Home ព័ត៌មានអន្តរជាតិ ជប៉ុន​បញ្ចេញ​...

ជប៉ុន​បញ្ចេញ​ថវិកា​ចំនួន ៤​ពាន់​លាន​ដុល្លារ​ដើម្បី​ប្រយុទ្ធ​ប្រឆាំង​កូវី​ដ​-១៩

​ក្រុមការងារ​ដែល​បង្កើត​ឡើង​ដោយ​នាយក​រដ្ឋមន្ត្រី​ជប៉ុន លោក​ស៊ីន ហ្សូ អាបេ​កាលពី​ថ្ងៃ​អង្គារទី​១០​មីនា បានអនុម័ត​កញ្ចប់​ថ​វិកា​ចំនួន​៤៣០ ពាន់​លាន​យ៉េន (៤,១​ពាន់​លាន​ដុល្លារ​) ដោយ​រួម​បញ្ចូល​ទាំង​ការគាំទ្រ​ដល់​អាជីវកម្ម​ខ្នាតតូច​និង​មធ្យម​ដែល​រងគ្រោះ​ដោយសារ​ការឆ្លង​រាលដាល​នៃ​វីរុស​កូវី​ដ​-១៩​ ស្រប​ពេល​មាន​​ការរិះគន់​លើ​ចំណាត់ការ​របស់​លោក​ចំពោះ​វិបត្តិ​នេះ​។​

​ក្នុងចំណោម​ប្រាក់​សង្គ្រោះ​ផ្សេងៗ កញ្ចប់​ថវិកា​នេះ​ក៏​រួម​បញ្ចូល​ទាំង​ប្រាក់​ឧបត្ថម្ភ​សម្រាប់​ឪពុកម្តាយ​ដែល​ត្រូវការ​ឈប់សម្រាក​ពី​ការងារ​ដោយសារ​ការបិទ​សាលា​​រៀន ការផ្តល់​មូលនិធិ​សម្រាប់​ការអភិវឌ្ឍ​វ៉ាក់សាំង​ប្រឆាំង​វីរុស និង​ឧបករណ៍​ធ្វើតេស្តិ៍​និង​សម្រាប់​ការផលិ​តម៉ាស់​ការពារ​បន្ថែម​។​

​លោក អាបេ​បាន​បន្ត​ដាក់​សំណើ​របស់​រដ្ឋាភិបាល​សម្រាប់​សាធារណ​ជន​និង​អ្នករៀបចំ​ឱ្យ​លុបចោល ផ្អាក និង​បង្រួម​ការរៀបចំ​ព្រឹត្តិការណ៍​នានា​រយៈពេល​១០ ថ្ងៃ​ទៀត​ដើម្បី​ជួយ​កាត់បន្ថយ​ហានិភ័យ​នៃ​ការឆ្លង​រាលដាល​វីរុស​បន្ថែមទៀត​។​

​ផែនការ​នៃ​ថវិកា​នេះ​ក៏​រួម​បញ្ចូល​ទាំង​ការគាំទ្រ​ដល់​មន្ទីរពេទ្យ​នានា​ដែល​ត្រៀម​រៀបចំ​សម្រាប់​ការកើនឡើង​នៃ​ចំនួន​អ្នក​ជំងឺដែល​អាច​កើតមាន​នៅ​ប៉ុន្មាន​​សប្តាហ៍​ខាង​មុខ​នេះ​។ តាម​ការប៉ាន់ស្មាន​របស់​ក្រសួង​សុខាភិបា​ល មនុស្ស​២០.០០០​នាក់​អាច​ចូល​សម្រាក​ព្យាបាល​នៅ​មន្ទីរពេទ្យ​និង ៤៥.០០០​នាក់​ទៀត​អាច​​គ្រាន់តែ​មក​ព្យាបាល​រួច​ចេញ​ទៅ​វិញ​ក្នុង​មួយថ្ងៃ​។​

​គិត​មក​ត្រឹម​ថ្ងៃ​អង្គារ​ទី​១០​ខែ​មីនា ជប៉ុន​មាន​ករណី​ឆ្លង​វីរុស​នេះ​ជាង​១.២៧៨​ករណី​ដោយមាន​អ្នក​ស្លាប់​ដោយ​វីរុស​នេះ ចំនួន​១៩​នាក់​៕​ប្រែ​សម្រួល​៖​សុខា​/sn/Ha

លោក​ស៊ីន ហ្សូ អាបេ​(​រូប​ឆ្វេង​) ថ្លែង​នៅក្នុង​អំឡុង​កិច្ចប្រជុំ​មួយ​ស្តីពី​ការប្រយុទ្ធ​ប្រឆាំង​វីរុស​កូវី​ដ​-១៩ កាលពី​ថ្ងៃ​អង្គារ​នៅ​ទីក្រុង​តូ​ក្យូ​

ទីតាំងផ្សាយពាណិជ្ជកម្ម

- Advertisment -

Most Popular

បិទ​ការធ្វើ​ចរាចរណ៍​កំណាត...

​ដោយៈ រ៉ា​ម៉ន / ភ្នំពេញៈ ...

មន្ត្រី​ជំនាញ ទទូច​ជាថ្មី...

ដោយៈ សុ​ផានី​តា / កោះកុងៈ...

អាវ​ម៉ា​រ៉ាដូ​ណា​ថ្ងៃ​យក​...

​ប្រែ​សម្រួល : កញ្ញា​ដា​ល...

ប្រធានាធិបតី​ប្រេ​ស៊ីល​ថា...

​ប្រែ​សម្រួល : កញ្ញា​ដា​ល...