មនុស្សយ៉ាងតិច៣២នាក់បានស្លាប់កាលពីថ្ងៃសៅរ៍ទី០៧មីនា បន្ទាប់ពីរថយន្តដឹកប្រេងមួយបុករថយន្តក្រុង២និងរថយន្តជាច្រើនទៀតនៅលើផ្លូវថ្នល់មួយដែលភ្ជាប់រដ្ឋធានីរបស់ប្រទេសស៊ីរីទៅកាន់ខេត្តហូម។
សារព័ត៌មានបានអោយដឹងនៅថ្ងៃចន្ទនេះថា ការខូចហ្វ្រាំង បណ្តាលអោយរថយន្តដឹកប្រេងបុករថយន្តទេសចរណ៍ចំនួន១៥និងរថយន្តក្រុងចំនួន២ដែលដឹកអ្នកដំណើរអ៊ីរ៉ាក់ជាច្រើននាក់។
មនុស្ស៧៧នាក់ទៀតរងរបួសនៅក្នុងគ្រោះថ្នាក់នេះ។
ជនរងគ្រោះនៃគ្រោះថ្នាក់ចរាចរណ៍នេះ ត្រូវគេជឿថា រួមមានអ្នកធ្វើធម្មយាត្រាអ៊ីរ៉ាក់និកាយស៊ីអាយ ដែលបានទៅធ្វើការបន់ស្រន់នៅទីសក្ការពិសិដ្ឋនានានៅជិតរដ្ឋធានីដាម៉ាស៕ប្រែសម្រួល៖វាសនា
ការជាន់ហ្វ្រាំងមិនស៊ី បង្កអោយរថយន្តដឹកប្រេងបុករថយន្តទេសចរណ៍ចំនួន១៥និងរថយន្តក្រុងចំនួន២នៅក្រៅក្រុងដាម៉ាសកាលពីយប់ថ្ងៃសៅរ៍