មន្ត្រី​អំពាវនាវ​ពលរដ្ឋ​កុំឱ្យ​ជឿ​ក្រុម​បំពុលសង្គម​និង​សុំឱ្យ​អ្នកសារព័ត៌មាន​ប្រយុទ្ធប្រឆាំង​ព័ត៌មាន​ក្លែងក្លាយ​ពាក់ព័ន្ធ Covid-19

កិច្ចពិភាក្សា​ស្តីពី «​សារព័ត៌មាន​ចំពោះមុខ​Covid-19​និង​ព័ត៌មាន​ក្លែងក្លាយ​»​ដែល​បាន​រៀបចំឡើង​ក្លិប​អ្នកកាសែត​កម្ពុ​ជានា​ភោជនីយដ្ឋាន​ទន្លេ បាសាក់​២ កាល ពី​ព្រឹក​ថ្ងៃទី​១១​ខែមីនា​ឆ្នាំ​២០២០

ដោយៈ​ដេប៉ូ​/​ភ្នំពេញៈ​ស្របពេល​ដែល​ជំងឺ​ខូ​វីដ​១(Covid-019)​កំពុង​រាតត្បាត​ស្ទើរ​ពាសពេញ​ពិភពលោក​និង​កំពុង​បង្ក​ការព្រួយបារម្ភ​ខ្លាំង​dl’​ប្រជាពលរដ្ឋ​នោះ​ព័ត៌មាន​ក្លែងក្លាយ​កំពុងតែ​បំពុលបរិយាកាស​ក្នុងសង្គម​ពិសេស​នៅ​កម្ពុជា​តែម្តង​។​តាមរយៈ​នេះ​ក្រសួង​ព័ត៌មាន​,​ក្រសួងសុខាភិបាល​និង​ក្លិប​អ្នកកាសែត​កម្ពុជា​(​ក​.​អ​.​ក​)​បាន​ជំរុញ​ឱ្យ​អ្នកសារព័ត៌មាន​ចូលរួម​ទប់ស្កាត់​និង​បាន​សំណូមពរ​ឱ្យ​ពលរដ្ឋ​មិនត្រូវ​ជឿជាក់​ដោយ​គ្មាន​មូលដ្ឋាន​នោះឡើយ​។​
ការជំរុញ​ដល់​អ្នកសារព័ត៌មាន​ចូលរួម​ទប់ស្កាត់​ព័ត៌មាន​ក្លែងក្លាយ​របស់​មន្ត្រី​ពាក់ព័ន្ធ​នេះដែរ​ធ្វើឡើង​ក្នុង​កិច្ចពិភាក្សា​ស្តីពី «​សារព័ត៌មាន​ចំពោះមុខ​Covid-19​និង​ព័ត៌មាន​ក្លែងក្លាយ​»​ដែល​បាន​រៀបចំឡើង​ក្លិប​អ្នកកាសែត​កម្ពុ​ជានា​ភោជនីយដ្ឋាន​ទន្លេ បាសាក់​២ កាល ពី​ព្រឹក​ថ្ងៃទី​១១​ខែមីនា​ឆ្នាំ​២០២០​។​

កិច្ចពិភាក្សា​ស្តីពី «​សារព័ត៌មាន​ចំពោះមុខ​Covid-19​និង​ព័ត៌មាន​ក្លែងក្លាយ​»​ដែល​បាន​រៀបចំឡើង​ក្លិប​អ្នកកាសែត​កម្ពុ​ជានា​ភោជនីយដ្ឋាន​ទន្លេ បាសាក់​២ កាល ពី​ព្រឹក​ថ្ងៃទី​១១​ខែមីនា​ឆ្នាំ​២០២០​។​


លោក​ប៉ែន​បូ​ណា​ប្រធាន​ក្លិប​អ្នកកាសែត​កម្ពុជា​បាន​លើកឡើងថា​ព័ត៌មាន​ក្លែងក្លាយ​បច្ចុប្បន្ន​ងាយ​កើតឡើង​ណាស់​ដោយសារ​នាពេល​បច្ចុប្បន្ន​យើង​មាន​ប្រព័ន្ធ​បច្ចេកវិទ្យា​ទំនើប​ពិសេស​ហ្វេ​ស​ប៊ុ​ក​។​ហេតុនេះ​នៅពេល​កើត​បញ្ហា​ឡើង​គេ​ងាយ​ចែករំលែក​បន្ត​ធ្វើឱ្យ​ព័ត៌មាន​ងាយ​ទទួលបាន​ច្រើន​គ្នា​ពី​មនុស្ស​ម្នាក់​ទៅ​ម្នាក់​ដែល​ហេតុនេះ​ធ្វើឱ្យ​ពលរដ្ឋ​ងាយ​ទទួលបាន​នូវ​អ្វីដែល​មិន​ពិត​។​


​លោ​កថា​ដើម្បី​ផ្តល់​ទំនុកចិត្ត​ដល់​ពលរដ្ឋ​អ្នកសារព័ត៌មាន​មុន​ចុះផ្សាយ​អ្វីមួយ​ត្រូវ​ផ្ទៀងផ្ទាត់​ព័ត៌មាន​ឱ្យ​ច្បាស់លាស់​បើ​ពុំ​នោះទេ​អាចធ្វើឱ្យ​គ្រោះថ្នាក់​ដល់​សង្គម​។​ព្រម​ជាមួយគ្នានេះ​ដើម្បីឱ្យ​ពលរដ្ឋ​ជឿជាក់​អ្នកសារព័ត៌មាន​ត្រូវ​ដកស្រង់​ព័ត៌មាន​ដែលជា​ប្រភព​ពិតប្រាកដ​និង​ជាម​ន្ត្រី​ជំនាញ​ពាក់ព័ន្ធ​។


​ដោយឡែក​លោកស្រី ឱ វណ្ណឌី​ន រដ្ឋលេខាធិការ និង​ជា​អ្នកនាំពាក្យ​ក្រសួងសុខាភិបាល បាន​ថ្លែងថា បច្ចុប្បន្ន​ដោយសារតែ​ក្នុង​ស្រទាប់​ប្រជាពលរដ្ឋ​មានការ​ព្រួយបារម្ភ​លើ​បញ្ហា​ជំងឺ Covid-19 ធ្វើឱ្យ​ជន​ឆក់​ឱកាស​មួយចំនួន​បំពុលសង្គម​។​ព្រមជាមួយ​គ្នា​ការចែករំលែក​នូវ​ព័ត៌មាន​មិន​ពិត​នេះដែរ​ធ្វើឱ្យ​កើតចេញ​នូវ​ការ​បំភ័យ​និង​វា​បាន​បំភាន់​ឱ្យ​ពលរដ្ឋ​មានការ​ភ្ញាក់ផ្អើល​។​
​លោកស្រី​មានប្រសាសន៍ថា​បច្ចុប្បន្ន​នេះ​តាម​ការសរសេរ​ក៏ដូចជា​ការលើកឡើង​បស់​អង្គការ​សុខភាព​ពិភពលោក ហើយ​ក៏មាន​អត្ថបទ​លើកឡើង​ពី​មជ្ឈមណ្ឌល​ប្រយុទ្ធ​ជំងឺឆ្លង​បញ្ជាក់ថា ពាក់ព័ន្ធ​នឹង​ជំងឺ​ក្លែងក្លាយ ឬ​ព័ត៌មាន​មិន​ពិត​គឺមាន​ចំនួន​១៤២​ដង ច្រើនជាង​ព័ត៌មាន​ដែល​ពិត​មានតែ​មួយដង​ប៉ុណ្ណោះ​។ ដោយសារ​ចំនួន​ព័ត៌មាន​មិន​ពិត​លើសលប់​នេះដែរ បានធ្វើឱ្យ​មានការ​ជ្រួលច្របល់​។

លោកស្រី ឱ វណ្ណឌី​ន រដ្ឋលេខាធិការ និង​ជា​អ្នកនាំពាក្យ​ក្រសួងសុខាភិបាល


​ជាមួយគ្នានេះ​លោកស្រី​បាន​មានប្រសាសន៍ថា “​សូម​បងប្អូន​កុំ​មើល​ព័ត៌មាន​ដែល​តក់ស្លុត​ផ្ទុយ​មកវិញ​ត្រូវ​ស្រាវជ្រាវ​ព័ត៌មាន​ដែល​ទុកចិត្តបាន​។​យើង​ត្រូវ​មើល​ប្រភព​ដែល​ទុកចិត្តបាន​ពិសេស​សារព័ត៌មាន​ដែលជា​ទុកចិត្ត​ក្នុងនេះ​រាប់ទាំង​ការដកស្រង់​ពី​មន្ត្រី​ជំនាញ​និង​ពិសេស​អង្គការ​សុខភាព​ពិភពលោក​ចេញ​ផ្សព្វផ្សាយ​ទើប​ប្រើ​ជា​ផ្លូវការ​បាន​”​។​
​ពាក់ព័ន្ធ​នឹង​ការផ្សាយ​ព័ត៌មាន​អំពី​វីរុស Covid-19​នេះដែរ លោកស្រី​បានស្នើ​ដល់​អ្នកសារព័ត៌មាន​ត្រូវ​ផ្សាយ​ព័ត៌មាន​ដែល​ចេញពី​ក្រសួងសុខាភិបាល ឬ​វិទ្យាស្ថាន​ប៉ាស្ទ័រ​កម្ពុជា ព្រោះ​មានតែ​២​ស្ថាប័ន​នេះ ដែល​អាច​បញ្ជាក់​ពី​បញ្ហា​របស់​វីរុស Covid-19 ។​
​ទ​ន្ទឺ​ម​ជាមួយនឹង​វត្តមាន​វីរុស Covid-19​ដែល​ត្រូវបាន​គេ​ពិនិត្យ​រកឃើញ​ចុងក្រោយ​ថ្មីៗ​នៅ​ខេត្តសៀមរាប​និង​កំពង់ចាម​នេះដែរ​លោកស្រី​ឱ វណ្ណឌី​ន​បាន​លើកឡើងថា​ពលរដ្ឋ​ត្រូវតែ​នឹង​ចិត្ត​ហើយ​ប្រកប​រប​រកស៊ី​ធម្មតា ហើយ​ដាច់ខាត​មិនត្រូវ​ជឿ​លើ​ក្រុមមនុស្ស​បំពុលសង្គម​ឡើយ​។​


​យ៉ាងណាក្តី​លោកស្រី​ឱ វណ្ណឌី​ន​បានលើកឡើង​ដែរ​ថា​គ្រូពេទ្យ​គឺជា​អ្នក​នៅ​ជួរមុខ​ប្រយុទ្ធប្រឆាំង​ទៅនឹង​វីរុស Covid-19​ប៉ុន្តែ​គិត​រហូតមកដល់​ពេលបច្ចុប្បន្ន​នេះ​គេ​មិនទាន់​រកឃើញ​គ្រូពេទ្យ​កម្ពុជា​ឆ្លង​ជំងឺ​នេះ​នៅឡើយ​ទេ​។​
​ដោយឡែក​លោក ផុស សុវណ្ណ ប្រតិភូ​រាជរដ្ឋាភិបាល ទទួលបន្ទុក​អគ្គនាយក​ដ្ឋា​ន​ព័ត៌មាន និង​សោតទស្សន៍​បាន​ថ្លែង​ពាក់ព័ន្ធ​ទៅនឹង​ព័ត៌មាន​ក្លែងក្លាយ​កំពុប​ង្ក​ការបំភិតបំភ័យ​ក្នុង​ស្រទាប់​ប្រជាពលរដ្ឋ​នេះដែរ​ថា​ក្រសួង​កំពុង​តាមដាន​មើល​យ៉ាង​យកចិត្តទុកដាក់​។ ចំពោះ​ចំណាត់​របស់​ក្រសួង គឺ​ត្រូវ​តាមដាន​ព័ត៌មាន​ណា​ដែល​មិន​ពិត ឬ​ក្លែងក្លាយ ដើម្បី​ស្រង់​ព័ត៌មាន​ក្លែងក្លាយ​នេះ ផ្ញើ​ទៅ​នាយកដ្ឋាន​ប្រឆាំង​បទល្មើស​បច្ចេកវិទ្យា​ក្រសួងមហាផ្ទៃ ដើម្បី​ស្វែងរក​ម្ចាស់​គណនី​ហ្វេ​ស​ប៊ុ​កណា ដែល​បានធ្វើ​ការផ្សាយ​ព័ត៌មាន​មិន​ពិត ធ្វើអោយប៉ះពាល់​ដល់​សន្តិ​សុខ និង​សង្គមជាតិ​។​
​ទន្ទឹម​ជាមួយគ្នានេះ​ក្រសួង​ព័ត៌មាន​ក៏បាន​អំពាវនាវ​ដល់​អ្នកសារព័ត៌មាន ចូលរួម​ក្នុង​ការធ្វើ​ប្រយុទ្ធប្រឆាំង​ព័ត៌មាន​ក្លែងក្លាយ ដើម្បី​ផ្តល់​សេចក្តីទុកចិត្ត​ដល់​ប្រជាពលរដ្ឋ​កុំឱ្យ មានការ​ភ័យខ្លាច​។


​គួរ​បញ្ជាក់ដែរថា​គិត​រហូតដល់​ពេលនេះ កម្ពុជា​បាន​រកឃើញ​អ្នកមាន​ជំងឺ​Covid-19 ចំនួន​៣​នាក់​ប៉ុណ្ណោះ​ក្នុងនេះ​រួមមាន ជនជាតិ​ចិន​ម្នាក់ ដែល​មកពី​ទីក្រុង​វូ​ហាន ,​ទី​២ បុរស​ជនជាតិខ្មែរ​ម្នាក់ នៅ​ខេត្តសៀមរាប ដែល​ឆ្លង​ពី​ជនជាតិ​ជប៉ុន និង​ទី​៣ ស្ត្រី​ជនជាតិ​អង់គ្លេស​ម្នាក់ ដែល​បាន​ចូលមក​កម្ពុជា តាមរយៈ​នាវា​ទេសចរណ៍​របស់​វៀតណាម​៕សរន

កិច្ចពិភាក្សា​ស្តីពី «​សារព័ត៌មាន​ចំពោះមុខ​Covid-19​និង​ព័ត៌មាន​ក្លែងក្លាយ​»​ដែល​បាន​រៀបចំឡើង​ក្លិប​អ្នកកាសែត​កម្ពុ​ជានា​ភោជនីយដ្ឋាន​ទន្លេ បាសាក់​២ កាល ពី​ព្រឹក​ថ្ងៃទី​១១​ខែមីនា​ឆ្នាំ​២០២០​

ទីតាំងផ្សាយពាណិជ្ជកម្ម

- Advertisment -



Most Popular