Home ព័ត៌មានជាតិ សន្តិសុខ សព​ប្រុស​ស្រី...

សព​ប្រុស​ស្រី​២​នាក់​លោត​សម្លាប់ខ្លួន​ថ្ងៃ​តែមួយ​អណ្តែត​ថ្ងៃ​តែមួយ​

ដោយ​: ចាន់តូ / ភ្នំពេញ​: សព​ប្រុស​ស្រី​២​នាក់​លោត​សម្លាប់ខ្លួន​ថ្ងៃ​តែមួយ​អណ្តែត​ថ្ងៃ​តែមួយ ដោយ​សព​បុរស​ខាងលើ​មិនត្រូវ​បាន​គេ​ស្គាល់​អត្ត​សញ្ញាញ​នៅឡើយ​ទេ រីឯ​សព​នារី​ត្រូវបាន​គេ​ស្គាល់​អត្តសញ្ញាណ​ហើយ​។ កាលពី​វេលា​ព្រឹក​ថ្ងៃទី​៧​ខែមីនា ឆ្នាំ​២០២០ ចំណុច​ខាងជើង​ស្ពាន​ជ្រោយចង្វា សព​បុរស​ត្រូវគេ​ប្រទះឃើញ​ក្នុង​ទន្លេសាប​ទឹកដី សង្កាត់​ទួល​សង្កែ​ទី​១ ខណ្ឌឫស្សីកែវ ចំណែក​សព​នារី​ត្រូវបាន​គេ​ប្រទះឃើញ​ក្នុង​ទឹកទន្លេ​សាប​ដែរ គឺ​ក្នុង​ទឹកដី​សង្កាត់​ជ្រោយចង្វា ខណ្ឌ​ជ្រោយចង្វា​។​

​តាម​ប្រភពព័ត៌មាន​ពី​កន្លែងកើតហេតុ​ឲ្យ​ដឹងថា នៅ​មុនពេល​កើតហេតុ​មាន​ប្រជាពលរដ្ឋ​ប្រទះឃើញ​សាកសព​បុរស​ម្នាក់ អណ្តែត​ទឹក​នៅ​ចំណុច​ខាងលើ ក្រោយមកទៀត​ក៏មាន​ប្រជាពលរដ្ឋ​ផ្សេងទៀត ប្រទះឃើញ​សព​នារី​រងគ្រោះ ដែល​មិន​មិន​ឆ្ងាយ​ពីគ្នា​ប៉ុន្មាន​ទេ គ្រាន់តែ​ជា​ព្រុំប្រទល់​រវាង​ខណ្ឌឫស្សីកែវ និង​ខណ្ឌ​ជ្រោយចង្វា​ប៉ុណ្ណោះ​។​

​គួរ​រំលឹក ថា​នៅក្នុង​មួយថ្ងៃ​មាន​មនុស្ស​ប្រុស​-​ស្រី​ពីរ​នាក់​បានមក​លោតទឹក​សម្លាប់​លើ​ស្ពាន​ជ្រោយចង្វា​ចាស់​បង្ក​ការភ្ញាក់ផ្អើល​ដល់​បងប្អូន​ប្រជាពលរដ្ឋ​។ ដែល​ហេតុការណ៍​ទី​១​កើតឡើង​នៅ​ម៉ោង​៨ និង​មួយ​ករណី​ទៀត​កើតឡើង​នៅ​ម៉ោង​២​នឹង​៣០​នាទី ថ្ងៃទី​០៥ ខែមីនា ឆ្នាំ​២០២០ នៅលើ​ស្ពាន​ជ្រោយចង្វា​ចាស់ ស្ថិតនៅ​ក្នុងភូមិ​ដើម​គ សង្កាត់​ជ្រោយចង្វា ខណ្ឌ​ជ្រោយចង្វា រាជធានី​ភ្នំពេញ​។​

​ករណី​ទី​១. នារី​ដែល​លោតទឹក​សម្លាប់ខ្លួន​មានឈ្មោះ ជឹម រំដួល អាយុ​៣៤​ឆ្នាំ មុខរបរ​កម្មករ​រោងចក្រ មាន​ស្រុកកំណើត​នៅ​ភូមិ​ស្រម៉ ឃុំ​ស្រម៉ ស្រុក​ជើងព្រៃ ខេត្តកំពង់ចាម និង​មានកូន​ប្រុស​ស្រី​២​នាក់​។​

​ប្រភព​បាន​បន្តថា មុននឹង​ក្រុមគ្រួសារ​ដឹងថា​ស្ត្រី​រងគ្រោះ​លោតទឹក​លើ​ជ្រោយចង្វា​នោះ ដោយ​ស្ត្រី​ខាងលើ​បាន​ជិះឡាន​តា​ត់​ស៊ី​ចេញពី​ស្រុកកំណើត​មក​លោតទឹក​លើ​ស្ពាន​ជ្រោយចង្វា ខណៈ​មកដល់​កន្លែងកើតហេតុ មុននឹង​លោត​បានខ​ល​ទូរស័ព្ទ​ទៅ​មេ​ប៉ុស្តិ៍នគរបាល​ស្រម៉ ផ្តែផ្តាំ​ឲ្យ​ទៅប្រាប់​ក្រុមគ្រួសារ​នាង​ផង បានដឹង​ដល់​ក្រុមគ្រួសារ​មកដល់​កន្លែង​កើតហេតុ ដើម្បី​រង់ចាំ​ស្រង​សព​។​

​បើតាម​ប្រភពព័ត៌មាន​ពី​សាច់ញាតិ​នារី​ដែល​លោតទឹក​សម្លាប់ បាន​ឲ្យ​ដឹងថា មិនដឹងថា​ជនរងគ្រោះ​មិនដឹង​មាន​វិបត្តិ​អ្វី​ទេ​នៅក្នុង​គ្រួសារ ហើយ​នៅ​ព្រឹក​ថ្ងៃកើតហេតុ​នារី​ជនរងគ្រោះ​បាន​ជិះ​រថយន្ត​ពី​ស្រុកកំណើត​មក​ភ្នំពេញ មក​លោតទឹក​សម្លាប់ខ្លួន​ពីលើ​ស្ពាន​ជ្រោយចង្វា​លិច​បាត់​រក​សព​មិនឃើញ​រហូតមកដល់​ថ្ងៃទី​៧​ខែ​ឆ្នាំ​ដដែល​ទើប​ប្រទះឃើញ​សព​នារី​ខាងលើ​អណ្តែត​ទឹក​។

​ករណី​ទី​២.​បើតាម​សម្តី​ប្រជាពលរដ្ឋ​បាន​ឲ្យ​ដឹងថា នៅ​មុនពេល​កើតហេតុ​គេ​ឃើញ​បុរស​ម្នាក់​មាន​អាយុ​ប្រហែល​ជិត​៣០​ឆ្នាំ ស្លៀកខោ​ខូវប៊យ បាន​ឈរ​នៅលើ​ស្ពាន​ជ្រោយចង្វា​ចាស់ រេ​រ៉​រលើ​ស្ពាន​រយៈពេល​ជិត​២​ម៉ោង ក៏​សម្រេចចិត្ត​លោត​ចូល​ទឹក​សម្លាប់​។ ភ្លាមៗ​នោះ​បុរស​ដែល​លោតទឹក​សម្លាប់ខ្លួន​បាន​បក់ដៃ​ហៅ​គេ​ឲ្យ​ជួយ​បាន​មួយសន្ទុះ​ក៏​លិច​សព​ចូលក្នុង​ទឹកទន្លេ​បាត់​រហូតមកដល់​ថ្ងៃទី​៧​ខែ ឆ្នាំ ដដែល​នេះ​ទើប​មាន​ប្រជាពលរដ្ឋ​ប្រទះឃើញ​។

សព​នារី​រងគ្រោះ​ត្រូវបាន​សាច់ញាតិ​ដឹង​ទៅធ្វើ​បុណ្យ​តាម​ប្រពៃណី​នៅ​ស្រុកកំណើត​ឯ​ខេត្តកំពង់ចាម​។ ឯ​សព​បុរស​មិនទាន់​ស្គាល់​អត្តសញ្ញាណ ត្រូវបាន​សមត្ថកិច្ច​ដឹក​ទៅ​តម្កល់ទុក​ក្នុង​វត្ត​ទួល​សង្កែ រង់ចាំ​សាច់ញាតិ​មក​ទទួលយក​ទៅធ្វើ​បុណ្យ​តាម​ប្រពៃណី​៕ ល​

ទីតាំងផ្សាយពាណិជ្ជកម្ម

- Advertisment -

Most Popular