Home ព័ត៌មានអន្តរជាតិ មនុស្ស​៣២​នាក...

មនុស្ស​៣២​នាក់​ត្រូវបាន​សម្លាប់​​ក្នុងការវាយប្រហារ​ទៅលើ​ការជួបជុំ​នយោបាយ​មួយ​នៅ​អា​ហ្វ​ហ្គានី​ស្ថាន​

​មនុស្ស​៣២​នាក់​ត្រូវបាន​សម្លាប់​នៅពេល​ដែល​ក្រុម​ជនប្រដាប់អាវុធ​បាន​បើក​ការបាញ់ប្រហារ​ទៅលើ​ការជួបជុំ​នយោបាយ​មួយ​នៅ​ទីក្រុង​ក្រុង​កា​ប៊ុល ប្រទេស​​អា​ហ្វ​ហ្គានី​ស្ថាន កាលពី​ថ្ងៃ​សុក្រ​ទី​៦​មីនា ដែល​ជា​ការវាយប្រហារ​ដ៏​សាហាវ​បំផុត​ចាប់តាំងពី​សហរដ្ឋ​អាម៉េរិក​បាន​ចុះហត្ថលេខា​លើ​កិច្ចព្រមព្រៀង​ដក​កងទ័ព​ចេញ​ជា​ក្រុម​តា​លី​បង់​។​

​ការវាយប្រហារ ដែល​អះអាង​ទទួលខុសត្រូវ​ដោយ​ក្រុម​រដ្ឋ​អ៊ីស្លាម​នេះ បាន​បង្ហាញ​អំពី​កង្វះ​សន្តិសុខ​ដែល​កំពុង​កើតឡើង​នៅ​ទីក្រុង​កា​ប៊ុល​គឺ​រយៈពេល​តែ​១៤ ខែ នៅ​មុន​ពេល​ការ​ដកទ័ព​បរទេស​ចេញ​តាម​ការគ្រោងទុក​។​

​ការវាយប្រហារ​នេះ​ក៏​អាច​ចោទ​ជា​សំនួរ​អំពី​សារសំខាន់​នៃ​កិច្ចព្រមព្រៀង​រវាង​អាមេរិក​-​តា​លី​បង់ ដែល​បាន​ចុះហត្ថលេខា​កាលពី​ថ្ងៃទី ២៩​ខែ​កុម្ភៈ នោះ ថា​តើ​​ក្រុម​តា​លី​បង់អាច​បញ្ឈប់​ក្រុម​ជី​ហាត ដូចជា​ក្រុម​រដ្ឋ​អ៊ីស្លាម​នេះ ដែរឬទេ ពីព្រោះ​វា​ហួស​ពី​ការគ្រប់គ្រង​បាន​នៅ​អា​ហ្វ​ហ្គានី​ស្ថាន បន្ទាប់​ពី​កងកម្លាំង​អាម៉េរិក​​ដកចេញ​នោះ​។​

​អ្នកនាំពាក្យ​ក្រសួង​សុខាភិបាល បាន​និយាយថា​ក្រុម​ជនប្រដាប់អាវុធ​នេះ បាន​បាញ់ប្រហារ​នៅ​ព្រឹត្តិការណ៍​ជួបជុំ​ដែលមាន​មនុស្ស​ច្រើន​នេះ​នៅ​ភាគ​ខាងលិច​នៃ​​ទីក្រុង​កា​ប៊ុល ដោយ​បាន​សម្លាប់​មនុស្ស​៣២​នាក់​និង​មនុស្ស​៥៨​នាក់​ផ្សេងទៀត​បាន​រងរបួស​។

​កង​អង្គភាព​ទ័ព​ពិសេស​អា​ហ្វ​ហ្គានី​ស្ថាន បាន​ឡោមព័ទ្ធ​សម្លាប់​ជនប្រដាប់អាវុធ​ទាំង​២​នាក់​នេះ​៕​ប្រែ​សម្រួល​៖​សុខា​/sn

ក្រុម​រដ្ឋ​អ៊ីស្លាម បាន​ប្រកាស​ទទួល​ខុស​ត្រូវ​ចំ​ពោះ​ការវាយប្រហារ​នេះ នៅ​ទីក្រុង​កា​ប៊ុល កាលពី​ថ្ងៃ​សុក្រ ដែល​បាន​សម្លាប់​មនុស្ស​៣២​នាក់​និង​របួស​៥៨​នាក់

ទីតាំងផ្សាយពាណិជ្ជកម្ម

- Advertisment -



Most Popular