Home ព័ត៌មានជាតិ សេដ្ឋកិច្ច ​វិទ្យាស្ថាន​...

​វិទ្យាស្ថាន​គរុកោសល្យ នឹង​ក្លាយជា​វិទ្យាស្ថាន​គំរូ​ផ្តល់​ការអប់រំ​គ្រូបង្រៀន​

ដោយៈ​សុផល​/​បាត់ដំបង​៖​គិត​មកដល់ពេលនេះ​វិទ្យាស្ថាន​គរុកោសល្យ​ខេត្តបាត់ដំបង​និង​រាជធានី​ភ្នំពេញ​សាងសង់​សម្រេចបាន​ចំនួន​៣៣​ភាគរយ​ហើយដោយ​ប្រើប្រាស់​ថវិកា​សរុប​ប្រមាណ​ជាង​២២​លាន​ដុល្លារ​។​ថវិកា​នេះ​ជា​ជំនួយ​របស់​រដ្ឋាភិបាល​ជប៉ុន​តាមរយៈ​ទីភ្នាក់ងារ​សហប្រតិបត្តិ​ការ​អន្តរជាតិ​នៃ​ប្រទេស​ជប៉ុន​(Jica)​។​

ដោយ​ចាប់ផ្តើម​សាងសង់​នៅ​ឆ្នាំ​២០១៩​វិទ្យាស្ថាន​គរុកោសល្យ​ខេត្តបាត់ដំបង​គ្រោង​នឹង​បញ្ចប់​នៅ​ខែតុលា​ឆ្នាំ​២០២០​និង​ទីតាំងនៅ​ភ្នំពេញ​នឹង​បញ្ចប់​នៅ​ខែវិច្ឆិកា​ឆ្នាំ​២០២០​។​នៅពេល​បញ្ចប់​វិទ្យាស្ថាន​គរុកោសល្យ​ទាំងពីរ​នេះ​នឹង​ក្លាយជា​មជ្ឈមណ្ឌល​ដ៏​សំខាន់​សម្រាប់​ផ្តល់​ការអបរំ​គ្រូបង្រៀន​ដល់​កម្រិត​បរិ​ញ្ញ​ប​ត្រ​និង​ជា​វិទ្យាស្ថាន​បណ្តុះ​ធនធានមនុស្ស និង​លើកកម្ពស់​អប់រំ និង​គុណភាព​គ្រូបង្រៀន​។​

​ក្នុង​កម្មវិធី​ទស្សនកិច្ច​អ្នកសារព័ត៌មាន​ស្ដីពី​ហិរញ្ញប្បទាន​អភិវឌ្ឍន៍​ផ្លូវការ​(ODAPressTour)​រៀបចំ​ដោយ​ទីភ្នាក់ងារ​សហប្រតិបត្តិ​ការ​អន្តរជាតិ​នៃ​ប្រទេស​ជប៉ុន​(Jica)​ពីថ្ងៃ​៤​ដល់​៦​មីនាឆ្នាំ​២០២០​នាពេល​ថ្មីៗ​នេះ លោក MASHAKI SAKAKURA ប្រធាន​គម្រោង​សាងសង់​វិទ្យាស្ថាន​គរុកោសល្យ បានឱ្យដឹងថា​៖ ការសាងសង់​វិទ្យាស្ថាន​ទាំងពីរ​នេះ​ចំណាយ​ថវិកា​ប្រមាណ​២០​លាន​ដុល្លារ​អាមេរិក​និង​២​លាន​ដុល្លារ​ទៀត​សម្រាប់​សម្ភារៈ​បរិក្ខារ​ផ្សេងៗ​។​

​វិទ្យាស្ថាន​នៅ​បាត់ដំបង​ដែលមាន​៥​ខ្នង​គ្រោង​នឹង​បញ្ចប់​នៅ​ខែតុលា​ឆ្នាំ​២០២០​ចំណែក​វិទ្យាស្ថាន​គរុកោសល្យ​រាជធានី​ភ្នំពេញ​ដែលមាន​៤​ខ្នង​នឹង​បញ្ចប់​នៅ​ខែវិច្ឆិកា ឆ្នាំ​២០២០​។​បើ​គិត​មកដល់​ត្រឹម​ចុងខែ​កុម្ភៈ យើង​សម្រេចបាន​៣៣​ភាគរយ​ហើយ​។​

​លោកស្រី​ទេព វណ្ឌី នាយិកា​រង​វិទ្យាស្ថាន​គរុកោសល្យ​បាត់ដំបង​បាន​មានប្រសាសន៍ថា​៖​វិទ្យាស្ថាន​គរុកោសល្យ​ទាំងពីរ​ទីតាំង​នេះ​នឹង​ក្លាយទៅជា​វិទ្យាស្ថាន​ដែល​ផ្ដល់​ការអប់រំ​ដល់​គ្រូបង្រៀន​ដល់​កម្រិត​បរិញ្ញាប័ត្រ​តាមរយៈ​ការពង្រឹង​ផ្នែក​ហេដ្ឋារចនាសម្ព័ន្ធ​និង​សម្ភារៈ​ដែល​នឹង​ចាំបាច់​សម្រាប់​ការរៀន​និង​បង្រៀន​ដល់​សាលា​គរុកោសល្យ​ទាំងពីរ​ដែលមាន​ស្រាប់​។​ជាពិសេស​រួមចំណែក​លើកកម្ពស់​គុណ​ភាព​អប់រំ​នៅ​កម្រិត​បឋម​និង​មធ្យមសិក្សា​ប​ឋ​ភូមិ ក៏ដូចជា​លើកកម្ពស​គុណភាព​គ្រូបង្រៀន​។​

​លោកស្រី ទេព វណ្ឌី​បានឱ្យដឹង​ផងដែរ​ថា​៖​បច្ចុប្បន្ននេះ​ដើម្បី​ក្លាយជា​គ្រូ​បឋម​និង​មធ្យមសិក្សា​បឋម​ភូមិ​ត្រូវ​ទទួល​ការបណ្តុះបណ្តាល​រយៈពេល​២​ឆ្នាំ​បន្ទាប់ពី​ប្រឡង​ជាប់​ថ្នាក់​ទី​១២​ដែល​គេ​ហោះ​ថា ១២ បូក​២​ហើយ​ចាប់ពី​ឆ្នាំ​២០២០​ទៅ​ការបណ្តុះបណ្តាល​គ្រូ​បឋម​និង​គ្រូ​មធ្យ​មសិ​ក្ស​បឋមភូមិ​នឹង​អនុវត្តតាម​រូបមន្ត​១២​បូក​៤​និង​បរិញ្ញាបត្រ​បូក​១​។​

លោកស្រី​បាន​បញ្ជាក់ថា​នៅ​ឆ្នាំ​២០១៨​ការបណ្តុះបណ្តាល​សាកល្បង​តាម​រូបមន្ត​១២​បូក​៤​បាន​ដាក់ឱ្យ​ដំណើរការ​នៅ​វិទ្យា​សា្ថ​ន​គរុកោសល្យ​រាជធានី​ភ្នំពេញ​និង​បាត់ដំបង​៕S/

ចំណងជើង​រូបថត​៖​វិទ្យាស្ថាន​គរុកោសល្យ​ខេត្តបាត់ដំបង​និង​រាជធានី​ភ្នំពេញ​សាងសង់​សម្រេចបាន​ចំនួន​៣៣​ភាគរយ​ហើយដោយ​ប្រើប្រាស់​ថវិកា​សរុប​ប្រមាណ​ជាង​២២​លាន​ដុល្លារ​ជា​ជំនួយ​របស់​រដ្ឋាភិបាល​ជប៉ុន​តាមរយៈ​ចៃ​កា​(​រូបៈ​សុផល​)​

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខេត្តតាកែវ ប្រជុំ...

​ដោយៈ ទេព មង្គល / តាកែវៈ ...

រដ្ឋបាល​ខេត្តកោះកុង និង​ក...

​ដោយៈ ទេព មង្គល / ភ្នំពេញ...

ប្រតិភូ​ស្ថានទូត​កម្ពុជា​...

ដោយ​៖​រ៉ា​ម៉ន / ភ្នំពេញ​៖...

រដ្ឋបាលខេត្ត​ព្រះវិហារ បើ...

ដោយ​: សៅ វ៉ាន់ឌី / ព្រះវិ...