​ទិវា​ជាតិ​អំ​ណាន​នា​ឆ្នាំនេះ​រំពឹងថា​នឹងមាន​យុវជន​ចូលរួម​ទស្សនា​៤-៥​ម៉ឺន​នាក់​

​ដោយ​៖​ដេប៉ូ​/​ភ្នំពេញ​៖​ការ​បំផុស​ឱ្យ​សិស្សានុសិស្ស​យុវជន​និង​ពលរដ្ឋ​ចាប់ផ្តើម​អាន​សៀវភៅ​គឺជា​យន្តការ​ដ៏​សំខាន់​មួយ​ដែល​កំពុងស្ថិត​ក្នុងការ​យកចិត្តទុកដាក់​រប​ស់​ក្រសួង​អប់រំ​និង​ក៏ដូចជា​ស្ថាប័ន​ពាក់ព័ន្ធ​ក្នុង​វិស័យ​អប់រំ​។​ទិវា​ជាតិ​អំ​ណាន​លើក​ទី​៥​នា​ឆ្នាំ​២០២០​នេះ​បានចាប់ផ្តើម​ហើយ​កាលពី​ព្រឹក​ថ្ងៃទី​៦​ខែមីនា​ឆ្នាំ​២០២០​នៅ​វិទ្យាស្ថាន​បច្ចេកវិទ្យា​កម្ពុជា​ឫ​ហៅថា សាលា​តិច​ណូ​។

​សម្រាប់​ទិវា​ជាតិ​អំ​ណាន​ឆ្នាំ​នេះដែរ​រៀបចំឡើង​ក្រោម​ប្រធានបទ «​ការអាន​បណ្ដុះ​បញ្ញា ការស្រាវជ្រាវ និង​ន​វា​នុ​វត្ដ​ន៍​»​ដោយមាន​រយៈពេល​បី​ថ្ងៃ​ចាប់ពី​ថ្ងៃទី​៦​ដល់​ថ្ងៃទី​៨​ខែមីនា​ឆ្នាំ​២០២០​នេះ​។​ថ្លែង​បញ្ជាក់ប្រាប់​បណ្តាញសារព័ត៌មាន​ក្នុង​ពិធី​សម្ពោធ​ដាក់ឱ្យ​ដំណើរការ​ទិវា​ជាតិ​អំ​ណាន​លើក​ទី​៥​នេះដែរ​លោក​ហង់​ជួនណា​រ៉ុ​ន​រដ្ឋមន្ដ្រីក្រសួង​អប់រំ​យុវជន​និង​កីឡា​រំពឹងថា​នឹងមាន​យុវជន​ចូលរួម​ក្នុង​ចន្លោះ​ពី​៤​ទៅ​៥​ម៉ឺន​នាក់​។​

លោក​រដ្ឋមន្ត្រី​បាន​អះអាងថា​“​ក្នុង​ទិវា​ជាតិ​អំ​ណាន​នា​ឆ្នាំនេះ​សង្ឃឹមថា​មាន​យុវជន​ចន្លោះ​ពី​៤​ទៅ​៥​ម៉ឺន​នាក់​នឹងចូលរួម​ក្នុង​ពិព័រណ៍​សៀវភៅ​និង​ទិវា​ជាតិ​អំ​ណាន​នេះ​។​យុវជន​យើង​មួយចំនួន​បាន​ចាប់អារម្មណ៍​ការអាន​កាន់តែ​ច្រើនឡើង​”​។​ជាមួយគ្នានេះ​លោក​ហង់​ជួនណា​រ៉ុ​ន​បានលើកឡើង​ថា​ទិវា​ជាតិ​អំ​ណាន​នេះ​ធ្វើឡើង​ក្នុង​គោលបំណង​ផ្សព្វផ្សាយ​ដល់​សា​ធាណ​ជន​និង​អ្នកពាក់ព័ន្ធ​ទាំងអស់​ចូលរួម​គាំទ្រ​ដើម្បី​បណ្តុះ​ទម្លាប់​អាន ជំរុញ​វប្បធម៌​អាន និង​លើកកម្ពស់​ការអាន និង​តែង​និពន្ធ​នៅ​កម្ពុជា​។​

​គួរ​បញ្ជាក់ថា​ក្នុង​ទី​វា​អំ​ណាន​ជាតិ​លើក​ទី​៥​ដែល​នឹងត្រូវ​រៀបចំឡើង​នា​ថ្ងៃទី​១១​ខែមីនា​ឆ្នាំ​២០២០​ខាងមុខនេះ​ក៏​នឹងមាន​រៀបចំ​ពិធី​ប្រកួតប្រជែង​និង​ប្រកាស​លទ្ធផល​ជ័យលាភី​លើ​វិញ្ញាសារ​អាន​អត្ថបទ ការ​ស្មូត​កំណាព្យ​និង​ការ​តែង​និពន្ធ​ជាដើម​។​ក្រៅពីនេះ​ក៏មាន​ការ​សិក្ខាសាលា​ស្តីពី​”​អំ​ណាន​ដំបូង​”​និង​សិក្ខាសាលារ​ស្តីពី​ការគ្រប់គ្រង​បណ្តា​ល័យ​និង​ផ្សព្វផ្សាយ​បណ្តា​ល័យ​ដោយមាន​ការចូលរួម​ពី​គណៈប្រតិភូ​រាជធានី​ខេត្ត​ទាំង​២៥ ស្ថាប័ន​ពាក់ព័ន្ធ និង​ដៃគូរ​អភិវឌ្ឍន៍​នានា​ថែមទៀត​៕S/

​ស្តង់​សៀវភៅ​និង​យុវជន​ស្រឡាញ់​ការអាន​នៅ​វិទ្យាស្ថាន​បច្ចេកវិទ្យា​កម្ពុជា​

ទីតាំងផ្សាយពាណិជ្ជកម្ម

- Advertisment -

Most Popular

ដាក់លក់​ឈើ​ដូច​ផ្សារ​ត្រី...

ដោយៈ សុខុម / ស្ទឹងត្រែង​:...

គ្រូពេទ្យនឹងចុះទៅយកវត្ថុស...

ដោយៈ​មុនី​រ័ត្ន​/​ភ្នំពេញ...

ក្រសួង​អប់រំ លើក​ពេល​ប្រក...

​ដោយៈ ដេប៉ូ / ភ្នំពេញៈ ដើ...

សមត្ថកិច្ច ឲ្យ​ស្ត្រី​ម្ន...

ដោយៈ ស​រិ​ទ្ធ / បាត់ដំបងៈ...