំផ្លាញ​សេដ្ឋកិច្ច​។​

​ការចោទប្រកាន់​អាម៉េរិក​នេះ​បាន​កើតឡើង​មួយ​ថ្ងៃ​ក្រោយពី​ទីប្រឹក្សា​រដ្ឋមន្ត្រី​ក្រសួង​ការបរទេស​អ៊ីរ៉ង់​ម្នាក់​ស្លាប់​ដោយ​Covid-19​។​សមាជិក​សភា​អ៊ីរ៉ង់​ម្នាក់​ក៏​បាន​​និយាយថា សមាជិក​សភា​អ៊ីរ៉ង់​ដល់​ទៅ​២៣​នាក់​បាន​ឆ្លង​កូរ៉ូណា​វីរុស​។​

​អ៊ីរ៉ង់​កាលពី​ថ្ងៃ​ព្រហស្បតិ៍​បាន​ប្រកាស​មនុស្ស​ស្លាប់​ដោយ​វីរុស​នេះ​ចំនួន​១៥​នាក់​ទៀត ដែល​នាំ​អោយ​ចំនួន​មនុស្ស​ស្លាប់​សរុប​កើន​ដល់​១០៧​នាក់ ជា​ចំនួន​ស្លាប់​​ច្រើន​បំផុទី​៣ បន្ទាប់​ពី​ចិន​និង​អ៊ីតាលី​៕​ប្រែ​សម្រួល​៖​វាសនា​

ហូ​ស​សេន សាឡា​មី ប្រធាន​កង​ឆ្មាំ​បដិវត្តន៍​អ៊ីរ៉ង់ អះអាង​ថា​ការផ្ទុះ​ជម្ងឺឆ្លង​សព្វថ្ងៃ​ជា​ការវាយប្រហារ​របស់​អាម៉េរិក​

ទីតាំងផ្សាយពាណិជ្ជកម្ម

- Advertisment -

Most Popular

យី ធា អតីត​ពេទ្យ​ខ្មែរក្រ...

​ហ៊ាន ពិសី​៖ អ្នកស្រា...

ហេដ្ឋារចនាសម្ព័ន្ធ​ធារាសា...

ដោយៈ​ប​.​ខុន​/​ភ្នំពេញៈ​រ...

ព្រឹត្តិការណ៍​ជាតិ​សំខាន់...

ដោយ​: ម៉េង​ឆៃ​/ ភ្នំពេញ​:...

បន្ទាប់ពី​រកឃើញ​កូ​វីដ​១៩...

ដោយៈ​មុនី​រ័ត្ន​,គូលែន/​ភ...