ក្រុម អាត្លេទីកូ ម៉ាឌ្រីត (Atletico Madrid) កំពុងតាមប្រមាញ់ខ្សែបម្រើ អ៊ីវ៉ាន រ៉ាគីទិក (Ivan Rakitic) របស់ក្លិបបាសេឡូណា (Barcelona) ដែលគ្រោងនឹងចប់កិច្ចសន្យានៅដំណាច់ រដូវកាលនេះ។
រ៉ាគីទិក បានព្រលយពាក្យពីមុនថា ចង់ចាកចេញពីពហុកីឡដ្ឋាន Nou Campបន្ទាប់ពីចំណាយពេលលេងអស់៦ឆ្នាំជាមួយក្លិបនេះ នៅពេលណាចប់កិច្ចសន្យា។
មានក្លឹបជាច្រើនចាប់អារម្មណ៍នឹងកីឡាករ រ៉ាគីទិក ប៉ុន្តែក្លិប Atletico ទំនងជាត្រៀមបង្កើនចំណាប់អារម្មណ៍លើកីឡាកររូបនេះ។
សេចក្តីរាយការណ៍នៅអេស្ប៉ាញលើកឡើងថាខ្សែបម្រើវ័យ៣១ឆ្នាំត្រៀមពិចារណាផ្ទេរ ចេញទៅក្លិប Atletico Madrid ។ តំណាងរបស់ រ៉ាគីទិក បានទាក់ទងជាមួយក្លិប Atletico ចាប់តាំងពីឆ្នាំមុន។
ក្លិប Atletico ក៏ប្រឈមនឹងការប្រជែងពីក្លឹបម៉េនឆេស្ទ័រ យូណាយធីតផងដែរដែលចាប់អារម្មណ៍ លើកីឡាកររូបនេះមួយរយៈមកហើយ។
ទោះបីជាយ៉ាងណា មានសេចក្តីរាយការណ៍ថា រ៉ាគីទិក ចង់នៅអេស្ប៉ាញបន្តទៀតដែលអាច ជាសម្ពាធសម្រាប់ក្រុមយូណាយធីត ៕ ប្រែសម្រួល: ពិសិដ្ឋ
