Home ព័ត៌មានជាតិ សេដ្ឋកិច្ច ក្រុមហ៊ុន​កម្...

ក្រុមហ៊ុន​កម្ពុជា និង អាមេរិក សហការ​អភិវឌ្ឍ​ប្រព័ន្ធ​ផ្ទុក​ទិន្នន័យ​ដ៏​ធំ​សម្រាប់វិស័យ​អចលនទ្រព្យ​

ដោយៈ​សុផល​/​ភ្នំពេញ​៖ ក្រុមហ៊ុន Z1 Data Co., LTD(Cambodia)​ដែលជា​ក្រុមហ៊ុន​ឯកទេស​ខាង​ប្រើ​ប្រាស់​បញ្ញា​សិប្បនិម្មិត Artificial Intelligence (AI)​ដើម្បី​ស្រាវជ្រាវ​និង​វិភាគ​ទិន្នន័យ​​ក្នុង​វិស័យ​អចលនទ្រព្យ​បាន​ចុះ​អនុស្សរណៈ​យោគយល់​គ្នា​ជាមួយ​ក្រុមហ៊ុន​TheDevMasters​ដែលមាន​មូលដ្ឋាន​នៅ​សហរដ្ឋអាមេរិក​ដើម្បី​សហការ​អភិវឌ្ឍន៍​ប្រព័ន្ធ​ផ្ទុក​ទិន្នន័យ​ដ៏​ធំ​មួយ​សម្រាប់​ពាណិជ្ជកម្ម​ក្នុង​វិស័យ​អចលនទ្រព្យ​។

​ក្រុមហ៊ុន​TheDevMasters​គឺជា​ក្រុមហ៊ុន​មាន​ឯកទេស​ខាង​ប្រឹក្សា​និង​បណ្តុះបណ្តាល​ការប្រើប្រាស់​បញ្ញា​សុ​ប្ប​និម្មិត Artificial Intelligence(AI)​ដើម្បី​វិភាគ​ទិន្នន័យ​ដែល​បាន​ជួយ​ក្រុមហ៊ុន​ជាច្រើន​ក្នុងការ​អភិវឌ្ឍន៍​កម្មវិធី​ទិន្នន័យ​ពាណិជ្ជកម្ម​ឲ្យ​ឆ្លើយតប​នឹង​តម្រូវការ​ទីផ្សារ​ជាក់ស្តែង​។​អនុស្សារណៈ​យោគយល់​នេះ​ត្រូវបាន​ចុះហត្ថលេខា​ដោយ​លោក ហ៊ឹម សីហា ដៃគូ និង​ជានា​យក ក្រុមហ៊ុន Z1 Data Co., LTD(Cambodia)​និង​លោក Arshad Khan ដែលជា​នាយក​ប្រតិបត្តិ​នៃ​ក្រុមហ៊ុន The DevMasters កាលពី​ព្រឹក​ថ្ងៃទី​១១ ខែ មីនា ឆ្នាំ​២០២០ នៅ​សណ្ឋាគារ ឡឺ​រ៉ូយ៉ាល់ រាជធានី​ភ្នំពេញ​។​

​លោក ហ៊ឹម សីហា នាយក ក្រុមហ៊ុន Z1 Data Co., LTD (Cambodia)​បានលើកឡើង ​ថា​៖​វិស័យ​អចលនទ្រព្យ​កម្ពុជា​មានការ​រីកចម្រើន​យ៉ាងខ្លាំង​ដោយមាន​ក្រុមហ៊ុន​អភិវឌ្ឍន៍​អចលនទ្រព្យ​ជាច្រើន​បាន​បង្កើត​គម្រោង​លំនៅឋាន និង គម្រោង​ពាណិជ្ជកម្ម​ដោយ​ភាព​សម្បូរបែប​។ កត្តា​នេះ​តម្រូវ​ឲ្យ​មានការ​អភិវឌ្ឍន៍​ប្រព័ន្ធ​ផ្ទុក​ទិន្នន័យ​ដ៏​ធំ​និង​មាន​គុណភាព​មួយ​ដើម្បី​ពង្រឹង​ទំនុកចិត្ត​វិនិយោគិន និង​ដើម្បី​ងាយស្រួល​វិភាគ​ពី​និន្នាការ​អភិវឌ្ឍន៍​កន្លងមក និង​ការ​ព្យាករ​សម្រាប់​ថ្ងៃ​អនាគត​។

​លោក​បន្តថា​៖«​បញ្ញា​សិប្បនិម្មិត Artificial Intelligence (AI)​ជួយ​ព​ន្លឿ​ន​ប្រតិបត្តិការ​វិស័យ​អចលនទ្រព្យ​​តាមរយៈ​ការកាត់បន្ថយ​ពេលវេលា​ដែល​តែងតែ​ធ្វើ​ដោយ​ដៃ​កន្លងមក ហើយ​បញ្ញា​សិប្បនិម្មិត អេ​អាយ ក៏បាន​ជួយ​បង្កើន​ប្រសិទ្ធភាព​សម្រាប់​ដំណើរ​ការទិញ​លក់​និង​ប្រតិបត្តិការ​ទីផ្សារ​អចលនទ្រព្យ​ផងដែរ​»​។

​លោក ហ៊ឹម សីហា បន្តថា កិច្ចសហការ​រវាង​ក្រុមហ៊ុន Z1 Data Co., LTD (Cambodia) និង​ក្រុមហ៊ុន The Dev Masters ពី​អាមេរិក​នេះ​គឺជា​ការវិវត្តន៍​យ៉ាងសំខាន់​សម្រាប់​វិស័យ​អចលនទ្រព្យ​កម្ពុជា ដោយសារ​ថា​ការអភិវឌ្ឍន៍​ប្រព័ន្ធ​បច្ចេកវិទ្យា​ដើម្បី​ធ្វើការ​វិភាគ​និង​ព្យាករ​ទិន្នន័យ​អចលនទ្រព្យ​ដោយ​ប្រើប្រាស់ Artificial Intelligence(AI)​នឹង​រួមចំណែក​បង្កើន​ទំនុកចិត្ត​ដល់​វិនិយោគិន​និង​លំហូរ​ទុន​
​វិនិយោគ​ក្នុង​វិស័យនេះ​។

​កម្មវិធី​ជាច្រើន​នៅក្នុង​វិស័យ​អចលនទ្រព្យ​សុទ្ធសឹងតែ​អាច​ប្រើប្រាស់​បញ្ញា​សិប្បនិម្មិត​Artificial Intelligence(AI)​ដើម្បី​ពង្រឹង​ប្រសិទ្ធភាព​និង​កាត់បន្ថយ​ពេលវេលា​ដែល​កម្មវិធី​ទាំងនោះ​មាន​ជា​ឧទាហរណ៍​ដូចជា ការស្វែងរក​តម្លៃ​បច្ចុប្បន្ន និង ការព្យាករណ៍​ពី​តម្លៃ​នា​ថ្ងៃ​ខាងមុខ ការធ្វើ​ស្វ័យប្រវត្ត​កម្ម​នៃ​ឯកសារ​នានា ការ​ព្យាករ​ពី​តម្លៃ​អចលនទ្រព្យ​នាពេលខាងមុខ និង​មុខងារ​ប្រើប្រាស់​ជាច្រើន​ទៀត​។

​យោងតាម​លោក ហ៊ឹម សីហា ការអភិវឌ្ឍន៍​ប្រព័ន្ធ​ទិន្នន័យ​ដោយ​ប្រើប្រាស់​បញ្ញា​សិប្បនិម្មិត ដែលមាន​គុណភាព នឹង​ផ្តល់​ប្រយោជន៍​ដល់​ប្រតិបត្តិ​ករ​ក្នុង​ទីផ្សារ​អចលនទ្រព្យ ម្ចាស់ទ្រព្យ ភ្នាក់ងារ​ទិញ​លក់ និង រដ្ឋាភិបាល​។

​លោក Arshad Khan នាយក​ប្រតិបត្តិ​នៃ​ក្រុមហ៊ុន The DevMasters បានឱ្យដឹងថា​៖ TheDevMasters គឺជា​ក្រុមហ៊ុន​បុត្រ​សម្ព័ន្ធ​របស់​GBCSLLC​ដែលជា​ក្រុមហ៊ុន​ប្រឹក្សា​ផ្នែក​ទិន្នន័យ​ដោយ​ប្រើប្រាស់​បញ្ញា​សិប្បនិម្មិត Artificial Intelligence (AI) ។ TheDevMasters មាន​មូលដ្ឋាន​នៅ​សហរដ្ឋអាមេរិក​និង បាន​បង្កើតឡើង​នៅ​ឆ្នាំ ២០១២ ដែល​កាលពីមុន​ត្រូវបាន​ស្គាល់​ថា Codecamp5​។ TheDevMasters ផ្តល់​ការបណ្តុះបណ្តាល និង​ការពិសោធន៍​ពី​វិទ្យាសាស្ត្រ​ទិន្នន័យ Machine Learning និង​វគ្គ​បណ្តុះបណ្តាល​នានា​ដែលមាន​កម្មវិធី​ឆ្លើយតប​នឹង​តម្រូវការ​ទីផ្សារ​ជាក់ស្តែង​៕S/​

ទីតាំងផ្សាយពាណិជ្ជកម្ម

- Advertisment -

Most Popular

ក្រសួងផែនការ​បង្ហាញ​លទ្ធផ...

​ដោយៈ មុនី​រ័ត្ន​/​ភ្នំពេ...

បុរស​ចំណាស់​ម្នាក់ លង់ទឹក...

ដោយៈ ស​រិ​ទ្ធ / ស្វាយរៀងៈ...

នគរបាល​ខណ្ឌដង្កោ បញ្ជូន​ថ...

ដោយៈ ស​រិ​ទ្ធ / ភ្នំពេញៈ ...

លី​ទុយ​អា​នី​រកឃើញ​ករណី​វ...

​ប្រែ​សម្រួល : កញ្ញា​ដា​ល...