Home ព័ត៌មានជាតិ សង្គម អាជ្ញាធរខេត្ត...

អាជ្ញាធរខេត្ត​កំពង់ឆ្នាំង​គ្រោង​ធ្វើ​ផ្លូវ​២​ខ្សែ​ទៅកាន់​រមណីយដ្ឋាន​ធម្មជាតិ​ទឹកធ្លាក់​ថ្ម​ក្រាល និង​ទឹកធ្លាក់​ស្រែអំពិល ក្នុងស្រុក​ទឹកផុស​

ដោយ​: សន សក្តា / កំពង់ឆ្នាំង​: អាជ្ញាធរខេត្ត​កំពង់ឆ្នាំង សហការ​ជាមួយ​ក្រសួង​ពាក់ព័ន្ធ គ្រោង​នឹងធ្វើ​ផ្លូវ​២​ខ្សែរ​ឆ្ពោះទៅកាន់​តំបន់​ទេសចរណ៍ធម្មជាតិ​ទឹកធ្លាក់​ថ្ម​ក្រាល និង​ទឹកធ្លាក់​ស្រែអំពិល ក្នុងស្រុក​ទឹកផុស ដើម្បី​ឲ្យ​ភ្ញៀវ​ទេសចរណ៍ ដែល​ទៅលេង​កំសាន្ត​នៅ​តំបន់​ទាំង​២​នេះ ធ្វើដំណើរ​បាន​ឆាប់រហ័ស និង​ងាយស្រួល​ជាង​មុន​។ នេះ​បើតាម​ការបញ្ជាក់​ឲ្យ​ដឹង​ពី​លោក ស៊ុន សុវណ្ណារិទ្ធ អភិបាលរង​ខេត្តកំពង់ឆ្នាំង ក្នុង​ពិធី​បិទ​សន្និបាត​បូកសរុប​លទ្ធផល​ការងារ​យោធា​ឆ្នាំ​២០១៩​និង​លើក​ទិសដៅ​ការងារ​ឆ្នាំ​២០២០ របស់​តំបន់​ប្រតិបត្តិការ​សឹក​រង​ខេត្តកំពង់ឆ្នាំង នា​ព្រឹក​ថ្ងៃទី​១០ ខែ​មិនា ឆ្នាំ​២០២០ ។​

​លោក​អភិបាលរង​ខេត្ត​បាន​ឲ្យ​ដឹងថា តំបន់​ទេសចរណ៍​ទាំង​២​នេះ មាន​ទឹកធ្លាក់​ពីលើ​ថ្ម ទាំង​ប្រាំង ទាំង​វស្សា រំលិច​ទៅដោយ​ដើម​រុក្ខជាតិ តូចធំ បង្កើតជា​សម្រស់​ធម្មជាតិ​ដ៏​ស្រស់ត្រកាល និង មាន​កន្លែង​លេង​ទឹកជា​ច្រើន កំពុងមាន​ការចាប់អារម្មណ៍​យ៉ាងខ្លាំង ពី​ភ្ញៀវ​ទេសចរណ៍​ជាតិ​និង​អន្តរជាតិ​ផងដែរ​។ ប៉ុន្តែ​បច្ចុប្បន្ន​ផ្លូវ​ទៅកាន់​តំបន់​ទេសចរណ៍​ទាំង​២​នេះ នៅ​មិនទាន់​ធ្វើ​ឲ្យ​បានល្អ​នៅឡើយ​។

​ដើម្បី​បង្ករ​លក្ខ​ណះ​ងាយស្រួល​សម្រាប់​ភ្ញៀវ​ទេសចរណ៍​ទៅលេង​កំសាន្ត អាជ្ញាធរខេត្ត​កំពង់ឆ្នាំង បានរួម​សហការ​ជាមួយ​ក្រសួង​ពាក់ព័ន្ធ គ្រោង​នឹង​ស្ថាបនា​ផ្លូវ​ចំនួន​២​ខ្សែ​ឆ្ពោះទៅកាន់​តំបន់​ទេសចរណ៍ ដែល​កំពុងមាន​ការចាប់​អារម្មណ៍​ទាំង​២​នេះ​។ ក្រៅពី​ការធ្វើ​ផ្លូវ អាជ្ញាធរខេត្ត​នឹង​រៀប​កន្លែង​លេង​ទឹក កញ្ចុះ​សម្រាប់​ភ្ញៀវ​អង្គុយ​លំហែរ​កាយ ធ្វើ​ឡរ​ដុត​សម្រាម ដើម្បី​ការពារ​បរិស្ថាន​ឲ្យ​បានល្អ ។

​លោក​ស៊ុន សុវណ្ណ​រិ​ទ្ធ បាន​ឲ្យ​ដឹង​ទៀតថា នៅក្នុងពេល​ខាងមុខនេះ អាជ្ញាធរខេត្ត​កំពង់ឆ្នាំង​នឹង​រៀបចំ​ធ្វើ​សួនច្បារ​ថ្មី​មួយទៀត នៅខាងមុខ​វត្ត​ទេពធីតា​រ៉ា​ម ( វត្ត​យាយ​ទេព​) ស្ថិតក្នុង​សង្កាត់​ផ្សារឆ្នាំង ក្រុង​កំពង់ឆ្នាំង រៀបចំ​ច្រាំងទន្លេ​នៅ​ផ្សារ​ក្រោម ដើម្បី​ឲ្យ​ក្រុង​កំពង់ឆ្នាំង កាន់​តែមាន​ភាពស្រស់ស្អាត ទាក់ទាញ​ភ្ញៀវ​ទេសចរណ៍​ជាតិ​និង​អន្តរជាតិ ឲ្យ​មានការ​ចាប់អារម្មណ៍​និង​មកលេង​មក​សាន្ត ។​

​សូមបញ្ជាក់ថា ទឹកធ្លាក់​ថ្ម​ក្រាល​កំពុងមាន​ការចាប់​អារម្មណ៍​ខ្លាំង​ពី​ភ្ញៀវ​ទេសចរណ៍​ទាំង​នៅក្នុង​ខេត្ត និង​មកពី​ក្រៅ​ខេត្ត​។ តំបន់​ទេសចរណ៍ធម្មជាតិ​ទឹកធ្លាក់​ថ្ម​ក្រាល មាន​ទីតាំង​ស្ថិតនៅ​ក្នុងភូមិ​កោះ​ខ្ទុំ ឃុំ​ជៀប ស្រុក​ទឹកផុស ខេត្តកំពង់ឆ្នាំង​មាន​ចម្ងាយ​២៨​គីឡូម៉ែត្រ ពី​ទីរួមស្រុក​ទឹកផុស​និង​ប្រមាណ​ជា​៥០​គីឡូម៉ែត្រ​ភាគ​ខាងលិច នៃ​ទី​រួម​ខេត្តកំពង់ឆ្នាំង​។​

​ដោយឡែក​តំបន់​ទេសចរណ៍​ទឹកធ្លាក់​ធម្មជាតិ «​ស្រែអំពិល​» មាន​ទីតាំង​ស្ថិតក្នុង​ឃុំ​ក្តុល​សែន​ជ័យ ស្រុក​ទឹកផុស ខេត្តកំពង់ឆ្នាំង​។ បច្ចុប្បន្ន​តំបន់​ទេសចរណ៍​ដ៏ ស្រស់ត្រកាល​មួយ​នេះ កំពុងមាន​ការចាប់អារម្មណ៍ ពី​ភ្ញៀវ ទេសចរណ៍​ជាតិ​ទាំង​ក្នុងស្រុក​និង​ក្រៅ​ស្រុក​។​

​នៅពេលនេះ​អាជ្ញាធរ​កំពុងធ្វើការ​រៀប​ចំ កែឆ្នៃ​បន្ថែម ដើម្បី​ឱ្យមាន​ភាពងាយស្រួល​ដល់​បងប្អូន​ប្រជាពលរដ្ឋ និង ភ្ញៀវ​ទេសចរណ៍ ដែលមាន​បំណង​ទៅ​កម្សាន្ត​នៅ​កន្លែង​ទឹកធ្លាក់​ដ៏​ស្រស់ត្រកាល​នេះ មាន​ភាពងាយស្រួល​ក្នុងការ​អង្គុយលេង និង​សម្រាក​ញ៉ាំ​អាហារ​ផងដែរ​៕ ល​

ទីតាំងផ្សាយពាណិជ្ជកម្ម

- Advertisment -

Most Popular

​ ​ហោរាសាស្ត្រ​

​ប្រចាំថ្ងៃ​ពុធ ទី២ ខែធ្ន...

អន្តេវាសិក​,​អន្តេវាសិន​,...

ដោយៈ​ដកស្រង់​ពី​វចនានុក្រ...

រដ្ឋាភិបាល​កម្ពុជា​ជួយ​ម៉...

​ដោយៈ​បាយ័ន​/​ភ្នំពេញ...

ជួសជុល​លុប​ជង្ហុក សំបុកមា...

​ដោយ​:​រ៉ា​ម៉ន​/​ភ្នំពេញ​...