Home ព័ត៌មានជាតិ សន្តិសុខ សំណុំរឿង​មន្ត...

សំណុំរឿង​មន្ត្រីនគរបាល​ចិត្ត​ភ្លើង និង​កូនស្រី វាយ​សិស្សសាលា​ចូលដល់​ចៅក្រម​ស៊ើបសួរ​ហើយ​

ដោយ​: ចាន់តូ / ភ្នំពេញ​: សំណុំរឿង​បង្ក​ហិង្សា របស់​មន្ត្រីនគរបាល​ក្រសួងមហាផ្ទៃ ចិត្ត​ភ្លើង រួមជាមួយ​កូនស្រី វាយ​ទៅលើ​សិស្សសាលា​វិទ្យាល័យ​ជម្ពូ​វ័ន បណ្តាល​ឲ្យ​រងរបួស​ធ្ងន់​ស្រាល​៥​នាក់ ប្រុស​១​នាក់ ស្រី​៤​នាក់ កាលពី​ព្រឹក​ថ្ងៃទី​០៣ ខែ​មិនា ឆ្នាំ​២០២០​កន្លងមក នៅក្នុង​សាលា​ជម្ពូ​វ័ន សង្កាត់​ចោមចៅ​៣ ខណ្ឌ​ពោធិ​សែន​ជ័យ កន្លងមក ត្រូវបាន​នគរបាល​ខ​ណ្ឌ​ពោធិ​សែន​ជ័យ ចាប់​ឃាត់ខ្លួន កសាង​សំណុំរឿង តាម​នីតិវិធី​រួចមក ហើយ​ត្រូវបាន​បញ្ជូន​ខ្លួន នគរបាល​ចិត្ត​ភ្លើង​ខាងលើ ២​នាក់​ឪពុក​កូនស្រី​ទៅ​តុលាកា រហូតមកដល់​រសៀល​ថ្ងៃទី​០៧ ខែ​មិនា ឆ្នាំ​២០២០​នេះ សំណុំរឿង​ចោទប្រកាន់ ហិង្សា​ដោយ​ចេតនា បង្ក​ឲ្យ​របួសស្នាម បាន​ចូលដល់​ចៅក្រម​ស៊ើបសួរ​ហើយ ក៏ប៉ុន្តែ​នៅ​មិនទាន់​សម្រេច ថា​ដោះលែង​ឲ្យ​នៅក្រៅ​ឃុំ ឬ ឃុំខ្លួន​ជា​បណ្តោះអាសន្ន នោះទេ ខណៈដែល មាន​ជនរងគ្រោះ​ម្នាក់ ត្រូវបាន​បញ្ជូន បន្តទៅ​មន្ទីរពេទ្យ ប្រទេស​វៀតណាម​។​

​សំណុំរឿង​ចោទប្រកាន់​ខាងលើ ស្ថិតនៅលើ​កណ្តាប់ដៃ លោក កើត សាំង ចៅក្រម​ស៊ើបសួរ​សាលាដំបូង​រាជធានី​ភ្នំពេញ​។​

​មន្ត្រីនគរបាល​ទំនើង​ខាងលើ ឈ្មោះ ឈុំ សា​វ៉េ​ត មានឈ្មោះ​មួយទៀត ឆាយ វ៉ាន់​ធឿន ភេទ​ប្រុស អាយុ​៤៥​ឆ្នាំ មុខរបរ ជា​មន្ត្រីនគរបាល​ក្រសួងមហាផ្ទៃ ឋានន្តរសក្តិ អនុសេនីយ៍ឯក មាន​ទីលំនៅ​ភូមិ​ជ្រៃ​កោង សង្កាត់​ចោមចៅ​២ ខណ្ឌ​ពោធិ​សែន​ជ័យ​។ ចំណែក​កូនស្រី សម្តី​មាស រួមចំណែក​ក្នុង​បទ​លើស​បង្ក​ហឹ​ង្សា មានឈ្មោះ ផុង ភិ​ជ្ជ​រ៉ា​ប៊ុត​សត្យា អាយុ​១៧​ឆ្នាំ​។​

​តាម​នគរបាល​បាន​ឲ្យ​ដឹងថា សមត្ថកិច្ច​អនុវត្តន៍​ទៅតាម​នីតិវិធី បាន​នាំខ្លួន​ជនសង្ស័យ​២​នាក់​ឪពុក​កូន ក្នុង​សំណុំរឿង​បង្ក​ហឹ​ង្សា​ខាងលើ ទៅ​តុលាកា សម្រេច​វាសនា យ៉ាងណា​នោះ លោក​កើត សាំង ចៅក្រម​ស៊ើបសួរ សាលាដំបូង​រាជធានី​ភ្នំពេញ សម្រេច​នៅ​ថ្ងៃ​តទី​០៨ ខែ​មិនា ឆ្នាំ​២០២០​ស្អែក​នេះ​៕​

ទីតាំងផ្សាយពាណិជ្ជកម្ម

- Advertisment -

Most Popular

CL រាត្រី​ថ្ងៃ​អង្គារ ៖ P...

​ប្រែ​សម្រួល : កញ្ញា​ដា​ល...

ដាក់លក់​ឈើ​ដូច​ផ្សារ​ត្រី...

ដោយៈ សុខុម / ស្ទឹងត្រែង​:...

គ្រូពេទ្យនឹងចុះទៅយកវត្ថុស...

ដោយៈ​មុនី​រ័ត្ន​/​ភ្នំពេញ...