Home ព័ត៌មានជាតិ សេដ្ឋកិច្ច ​វិនិយោគិន​អា...

​វិនិយោគិន​អាច​ទិញ​ភាគហ៊ុន​របស់​ធនាគារ​អេស៊ីលីដា​តាម​តម្រូវ​ការមិន​កំណត់​ទេ​

ដោយ៖សុផល/​ភ្នំពេញ​៖​លោក​ ស៊ូ​សុជាតិ​ អគ្គនាយក​គណៈកម្មការ​មូល​ប​ត្រ​កម្ពុជា​បាន​មានប្រសាសន៍ថា​”​ធនាគារ​អេស៊ីលីដា​ជា​ធនាគារពាណិជ្ជ​ដំបូង​ដែល​ធ្វើការ​បោះផ្សាយ​លក់​មូល​ប​ត្រ​កម្មសិទ្ធិ​ជា​សាធារណៈ​។​ប្រសិនបើ​មិនមាន​ឆន្ទៈ​ដ៏​មោះមុត​និង​ការដឹកនាំ​ដ៏​ខ្លាំង​របស់​ថ្នាក់ដឹកនាំ​ធនាគារ​ទេ​យើង​មិនអាច​ឈានដល់​ដំណាក់កាល​ថ្ងៃនេះ​ទេ​។​វា​ជា​ឱកាស​សម្រាប់​សាធារណជន​ដែលមាន​ចំណាប់អារម្មណ៍​ព្រោះ​ចំនួន​ភាគហ៊ុន​ច្រើន​គួរសម​សម្រាប់ធ្វើ​ការបោះ​ផ្សាយ​លក់​ចង់​ទិញ​ប៉ុន្មាន​ក៏បាន​ឱ្យតែ​មាន​លុយ ” ។​


​លោក​បាន​មានប្រសាសន៍​ដូច្នេះ​នៅក្នុង​កម្មវិធី​បង្ហាញ​ព័ត៌មាន​លម្អិត​(Roadshow)​ស្តីពី​ការបោះ​ផ្សាយ​លក់​មូល​ប​ត្រ​កាលពីពេល​ថ្មីៗ​នេះ​នៅ​ទីស្នាក់ការ​កណ្តាល​របស់​ធនាគារ​អេស៊ីលីដា​ភីអិលស៊ី​ដោយមាន​វិនិយោគិន​សាធារណៈ​ជាង​៥០០​នាក់​ចូលរួម​។

​លោក ស្រី​ម៉ារ​អមរា​ អនុប្រធាន​នាយក​ប្រតិបត្តិ​និង​ជា​គណៈ​ប្រធាន​នាយិកា​ប្រតិបត្តិ​ហិរញ្ញវត្ថុ​បាន​មានប្រសាសន៍​ផងដែរ​ថា​៖​សាធារណជន​អាច​ចូលរួម​ធ្វើ​ប៊ុ​ក​បៀ​ល​ឌី​ង​ដោយ​ដាក់សំណើ​ចាប់ពី​១០០​មូល​ប​ត្រ​កម្មសិទ្ធិ​(​ភាគហ៊ុន​)​ឡើងទៅ​ដោយ​កើន​ម្តង​(១០​ឯក​តា​មូល​ប​ត្រ​កម្មសិទ្ធិ​)​។​មិនមាន​កំណត់​ចំនួន​ភាគហ៊ុន​អតិបរមា​ដែល​ចង់​ដាក់ពាក្យ​ស្នើសុំ​ទេ​វិនិយោគិន​ចង់​ដាក់ពាក្យ​ស្នើសុំ​ទិញ​ភាគហ៊ុន​ប៉ុន្មាន​ក៏បាន​។​

​សូមជម្រាបថា​ធនាគារ​អេស៊ីលីដា​ភីអិលស៊ី​បានចាប់ផ្តើម​ដំណើរការ​ប៊ុ​ក​បៀ​ល​ឌី​ង​ជា​ផ្លូវការ​ចាប់ពី​ថ្ងៃទី​៣ មីនា​ដល់ ថ្ងៃទី​១៤ មីនា ២០២០ (​ម៉ោង​៨:០០​ព្រឹក ដល់​ម៉ោង ៥:០០ ល្ងាច ពីថ្ងៃ​ចន្ទ ដល់​ថ្ងៃ​សៅរ៍​) និង​បានកំណត់​ថ្លៃ​មូល​ប​ត្រ​កម្មសិទ្ធិ (​ភាគហ៊ុន​) នៅក្នុង​ចន្លោះ​ថ្លៃ ចាប់ពី​១៥.០០០​រៀល​ដល់​១៧.៤០០ រៀល​ក្នុង​មួយ​ភាគហ៊ុន​។​

គួរឱ្យ​កាត់​សម្គាល់ថា​៖​មាន​សាធារណជន​មួយចំនួន​មាន​ការយល់ច្រលំ​ពី​ការទិញ​ភាគហ៊ុន​របស់​ធនាគារ​អេស៊ីលីដា​ដែលថា​មានកំណត់​ចំនួន​។​តែ​ធនាគារ​អេស៊ីលីដា​បានបញ្ជាក់​ថា​៖​មិនមាន​ការកំណត់​ចំនួន​ពី​ការទិញ​ភាគហ៊ុន​នោះឡើយ​។ មានន័យថា​សាធារណជន​អាច​ទិញ​បាន​ទៅតាម​លទ្ធភាព​របស់ខ្លួន គឺ​ទិញ​ប៉ុន្មាន​ក៏បាន​ឱ្យតែ​មាន​លុយ ៕S/

ទីតាំងផ្សាយពាណិជ្ជកម្ម

- Advertisment -

Most Popular

ក្រសួងផែនការ​បង្ហាញ​លទ្ធផ...

​ដោយៈ មុនី​រ័ត្ន​/​ភ្នំពេ...

បុរស​ចំណាស់​ម្នាក់ លង់ទឹក...

ដោយៈ ស​រិ​ទ្ធ / ស្វាយរៀងៈ...

នគរបាល​ខណ្ឌដង្កោ បញ្ជូន​ថ...

ដោយៈ ស​រិ​ទ្ធ / ភ្នំពេញៈ ...

លី​ទុយ​អា​នី​រកឃើញ​ករណី​វ...

​ប្រែ​សម្រួល : កញ្ញា​ដា​ល...