Home ព័ត៌មានជាតិ សន្តិសុខ ស្ត្រី​ម្នាក់...

ស្ត្រី​ម្នាក់​កំពុង​បើកបរ​ម៉ូតូ​ត្រូវ​រថយន្ត​កៀរ​និង​កិន​ស្លាប់​

ដោយ​: ចាន់តូ / ភ្នំពេញ​: ស្ត្រី​វ័យ​៤១​ឆ្នាំ ម្នាក់​ជិះ​ម៉ូតូ​ម្នាក់ឯង​សុខៗ ស្រាប់​តែមាន​រថយន្ត​មួយគ្រឿង មិន​ស្គាល់​ម៉ាក បើក​មក​ក្បែរ ​រួច​កៀរ​ឲ្យ​ដួល​ចូល​ក្រោម​កង់​ក្រោយ​រថយន្តកិន​ចំពាក់​កណ្តាល​ខ្លួន​ស្ត្រី​រងគ្រោះ​បែក​ផ្លោក​នោម​ស្លាប់​ភ្លាម​មួយ​រំពេច ហើយ​រថយន្ត​បង្ក​បើក​គេច​បាត់ស្រមោល​។ ហេតុការណ៍​នេះនៅវេលា​ម៉ោង ៦​និង​៣០​ល្ងាច ថ្ងៃទី​៩ មីនា ២០២០ ចំណុច​លើ​មហាវិថី​ឈ្នះ ឈ្នះ ស្ថិតក្នុង​ភូមិ​បាក់​ខែង​លើ សង្កាត់​បាក់​ខែង ខណ្ឌ​ជ្រោយចង្វា រាជធានី​ភ្នំពេញ​។​

​សព​ស្ត្រី​រងគ្រោះ​មានឈ្មោះ ប៉ោ ចន្ថា អាយុ​៤១​ឆ្នាំ មាន​ស្រុកកំណើត​នៅ​ភូមិ​ភ្នំ​ដិ​ល ឃុំ​តាំង​ក្រាំង ស្រុក​បាធាយ ខេត្តកំពង់ចាម ជិះ​ម៉ូតូ​ម៉ាក ស៊ូ​មមើ​អិ​ច ពណ៌ខៀវ ពាក់​ផ្លាកលេខ ភ្នំពេញ 1FW 8106 ធ្វើដំណើរ​ពី​ជើង​ទៅ​ត្បូង​។​

​មុនពេល​កើតហេតុ បើតាម​សម្តី​សាច់ញាតិ បាន​ឲ្យ​ដឹងថា ស្ត្រី​រងគ្រោះ​ធ្វើដំណើរ​មកពី​កន្លែង​ប្តី​ធ្វើការ​នៅ​ឯ​អូរ​ដឹ​ម ដោយបាន​ធ្វើដំណើរ​តាមផ្លូវ​ខាងលើ​ឆ្ពោះ​ទៅផ្ទះ​នៅឯ​ស្រុកកំណើត លុះដល់​ម៉ោង​កើតហេតុ ក៏មាន​គេ​ខ​ល​ប្រាប់ថា ជនរងគ្រោះ​បាន​ស្លាប់​ដោយ​ជួប​គ្រោះថ្នាក់​ចរាចរបាត់ទៅហើយ​។​

​ក្រោយ​កើតហេតុ ប៉ូលិស​មូលដ្ឋាន សហការ​ជាមួយ​ផ្នែក​ចរាចរណ៍​ខណ្ឌ ចុះ​វាស់វែង រៀបចំ​ឯកសារ ប្រគល់​សព​ឲ្យ​ក្រុមគ្រួសារ​យកទៅ​ធ្វើបុណ្យ​តាមប្រពៃណី ព្រោះ​រថយន្ត​បង្កមិន​ស្គាល់​ម៉ាក បាន​បើក​រត់​បាត់​ហើយ​៕ ល​/Ha

ទីតាំងផ្សាយពាណិជ្ជកម្ម

- Advertisment -

Most Popular

បូកសរុប​លទ្ធផល​ការងារ​ប្រ...

ដោយ​: វ៉ៃ​កូ / ស្វាយរៀង​:...

បរិក្ខារ​ដើរ​ដោយ​ថាមពល​ពន...

ដោយ​: សុផល / ភ្នំពេញ​: យោ...

កំពុង​បណ្តែតអារម្មណ៍​តាម​...

​ដោយ​: វណ្ណៈ / ព្រះសីហនុ​...

យុគសម័យ​ទំនើប​គ្មានទេ​មន្...

ដោយ​: គង់​ហេង​/ កំពង់ចាម​...