Home កម្សាន្ត ព្រាប សុវត្ថិ...

ព្រាប សុវត្ថិ ថា លោក​មិនដឹង​និង​ហួសចិត្ត​រឿង​ផ្ទុះ​បណ្ដឹង​ពី​ប្រជាពលរដ្ឋ​

ក្រោយ​ផ្ទុះ​ជម្លោះ​ជាមួយនឹង​ប្រជាពលរដ្ឋ​ ក្រុមគ្រួសារ លោក ព្រាប សុវត្ថិ កាលពី​ថ្ងៃទី​០៦ ខែ​មីនា ឆ្នាំ​២០២០ បានធ្វើ​ស​ន្នី​សីទ​កាសែត ហើយ​បាន​បដិសេធ​និង​ថ្លែងថា ក្រុមគ្រួសាររបស់លោក​ពិតជា​មិនដឹង​រឿងហេតុ​ដែល​បាន​បណ្តាល​ឲ្យ​ផ្ទុះ​ការតវ៉ា​នេះ​ឡើង ។​

​លោក ព្រាប សុវត្ថិ បាន​បកស្រាយ​ឱ្យដឹងថា ចំពោះ​រឿងនេះ​លោក​ពិតជា​ហួសចិត្ត​ណាស់ ដែលមាន​ប្រជាពលរដ្ឋ​ក្នុងភូមិ​របស់លោក នាំគ្នា​តវ៉ា និង​ហៅ​អ្នកកាសែត​ផ្សាយ​ចោទ​លើលោក​។ លោក​មាន​អារម្មណ៍​ខូចចិត្ត​ចំពោះ​រឿងនេះ ដែល​អ្នកភូមិ​ខ្លះ​សុទ្ធតែ​ស្គាល់​រាប់អាន​លោក ប៉ុន្តែ​មិន​មកជួប​និយាយ​ត្រង់ៗ​និង​ដោះស្រាយ​តទល់​ជាមួយគ្នា​ ​បែរជា​ទៅ​សម្ភាសន៍ ជាមួយ​សារព័ត៌មាន​ចោទ​លើ​លោក​។

លោក​យល់ព្រម​ទទួល​សំណើ​ការតវ៉ា​របស់​អ្នកភូមិ​ ដោយ​ទី​១ លោក​ដក​ការដ្ឋាន​រោង​ឈើចេញពី​ផ្លូវ​ក្នុងភូមិ​ជាប់​ដី​ឡូ​ត៍​របស់លោក ដែល​កំពុង​កសាង​ភោជនីយដ្ឋាន ទី​២ គិតគូ​រការចតរថយន្ត​ឱ្យមាន​របៀប​ជាង​មុន​, ទី​៣ បន្ថយ​ការបើក​និង​ចត​រថយន្ត​ដែល​រោទ៍​សំឡេង​ម៉ាស៊ីនខ្លាំងៗ ហើយ​ចំណុច​ចុងក្រោយ​រឿង​ព្រំដី​ឡូ​តិ៍​របង​របស់លោក លោក​ទុកឱ្យ​ផ្នែក​ច្បាប់ និង​អាជ្ញាធរ ជា​អ្នកដោះស្រាយ ព្រោះក្បាលដី​របស់លោក​មាន​ឯកសារ​បញ្ជាក់​ត្រឹម បដិសេធ​ចំពោះ​ការរំលោភ​ដី​ផ្លូវ​សាធារណៈ​។

​ជាមួយគ្នា​នោះ លោក ឆាយ វ​សនា នាយ​រដ្ឋបាល​ខណ្ឌ​សែន​សុខ បាន​ប្រាប់ថា​លោក​បាន​ចុះជូ​ប​ជាមួយ​លោក ព្រាប សុវត្ថិ និង​ប្រជាពលរដ្ឋ​ក្នុងភូមិ​នេះ បានបញ្ចប់​ការតវ៉ា​នេះ ​ដោយ លោក ព្រាប សុវត្ថិ ព្រម​ទទួលយក​ចំណុច​នេះ កែសម្រួល​ទៅតាម​សំណូមពរ​របស់​ប្រជាពលរដ្ឋក្នុងភូមិ ដើម្បី​បំបាត់​ការ​ភាន់​ច្រឡំ​។ លោក​ក៏​សូមឱ្យ​មហាជន ដឹង​និង​ទទួលយក​ថា ចំពោះករណីនេះ ជា​រឿង​យល់ច្រឡំ​លើ​គ្នា ហើយ​ប្រជាព​លរដ្ឋ​ក្នុងភូមិ​ក៏​ធ្វើការ​សុំទោស​វិញ ក្រោយ​មានមតិ​ពី​អ្នកលេង​ហ្វេ​ស​ប៊ុ​ក​និង​មហាជន​ចោទ​លើ​លោក ព្រាប សុវត្ថិ ដែលជា​តារា ចម្រៀង​ល្បី​ជា​អ្នក​បំពាន​ច្បាប់​។ ជា​រឿង​យល់ច្រឡំ ដោយសារតែ​លោក ព្រាប សុវត្ថិ កំពុង​សាងសង់​ភោជនីយដ្ឋាន​នៅ​ដី​ឡូ​ត៍ក្បែរ​ផ្ទះ​របស់លោក ដោយ​ដី​ផ្លូវ​ខាងក្រោយ​ផ្ទះដាក់​រោង​ឈើ​បន្តិច ហើយ​លោក​ក៏​ដកចេញ​រៀបចំ​ឡើងវិញ​ហើយ​។ ទាំង​ការចត​និង​បើករថយន្ត​ចេញចូល ក៏​លោក​ព្រម​សម្របសម្រួល​កែប្រែ​ដែរ​។

​លោក ឆាយ វ​សនា បាន​បញ្ជាក់ថា លោក​ក៏​សំណូមពរ​ផងដែរ​ថា មុននឹង​បង្ហោះ​ឬ​ឡាយវិ​ឌី​អូ​អ្វីមួយ​ទាក់ទិន​នឹង​បញ្ហា​ក្នុងភូមិ​របស់ខ្លួន​នោះ សូមមេត្តាជូនដំណឹង និង ហៅ​អាជ្ញាធរចូលរួម​ឬ​ប្រាប់ ដើម្បី​ជៀស​វាស​ការចោទប្រកាន់​ខុស​ដាក់គ្នា និង​បង្ករឿង​គេ​រិះគន់​ជេរប្រមាថតាម​ក្រោយ​ដែល​គ្មាន​មូលដ្ឋាន​ហេតុផល​ច្បាស់លាស់​។

​សូម​រំលឹក​ផងដែរ​ថា ចំពោះ​ករណី​ផ្ទុះ​ការតវ៉ា​នេះ​គឺ​កើតឡើង កាលពី​ថ្ងៃទី​០៥ ខែ​មីនា ឆ្នាំ​២០២០ នៅត្រង់ចំណុចផ្លូវលំ​ក្រុម​៣​ភូមិ​ច្រេស សង្កាត់​គោក​ឃ្លាង ខណ្ឌ​សែន​សុខ ៕ ដោយ​: បូ​រិ​ន​/Ha

ទីតាំងផ្សាយពាណិជ្ជកម្ម

- Advertisment -

Most Popular

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...

ប៉ូលិស​បង្ក្រាប​ក្រុម​ជួញ...

​ដោយ​: មុនី​រ័ត្ន / ភ្នំព...