Home ព័ត៌មានអន្តរជាតិ មនុស្ស៦នាក់ទៀ...

មនុស្ស៦នាក់ទៀតឆ្លងវីរុសកូរ៉ូណា នាំឱ្យអ្នកឆ្លងសរុបក្នុងប្រទេសថៃកើនឡើងដល់ ៥៩ នាក់

នៅថ្ងៃពុធទី១១មីនានេះ ក្រសួងសុខាភិបាលថៃបានរាយការណ៍ថាមានករណីថ្មីនៃវីរុសកូវីដ១៩ចំនួន ៦ ក្នុងស្រុក ក្នុងនោះមានជនជាតិថៃ ៥ នាក់និងសិង្ហបុរីម្នាក់ ដោយនាំឱ្យករណីសរុបឡើងដល់ ៥៩ នាក់។

លោកសុផុន អៀមសិរីថាវ័ន ប្រធាននាយកដ្ឋានត្រួតពិនិត្យជំងឺ បាននិយាយថា ក្នុងចំណោមករណីថ្មីទាំង ៦ មាន២នាក់ជាមន្ត្រីធ្វើការនៅអាកាសយានដ្ឋានសុវណ្ណភូមិ។ អ្នកទាំងពីរជាមន្រ្តីអន្តោប្រវេសន៍។

ម្នាក់ក្នុងចំណោមបុរសទាំងពីរនាក់ គឺបុរសអាយុ ២១ ឆ្នាំ បានធ្លាក់ខ្លួនឈឺនៅថ្ងៃទី ៨ ខែមីនា ដោយមានអាការៈគ្រុនក្តៅ ហៀរសំបោរ និងឈឺក្បាល។ លោកវេជ្ជបណ្ឌិតសុផុននិយាយថា ការធ្វើតេស្តនៅមន្ទីរពិសោធន៍ពីរបង្ហាញលទ្ធផលវិជ្ជមានវីរុសកូវីដ១៩។

មន្រ្តីអន្តោប្រវេសន៍ទី ២ អាយុ ៤០ ឆ្នាំបានធ្វើការនៅតំបន់ផ្សេងគ្នា។ គាត់មានអាការៈគ្រុនក្តៅនិងក្អកនៅថ្ងៃទី ៧ ខែមីនាហើយស្វែងរកការព្យាបាលនៅមន្ទីរពេទ្យឯកជន។

បុរសទាំងពីរនាក់បានប៉ះពាល់ជាមួយភ្ញៀវទេសចរបរទេស ហើយបានប៉ះវត្ថុផ្សេងៗដូចជាវ៉ាលិសនិងលិខិតឆ្លងដែន។

អ្នកជំងឺទី៦ជនជាតិសិង្ហបុរីអាយុ ៣៦ ឆ្នាំ គឺជាពាណិជ្ជកររកស៊ីនៅក្នុងប្រទេសថៃ ហើយជនជាតិថៃ៣នាក់ទៀតគឺមានប្រុស២និងស្រីម្នាក់ អាយុពី២៥ដល់៣៦ឆ្នាំ និងទើបមកពីកូរ៉េខាងត្បូង និងជប៉ុន៕ ដោយ៖ កញ្ញាដាលីស

ថៃមានអ្នកឆ្លងវីរុសកូរ៉ូណា ៥៩ នាក់ហើយគិតត្រឹមថ្ងៃពុធនេះ

ទីតាំងផ្សាយពាណិជ្ជកម្ម

- Advertisment -

Most Popular