​លោក ស៊ុន ចាន់ថុល ដឹកនាំ​អត្ត​ព​លិ​ក​ហែក​ទឹក លេង​បាល់បោះ ក្នុង​ទឹក​សាកល្បង​

ដោយ​៖ រ៉ូ​ហ្សា​
​កណ្តាល​៖
លោក​ទេសរដ្ឋមន្ត្រី ស៊ុន ចាន់ថុល ប្រធាន​សហព័ន្ធ​ខ្មែរ​កីឡាហែលទឹក បាន​អញ្ជើញ​ដឹកនាំ គណៈប្រតិភូ ចុះ​ពិនិត្យ​វឌ្ឍនភាព នៃ​ការសាងសង់ អាង​ហែល​ទឹក ស្ថិតក្នុង​បរិវេណ​កីឡដ្ឋាន ស្រុក​កោះធំ ខេត្តកណ្ដាល ដែល​រហូត​មកទល់ពេលនេះ សម្រេចការ​សាងសង់ បាន ១០០ ភាគរយ​ហើយ​។​

​ការប្រកួត​បាល់​ទឹក​

​កម្មវិធី​នេះ មាន​សមាសភាព​ចូលរួម ពី​លោក និង​សមាជិក សមាជិកា ក្រុមការងារ​ថ្នាក់កណ្ដាល ចុះជួយ​ស្រុក ឃុំ សមាជិក សមាជិកា គណៈអចិន្ត្រៃយ៍ គណបក្ស​ស្រុក គណៈកម្មការ​បក្ស​ស្រុក ប្រធាន​គណបក្ស​ឃុំ យុវជន ស្រុក​-​ឃុំ លោកគ្រូ អ្នកគ្រូ នាយក នាយករង លោកគ្រូ អ្នកគ្រូ ទទួលបន្ទុក​ការងារ​កីឡា និង​កីឡាករ​-​កីឡាការិនី ហែល​ទឹក មកពី​រាជធានី​ភ្នំពេញ សរុប​ទាំងអស់​ប្រមាណ ២០០ នាក់​។​

​លោក ហែម គិរី អគ្គលេខាធិការ សហព័ន្ធ បាន​ប្រាប់​ឲ្យ​ដឹងថា កម្មវិធី​នេះ មានការ​រៀបចំ ឲ្យ​មានការ​ប្រកួត​ហែល​ទឹក និង​លេង​បាល់​ទឹក សាកល្បង លើកទីមួយ ដឹកនាំ​ដោយ​លោក​ប្រធាន ដើម្បី​ជំរុញ​លើកទឹកចិត្ត និង​បំផុស​ចលនា​យុវជន យុវនារី សិស្សានុសិស្ស ក្នុង​វិទ្យាល័យ​ទាំង ៤ នៃ​ស្រុក​កោះធំ ឲ្យ​ចូលរួម ក្នុង​វិស័យ​កីឡា ដើម្បី​លើកកម្ពស់​សុខភាព ក៏ដូចជា​ស្វែងរក​កីឡាករ ដែលមាន​សមត្ថភាព​ខ្ពស់ អាច​ត្រៀម​ចូលរួម​ប្រកួត ក្នុង​ព្រឹត្តិការណ៍ កីឡា​ថ្នាក់ជាតិ និង​អន្តរជាតិ​។​

​ទាក់ទង​នឹង​វិស័យ​កីឡា​វិញ លោក​បាន​បន្ថែមថា ពី​ដើម​កីឡដ្ឋាន​ស្រុក​កោះធំ​នេះ ជា​ដី​លិច​ទឹក ប៉ុន្តែ​តាមរយៈ កិច្ចខិតខំ​ប្រឹងប្រែង របស់​រាជរដ្ឋាភិបាល ក្រោម​ការដឹកនាំ​របស់ គណបក្ស​ប្រជាជន​កម្ពុជា បាន​សាងសង់​កន្លែង បាល់ទាត់ បាល់បោះ បាល់ទះ ជាពិសេស​អាង​ហែល​ទឹក ខ្នាត​អន្តរជាតិ ដែល​អាច​ហ្វឹកហាត់​កីឡាករ កីឡាការិនី ដើម្បី​ត្រៀមខ្លួន​ចូលរួម ប្រកួត​កីឡា​ស៊ី​ហ្គេម (SEA GAMES) ឆ្នាំ​២០២៣ ដែល​កម្ពុជា នឹង​ធ្វើជា​ម្ចាស់ផ្ទះ​៕v

ទីតាំងផ្សាយពាណិជ្ជកម្ម

- Advertisment -

Most Popular

រដូវវស្សា​ឆ្នាំ​២០២០​ចូលដ...

​ដោយៈ​ប​.​ខុន​/​ភ្នំពេញៈ​...

ជនជាតិ​ចិន​បើករថយន្ត​បុក​...

​ដោយ​:​ស​រិ​ទ្ធ​/​ភ្នំពេញ...

​ឃាត់ខ្លួន​ជនសង្ស័យ​បីនាក...

​ដោយៈ ស​រិ​ទ្ធ / ភ្នំពេញៈ...

​អាវុធហត្ថ​រាជធានី ស្ម័គ្...

​ដោយៈ រ៉ា​ម៉ន / ភ្នំពេញៈ ...