Home ព័ត៌មានអន្តរជាតិ លោក ត្រាំ និយ...

លោក ត្រាំ និយាយថា សេដ្ឋកិច្ច​អាម៉េរិក​អាច​រង​ផល​ប៉ះពាល់​ពី​វីរុស​COVID-19

​ប្រធានាធិបតី​អាម៉េរិក លោក​ដូណាល់​ត្រាំ បាន​និយាយ​កាលពី​ថ្ងៃ​ព្រហស្បតិ៍​ទី​៥ ខែ​មីនា​ថា​សេដ្ឋកិច្ច​អាម៉េរិក​អាច​នឹងរង​ផល​ប៉ះពាល់​ពី​ការ​ផ្ទុះឡើង​នៃ​វីរុស​COVID-19 នេះ​ប៉ុន្តែ​លោក​បាន​ព្យាករណ៍​ថា​បញ្ហា​ប្រឈម​នេះ​នឹង​កន្លងផុតទៅ​នៅ​ទីបំផុត​នោះ​និង​បាន​ថ្លែង​ការពារ​ការដោះស្រាយ​រប​ស់លោក​ចំពោះ​វិបត្តិ​នេះ​។​

​លោក ដូ​ណា​ល់ ត្រាំ​បាន​បង្ហាញខ្លួន​នៅក្នុង​ការជួបជុំ​មួយ​ក្នុងអំឡុង​ឃោសនាបោះឆ្នោត​ឆ្នាំ​២០២០ ដែល​ជា​ព្រឹត្តិការណ៍​មួយ​ដែល​ផ្សព្វផ្សាយ​ដោយ​សារព័ត៌មាន​Fox News Channel នៅ​ចំពោះ​មុន​ពេល​ហ្វូងមនុស្ស​ច្រើន​នៅ ទីក្រុង​ស្គែ​ន​ថុ​ន ក្នុង​រដ្ឋ​ផេន​ស៊ីល​វ៉ានៀ ។​

​ក្នុង​អំឡុងពេល​នៃ​កម្មវិធី​នោះ លោក ដូ​ណា​ល់​ត្រាំ​មាន​ការព្រួយបារម្ភ​ខ្លាំង​ទៅលើ​ការប្រកួតប្រជែង​ជាមួយ​បេក្ខជន​មកពី​គណបក្ស​ប្រជាធិបតេយ្យ​នៅ​ក្នុងការ​​បោះឆ្នោត​នៅ​ថ្ងៃទី​០៣​ខែ​វិច្ឆិកា​និង​បាន​ច្រានចោល​ការលើកឡើង​ដែលថា របៀប​ដឹកនាំ​ប្រឆាំង​គំនិត​ផ្ទុយ​ខ្លួន​នោះ ធ្វើឱ្យ​មាន​ការបែកបាក់​ខ្លាំង​ឡើង​ក្នុង​​សង្គម​ន​យោ​យ​បាយ​របស់​អាម៉េរិក​។​

​ការឆ្លង​រីក​រាលដាល​នៃ​វីរុស​នេះ​បាន​នាំឱ្យ​មាន​ការធ្លាក់ចុះ​យ៉ាង​ខ្លាំង​នៅក្នុង​ទីផ្សារ​ភាគហ៊ុន​និង​ធ្វើឱ្យមាន​ការព្រួយបារម្ភ​ចំពោះ​ការធ្លាក់ចុះ​នៃ​សេដ្ឋកិច្ច​ខណៈដែល​ប្រធានាធិបតី​មកពី​គណបក្ស សាធារណរដ្ឋ​នេះ​បាន​ស្នើ​ឱ្យ​ប្រជាជន​អាម៉េរិក​ផ្តល់​ការគាំទ្រ​សម្រាប់​អាណត្តិ​ទី​២​។​

​នៅពេល​ត្រូវ​បាន​សួរថា​តើ​ការ​ផ្ទុះ​ឡើង​នៃ​វីរុស​នេះ​ប៉ះពាល់​ដល់​សេដ្ឋកិច្ច​ឬ​អត់​នោះ​លោក​ដូណាល់​ត្រាំ​បាន​និយាយថា​”​វា​ប្រាកដជា​មាន​ផលប៉ះពាល់​។ នៅពេល​​ជាមួយគ្នា​នេះ​ខ្ញុំ​ត្រូវ​និយាយ​ថា​ឥឡូវ​នេះ​ប្រជាជន​កំពុងស្ថិត​នៅ​សហរដ្ឋ​អាម៉េរិក​ដោយ​ចំណាយ​ប្រាក់​របស់​ពួកគេ​នៅ​សហរដ្ឋ​អាម៉េរិក​ហើយ​ខ្ញុំ​ចូល​ចិត្ត​បែប​នោះ​”​។ ​លោក​បាន​និយាយថា ” អ្វី​ទាំងអស់ នឹង​ដំណើរការ​។ មនុស្ស​គ្រប់គ្នា​ត្រូវតែ​ស្ងប់ចិត្ត​។ យើង​មាន​ផែនការ​សម្រាប់​គ្រប់​លទ្ធភាព​ទាំងអស់​ហើយ​ខ្ញុំ​គិតថា​នោះ​ជា​​អ្វី​ដែល​យើង​ត្រូវធ្វើ​។ យើង​សង្ឃឹមថា វា​នឹង​មិន​មាន​រយៈពេល​យូរ​ទេ​”​។​

​លោក ដូ​ណា​ល់ ត្រាំ​បានបញ្ជាក់​ជា​ថ្មី​នូវ​ការអះអាង​របស់​លោក​ថា​ការ​រឹតត្បិត​ការ​ធ្វើ​ដំណើរ​ដែល​លោក​បាន​ដាក់​លើ​ប្រទេស​ចិន​កាលពី​ពេលមុន​ដោយសារ​វិបត្តិ​​នេះ បាន​ជួយ​បន្ថយ​កម្រិត​នៃ​ការ​ផ្ទុះឡើង​នៃ​វីរុស​នេះ​នៅ​សហរដ្ឋ​អាម៉េរិក​។

​ចំនួន​អ្នក​ស្លាប់​នៅ​សហរដ្ឋអាមេរិក​ដោយសា​រ​វីរុស​នេះ​បាន​កើនឡើង​ដល់​១២ នាក់​កាលពី​ថ្ងៃ​ព្រហស្បតិ៍ ហើយ​ករណី​ឆ្លង​ថ្មី​ចំនួន ៥៣​បាន​ផ្ទុះឡើង​នៅ​ទូទាំង​​ប្រទេស​នេះ​៕​ប្រែ​សម្រួល​៖​សុខា​/sn

លោក ដូ​ណា​ល់ ត្រាំ ថ្លែង​នៅ​ការជួបជុំ​មួយ នៅ​ទីក្រុង​ស្គែ​ន​ថុ​ន​កាលពី​ថ្ងៃ​ព្រហស្បតិ៍​

ទីតាំងផ្សាយពាណិជ្ជកម្ម

- Advertisment -

Most Popular