កូរ៉េខាងជើង​បាញ់​វត្ថុ​ផ្លោង​ចំនួន​៣​ចូល​ក្នុង​សមុទ្រ​ជប៉ុន​

164
ចែករម្លែក

​កូរ៉េ​ខាងជើង​បាន​បាញ់​វត្ថុ​ផ្លោង​យ៉ាងតិច​ចំនួន​៣​ចូល​ក្នុង​សមុទ្រ​ជប៉ុន នេះ​បើ​តាម​ទីភ្នាក់ងារ​សារព័ត៌មាន​យ៉ុន​ហាប់​ បាន​រាយការណ៍​កា​លពី​ថ្ងៃ​ចន្ទ​ទី​០៩​មីនា​​ដោយយោង​តាម​ប្រភព​ព័ត៌មាន​ពី​នាយសេនាធិការ​ចម្រុះកូរ៉េ​។​

​យោង​តាម​នាយសេនាធិកា​រ​ចម្រុះ វត្ថុ​ផ្លោង​នេះ​ត្រូវបាន​បាញ់​ចេញពី​ទីប្រជុំជន​សុន​ដុក​នៃ​ខេត្ត​ហាំ​យ៉ុង​ខាងជើង​។​

​នាយសេនាធិការ​ចម្រុះកូរ៉េ បាន​និយាយថា​ យោធា​កូរ៉េខាងត្បូង​បាន​តាមដាន​និង​រក្សា​ការប្រុងប្រយ័ត្ន តែ​មិន​បាន​បញ្ជាក់​លម្អិត​អំពី​ប្រភេទ​នៃ​វត្ថុ​ផ្លោង​នោះ ចម្ងាយ​ហោះ​និង​រយៈ​កម្ពស់​របស់​វា​ទេ​។​

​ក្នុងពេល​ជាមួយគ្នា ទីភ្នាក់ងារ​សារព័ត៌មាន​ក្យូ​ដូ​បាន​រាយការណ៍​ថា ជប៉ុន​សង្ស័យ​ថា​វត្ថុ​ផ្លោង​ដែល​ត្រូវ​កូរ៉េខាងជើង​បាញ់​នោះ​ជា​កាំជ្រួច​ផ្លោង ​តែ​«​កាំជ្រួច​នេះ​មិន​​បាន​ហោះ​ដល់​តំបន់​សេដ្ឋកិច្ច​ពិសេស​ជប៉ុន​ទេ​»​។​

​កាល​ពី​មួយ​សប្តាហ៍​មុន កូរ៉េ​ខាងជើង​បាន​បាញ់​វត្ថុ​ផ្លោង​២​ចូល​ក្នុង​សមុទ្រ​ជប៉ុន​។​វា​ហោះ​បាន​ចម្ងាយ​២៤០​គីឡូម៉ែត្រ នៅ​កម្ពស់​៣៥​គីឡូម៉ែត្រ​និង​ជាកា​រសាក​​ល្បង​កាំជ្រួច​លើកដំបូង​ប្រចាំឆ្នាំ​២០២០​របស់​កូរ៉េ​ខាងជើង តែ​ទោះជា​យ៉ាងណា ប្រព័ន្ធ​ផ្សព្វផ្សាយ​ប្រទេស​នេះ​អះអាង​ថា​វា​ជា​ការសាកល្បង​កាំភ្លើង​ធំ​ចម្ងាយ​ឆ្ងាយ​​ទេ​៕​ប្រែ​សម្រួល​៖​វាសនា​/Ha

វា​ជា​លើក​ទី​២​ក្នុង​រយៈពេល​មួយ​សប្តាហ៍​នេះ​ដែល​កូរ៉េខាងជើង​បាញ់​វត្ថុ​ផ្លោង​ចូល​ក្នុង​សមុទ្រ​ជប៉ុន​

អាជ្ញាប័ណ្ណចែកចាយផ្តាច់មុខ