ដោយ:ពៅនិមល/ភ្នំពេញ:នៅទីស្តីការក្រសួងកាលពីព្រឹកថ្ងៃទី៦ខែមីនាឆ្នាំ២០២០នេះនាយកដ្ឋាននីតិកម្មនៃក្រសួងពាណិជ្ជកម្មបានរៀបចំសិក្ខាសាលាផ្សព្វផ្សាយច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិកឬអ៊ីខមមើស(ECommerce)។ជូនដល់វិស័យឯកជនដោយមានការចូលរួមពីតំណាងគ្រឹះស្ថានហិរញ្ញវត្ថុ សហគ្រាសធុនតូចនិងមធ្យម(SME)ពាណិជ្ជករអាជីវករនិងក្រុមហ៊ុនឯកជននានាជិត ១០០នាក់។
ក្នុងសិក្ខាសាលានេះលោកសុខសុភ័ក្ត្ររដ្ឋលេខាធិការក្រសួងពាណិជ្ជកម្មនិងជាប្រធានអនុគណៈកម្មការរៀបចំបទប្បញ្ញត្តិសម្រាប់អនុវត្តច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិក បានលើកឡើងថា ៖រៀបចំឡើងក្នុងគោលបំណងបញ្ជ្រាបនូវការយល់ដឹងច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិកឱ្យបានទូលំទូលាយដល់វិស័យឯកជន។ ជាពិសេសបុគ្គលដែលពាក់ព័ន្ធនឹងពាណិជ្ជកម្មតាមប្រព័ន្ធ អេឡិចត្រូនិកដូចជាក្រុមហ៊ុនផ្តល់សេវាកម្មអ៊ិនធឺណិតគ្រឹះស្ថានធនាគារនិងក្រុមហ៊ុនផ្តល់សេវាទូទាត់ប្រាក់តាមប្រព័ន្ធអេឡិចត្រូនិក ក្រុមហ៊ុនដឹកជញ្ជូន និងបុគ្គលពាក់ព័ន្ធសំខាន់ៗផ្សេងទៀត។
លោកបានឱ្យដឹងទៀតថាក្រៅអំពីការផ្សព្វផ្សាយខ្លឹមសារទូទៅនៃច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិកសិក្ខាសាលានេះក៏មានការអញ្ជើញចូលរួមធ្វើបទបង្ហាញពីវាគ្មិនតំណាងក្រសួងប្រៃសណីយ៍និងទូរគមនាគមន៍ស្តីពីកំណត់ត្រាអេឡិចត្រូនិក។ហត្ថលេខាអេឡិចត្រូនិក តំណាងធនាគារជាតិនៃកម្ពុជា ស្តីពីការទូទាត់/ការផ្ទេរប្រាក់តាមប្រព័ន្ធអេឡិចត្រូនិកនិងតំណាងអគ្គនាយកដ្ឋាពន្ធដារស្តីពីកាតព្វកិច្ចពន្ធ និងការលើកទឹកចិត្តសម្រាប់ SME។
លោករដ្ឋលេខាធិការបានបញ្ជាក់ថាដើម្បីអនុវត្តច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិកនេះឱ្យមានប្រសិទ្ធភាពក្រសួងពាណិជ្ជកម្មបាននឹងកំពុងរៀបចំនូវអនុក្រឹត្យស្តីពីការអនុវត្តច្បាប់នេះដែលនឹងកំណត់អំពីការលើកលែងការកំណត់ប្រភេទអាជ្ញាបណ្ណបែបបទ។នីតិវិធីនៃការផ្តល់ការអនុញ្ញាតឬអាជ្ញាបណ្ណនិងប្រកាសរួមជាមួយនឹងក្រសួងប្រៃសណីយ៍និងទូរគមនាគមន៍ស្តីពីក្រមសីលធម៌វិជ្ជាជីវៈសម្រាប់អន្តរការី និងបុគ្គលផ្តល់សេវាពាណិជ្ជកម្មតាមប្រព័ន្ធអេឡិចត្រូនិក។
លោកមានជំនឿថាសិក្ខាសាលាខាងលើនឹងជម្រុញនូវការយល់ដឹងអំពីសិទ្ធិកាតព្វកិច្ចនិងការទទួលខុសត្រូវរបស់គ្រឹះស្ថានក្រុមហ៊ុននិងសហគ្រាសក្នុងការចូលរួមអនុវត្តច្បាប់និងបទប្បញ្ញតិពាក់ព័ន្ធនឹងពាណិជ្ជកម្មតាមប្រព័ន្ធអេឡិចត្រូនិក នៅពេលដែលច្បាប់នេះចូលជាធរមាន។
សូមបញ្ជាក់ថាច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិក(ECommerce)នៅពេលដាក់ឱ្យអនុវត្តមជាផ្លូវការគឺជារឿងល្អបំផុតសម្រាប់អ្នកធ្វើអាជីវកម្មនានា។ជាពិសេសអ្នកអាជីវកម្មដែលមានក្រុមហ៊ុនត្រឹមត្រូវនិងច្បាស់លាស់គឺអាចប្រើប្រាស់បានទាំងការលក់និងការទិញដោយភាពទំនួលខុសត្រូវ។ព្រោះថាប្រជាពលរដ្ឋមួយចំនួនមិនបានយល់ដឹងច្រើនឡើយទៅលើផលិតផលមិនមានការចុះបញ្ជីការតាមផ្លូវច្បាប់ឬអត់។
ប៉ុន្តែក្រោយច្បាប់ខាងលើគ្រោងនឹងដាក់ឱ្យអនុវត្តជាផ្លូវការនៅក្នុងប្រទេសកម្ពុជានោះគ្រប់ផលិតផលទាំងអស់នោះនឹងមានការចុះបញ្ជីយ៉ាងត្រឹមត្រូវជាក់ជាមិនខាន៕S/
