​យក​វត្ថុ​សំណាក​ជនបរទេស​៥៩នាក់​នៅលើ​នាវា​សំចត​នៅ​ក្រុង​កំពង់ចាម​ទៅ​ពិសោធ​

ដោយ​:​គង់​ហេង​/​កំពង់ចាម​:​ក្រសួងសុខាភិបាល​និង​អាជ្ញាធរខេត្ត​កំពង់ចាម​នៃ​ប្រទេស​កម្ពុជា​បានសម្រេច​យក​វត្ថុ​សំណាក​ពី​ជនបរទេស​ចំនួន ៥៩ នាក់​ដែល​បានរួម​ដំណើរ​តាម​នាវា​ឈ្មោះ VIKING CRUISE JOURNEY ជាមួយ​ស្ត្រី​ជនជាតិ​អង់គ្លេស​អាយុ ៦៥ ឆ្នាំ​ម្នាក់ ដែល​ត្រូវបាន​រកឃើញ​វិជ្ជមាន​វីរុស​ខូ​វីដ ១៩​ទៅ​ពិសោធ​នៅ​វិទ្យាស្ថាន​ប៉ាស្ទ័រ​កម្ពុជា​កាលពី​ព្រឹក​ថ្ងៃទី ១១ ខែមីនា ឆ្នាំ​២០២០​។​

​ដោយឡែក​ស្ត្រី​ដែលមាន​វីរុស​ខូ​វីដ​១៩​ជាតិ​អង់គ្លេស​រូបនោះ​ដែល​បាននិងកំពុង​សម្រាក​ព្យាបាល​ក្នុង​បន្ទប់​ដាច់ដោយឡែក​នៅក្នុង​មន្ទីរពេទ្យ​ខេត្តកំពង់ចាម​គឺ​ក្រសួងសុខាភិបាល​បានសម្រេច​ប​ញ្ជួ​ន​គាត់​(​ស្ត្រី​អង់គ្លេស​វ័យ​៦៥​ឆ្នាំ​)​ទៅកាន់​រាជធានី​ភ្នំពេញ​នៅ​ថ្ងៃទី​១១​ខែមីនា​។​ដើម្បីឱ្យ​សម្រាក​ព្យាបាល​បន្ទប់​ដាច់ដោយឡែក​ដែលមាន​បង្គន់​អនាម័យ សម្រាប់​ជនពិការ តាម​ការស្នើសុំ​របស់​ស្ត្រី​នោះ​។​

​លោក​ជា​ក្រូច​អ្នកនាំពាក្យ​សាលាខេត្ត​និង​ជា​ប្រធាន​មន្ទីរ​ព័ត៌មាន​ខេត្តកំពង់ចាម​បាន​ប្រាប់​កាសែត​រស្មី​កម្ពុជា​កាលពី​រសៀល​ថ្ងៃទី​១១​មីនា​ថា​នៅ​ព្រឹក​មិញ​នេះ​យើង​បាន​សម្រេចយក​វត្ថុ​សំណាក​ជនបរទេស​ចំនួន ៥៩ នាក់ ទៅធ្វើ​តេស្តរ​កកូ​រ៉ូ​ណា​វិ​រុស នៅ​វិទ្យាស្ថាន​ប៉ាស្ទ័រ​កម្ពុជា​។ អាច​នឹង​ដឹង​លទ្ធផល​នៅថ្ងៃនេះ ឬ​ថ្ងៃស្អែក​ថ្ងៃទី ១២ មីនា​។​

លោកអ្នក​នាំពាក្យ​សាលាខេត្ត​កំពង់ចាម​បានឱ្យដឹង​ទៀតថា​នៅ​ចន្លោះ​រង់ចាំ​លទ្ធផល​វិភាគ​ខាង​អាជ្ញាធរខេត្ត​បា​នស​ម្រ​ច​យក​ពួកគាត់​ដែល​សង្ស័យ​ពី​ការផ្ទុក​វិ​រុស​ខូ​វិដ ១៩ ទាំង ៥៩នាក់ ចេញពី​នាវា​VIKING CRUISE JOURNEY ស្នាក់​នៅក្នុង​បន្ទប់​ដាច់ដោយឡែក​រប​ស់​សណ្ឋាគារ​ក្នុង​ក្រុង​កំពង់ចាម​។​

លោក​ប្រធាន​មន្ទីរ​ព័ត៌មាន​បាន​បន្តថា​សូម​ធ្វើការ​អំពាវនាវ​ដល់​ប​ង​ប្អូន​ប្រជាពលរដ្ឋ​ក្នុង​ខេត្តកំពង់ចាម​ទាំងអស់ មេត្តា​កុំ​មាន​ព្រួយបារម្ភ និង​ភ្ញាក់ផ្អើល​ពី​ជំងឺ​ខូ​វិដ​១៩ ។ សូម​ប្រកបការងារ ធ្វើ​អាជីវកម្ម​ដូច​ធម្មតា ដោយសារ​ថា ជំងឺ​ផ្លូវដង្ហើម​ដ៏​កាច់​សាហាវ​មួយ​នេះ គឺ​ឆ្លង​តាមរយ​:​ដំណក់​ទឹកមាត់ និង​ទឹកសំបោរ ហើយ​ការនិយាយ​ប្រាស្រ័យ​ទាក់ទង​គ្នា​នៅ​ឃ្លាត​គ្នា​ចម្ងាយ មួយ ម៉ែត្រ​ឡើង​មិនអាច​ចម្លង​បានទេ​។​

​គួរ​បញ្ជាក់ថា ស្ត្រី​ជនជាតិ​អង់គ្លេស​ខាងលើ​ដែល​បាន​ពិនិត្យ​រកឃើញ​មាន​វិជ្ជមាន​វិ​រុស​ខូ​វិដ​១៩ កាលពីរ​សៀ​ស​ថ្ងៃទី ១០ ខែមីនា ជា​លទ្ធផល នៅ​វិទ្យាស្ថាន​ប៉ាស្ទ័រ​កម្ពុជា​គឺជា​អ្នកដំណើរ​តាម​នាវា​ឈ្មោះ VIKING CRUISE JOURNEY បានចេញ​ដំណើរ​ពី​កំពង់ផែ​ឈ្មោះ MY THO នៃ​ទីក្រុង​ហូជីមិញ ឆ្ពោះ​មក​ទីក្រុង​ភ្នំពេញ​តាម​ច្រក​ចូ​វ​ដុក​-​ក្អម​សំណរ​(​ស្រុក​លើកដែក​ខេត្តកណ្តាល​)​។​

​បង្ហួស​ចូល​ចត​នៅ​ចំណត​នាវា​របស់​ទីក្រុង​កំពង់ចាម​ជាមួយ​អ្នកដំណើរ​ជា​ភ្ញៀវទេសចរ​ចម្រុះ​ជាតិ​សាសន៍​ផ្សេងទៀត​ចំនួន​៣០​នាក់​និង​បុគ្គលិក​បម្រើការ​លើ​នាវា​ចំនួន​៣៤​នាក់​។​សរុប​ចំនួន​៦៤​នាក់​កាលពី​ម៉ោង​ប្រហែល​ជាង ៤ រសៀល​ថ្ងៃទី ៩ ខែមីនា​៕S/​

ទីតាំងផ្សាយពាណិជ្ជកម្ម

- Advertisment -

Most Popular

ក្រោយ​ការធ្វើ​តេស្ត​ជំងឺ​...

​ដោយ​៖ ទេព មង្គល / ភ្នំពេ...

ថ្នាក់ដឹកនាំ​និង​មន្ត្រី​...

ដោយៈ​ដេប៉ូ​/​ភ្នំពេញៈ​ថ្ន...

ក្រសួង​អប់រំ​ប្រកាស​ផ្អាក...

​ដោយ​:​សុផល​/​ភ្នំពេញៈ​ដើ...

ក្រុមគ្រូពេទ្យ បាន​ចុះទៅ​...

ដោយៈ រ៉ា​ម៉ន / ភ្នំពេញៈ ន...